岩岩覆完診,摸肚嘅姑娘話仲摸到小ｂ個頭，即未落哂去未生得（正常係摸唔到個頭仔先代表生得）之後見第二個姑娘話我今日預產期仲未生,叫我今晚或者聽朝自己入院等生吓,唔係嘛,我聽d人話唔知過左幾多日都未生先自己入院,姑娘就話唔等啦,可以入院ｇａ　ｌａ，等陣見醫生，佢會開張醫生紙比我入院，我聽完之後，覺得好驚，好緊張，好想喊唔知點算到見醫生，佢話如果我到７月３日前都未生先自己入院，我即刻鬆一口氣原來一講到要生，我係咁驚架

今日已經係預產期喇,對腳腫到不似腳型,但小b仲唔肯出嚟小b呀小b,你幾時先肯出嚟呀??

天氣一熱,我d貓就勁甩毛,為左我同小b著想,一個月前把心一橫將佢地全部剷哂d毛(除左波波,金金)初初有幾隻真係唔捨得剷,見佢地d毛幾靚,又無打結,剷哂驚生唔返原本咁多咁長又驚佢地怕電剷聲,但最後都係剷哂而家d毛長返d無咁醜怪,反而覺得佢地短毛好可愛毛掃少好多,真係想一路同佢地keep住呢個樣,我老公話佢地似史纳莎喎

達達

b仔

吾悾

him仔

細粒b

左右門神

我都唔知呢隻係邊隻

終於整好可以上網啦,呢幾日真係悶屎人啦

呢排成落雨無咁熱,本來d濕疹慢慢好返,無咁痕,但呢兩日,一到瞓覺又發作,痕到我瞓唔著,一''r''就''r幾個鐘先瞓到同埋我隻右手呢排成日都痺痺地,尤其食野,整野,總之一掘起就覺得痺,問過醫生,佢又話我隻手無事,唔通.....我有d咩暗病

唉,人有bb我有bb,我特別多事,唔係呢度唔妥就嗰度唔妥,等小b出世我真係要好好教訓佢仲有12日就到預產期,有時真係想小b快d出嚟,咁我唔使咁辛苦,但一諗到生嗰時會好痛就好驚

唔知係咪因為行雷落雨影響,呢幾日晏晝上唔到網,連到線唔夠10秒就斷左6點過後會好d,都上到一段時間,到夜晚一點後就上到兩三分鐘就斷尋日打去網上行問,嗰人叫我將上網嗰舊野d線重新插過哂,試左兩次都唔得,佢話要叫師傅嚟整,最快都要星期二,但嗰日我要覆診,咁就要星期三先整到喇,真係激屎人啦成$300一個月咁貴,又話有10M喎,但一D都唔快,又唔穩定,如果呢度唔係淨係用到Netvigator,我真一早轉左台

今日收到"數碼通"嘅律師信,起因係覺得個台收得唔好,又貴,咁我叫我老公轉去"3",但原來""數碼通"仲有合約,我老公點會記得吖轉左台一個月後,收到"數"嘅信,話我老公違反合約,要賠償$800,我老公即刻打去"數"問可唔可以轉噃去該台,或者開個新號碼,個職員話佢話唔到事,幫我地問吓上面,遲d再覆我地,等左個幾禮拜"數"先有人打嚟話可以用原先個號碼轉返該台,但原來"3"嗰度簽左年半約,我老公問佢可唔可以用第二個號碼,個職員又話要問吓先,遲d再覆我地,過左幾日"數"又寄封信嚟追討,我老公再打去問,但都係話要問吓上面,遲d覆返我地我地一路都有打去問,但"數"遲遲唔覆我地,而家律師信都出埋,真係激屎人唔知可唔可以投訴佢地呢

今日又睇醫生,因為太熱,d濕疹越來越嚴重,唔止個肚仔,連手,腳都有,d藥都止唔到痕,晚晚一瞓著兩三個鐘就痕到醒,痕到個人好憫好辛苦呀

對腳而家腫到好似豬蹄咁,聽心講生完對腳都係咁腫,唔知係咪真呢??

個肚越來越痕,仲好似大撻左,連小腿後面嗰舊肉都好痕,其實我小腿後面係幾個月前開始有一條條紅紅地嘅根,我諗可能係d微絲血管爆左姐,但呢幾日突然好痕,有d一粒粒野,今日終於去左睇醫生~

醫生話我肚嗰d係濕疹,咁.....即係呢排太熱,我勁出汗而''up''到出疹佢話我小腿嗰d係橙皮紋,有d植物曲脹,d一粒粒似比野咬,我同醫生就講可能係我同d貓洗耳仔用隻腳夾住佢地,醫生話d粒粒唔似比蝨咬,應該係對d貓毛敏感,開左d止痕藥,同埋藥膏比我搽~

醫生叫我唔好剷貓屎,因為d屎唔知有d咩菌,對bb唔好,等我老公搞喎~唉,我梗知啦,我一早都同我老公講過,但佢話我係屋企咁得閒,我今日再同佢講,佢黑黑地面話好,但等佢收工先~

吓,11隻貓一日剷一次咁我自己搞好過