個肚越來越痕,仲好似大撻左,連小腿後面嗰舊肉都好痕,其實我小腿後面係幾個月前開始有一條條紅紅地嘅根,我諗可能係d微絲血管爆左姐,但呢幾日突然好痕,有d一粒粒野,今日終於去左睇醫生~

醫生話我肚嗰d係濕疹,咁.....即係呢排太熱,我勁出汗而''up''到出疹佢話我小腿嗰d係橙皮紋,有d植物曲脹,d一粒粒似比野咬,我同醫生就講可能係我同d貓洗耳仔用隻腳夾住佢地,醫生話d粒粒唔似比蝨咬,應該係對d貓毛敏感,開左d止痕藥,同埋藥膏比我搽~

醫生叫我唔好剷貓屎,因為d屎唔知有d咩菌,對bb唔好,等我老公搞喎~唉,我梗知啦,我一早都同我老公講過,但佢話我係屋企咁得閒,我今日再同佢講,佢黑黑地面話好,但等佢收工先~

吓,11隻貓一日剷一次咁我自己搞好過

呢幾日個肚臍對落好似比蚊咬咁勁痕,d皮好似扯住咁,摸落凹凹凸凸咁,我一照鏡,見到一撻撻紅紅地嘅野,唔知係咪橙皮紋好辛苦,聽日要睇吓醫生先得~

都仲有嘔,尤其晏晝食完飯,雖然有止嘔藥,但我又唔想食,驚食得多對bb唔好,同埋食左會好

星期二嗰日去健康院覆診,磅重時竟然比上次輕左0.4kg唉,我都唔想,呢個月成日都嘔,冇哂胃口,又瞓得唔好,唔輕就奇醫生開左d止嘔藥比我,希望快d可以食噃多d野啦~~

唔知點解,我呢個懶人嘅hompy,竟然都可以做左推介喎,真係奇怪唔通因為細粒b,him仔做手術??

今日老公突然打比我話公司要佢下個月調出葵芳返工,我同佢聽左之後都好唔開心,做慣左一間舖要調走,加上要搭成個鐘車先到,如果係調噃元朗,屯門就無所謂姐,近近地嘛平時最少都返十一,二個鐘,而家加埋搭車咪變左返十四,五個鐘,我地見嘅時間咪少左唔制呀同埋佢依家返嗰度係屯門醫院隔離,到我生得嗰時,佢可以即刻過嚟陪我,佢調左出去我驚到時陪唔到我生呀

我睇得出佢為左呢件事唔開心左成晚,差d瞓唔著,而我都唔知點安慰佢好,真係無用

話咁快就過左一個禮拜,細粒b,him仔可以除左個罩啦係佢地帶緊罩期間,細粒b唔肯自己食野,要我遂粒糧餵佢食算啦,一個禮拜啫,可能佢真係好難食到呢,橫豎佢細個有病嗰時我都係咁餵佢ga lahim仔自己就食到,但我餵佢都肯食~

但每次我餵緊細粒b嗰時,大隻b就走埋嚟望吓我,望吓d糧,又聞吓我隻手,我就試吓比粒糧佢食,佢真係食喎,原來佢想我遂粒糧餵佢食大隻b,你唔玩啦,你又冇事冇幹,唔好要我咁餵你啦今晚細粒b唔知係咪習慣左我遂粒餵,一見到我就喵我,o爹我,叫我餵佢

等左4個月,愛協終於有流動車嚟洪水橋啦尋日一早,自己拖住細粒b,him仔去做絕育手術,由屋企行到出去,行左20分鐘,好熱好哂又唔記得拎把遮喎行到出去有d頭暈暈

等左陣填好哂資料,本來我排第7個,愛協嗰個男仔好好人,見我大肚,佢就叫其他人讓我先,有個女人就話(乜唔係到我咩......)個男仔冇理佢,照比我上車,仲幫我拎兩隻貓上去tim又叫我小心上落樓梯,因為架車係好似貨車咁,佢真係超好人呀

我返到屋企,又暈又嘔,好似仲暑咁,最衰都係我老公,攞唔到假,唔係我就唔使咁慘到3點幾,可以出去揍噃佢地,好左我老公個細佬放假,我就叫佢車我出去,唔係我諗我返到蹳暈低都似

佢兩隻返到嚟,可能d麻醉藥未散得哂,好似受左好大刺激,傻左咁周圍走,尤其him仔,仲比其他貓''fe''我驚佢地爆傷口就困住佢地,但都流左少少血過左幾個鐘,佢地情緒好d, him仔開始''lam''傷口,我就同佢地帶頭罩,佢地又傻左咁勁''young''個罩,周圍走,最後未冇哂心機攤係度佢地好快習慣,飲到水,食到野,但細粒b就衰d,要我逐粒糧餵佢食唔知佢係咪諗起佢細個嗰時病左,我都係咁餵佢呢

又好耐都冇update過tim,真係懶因為呢排都冇d特別事發生,搞到我都唔知寫乜好

我已經照左4D喇,係男仔嚟架,有少訐失望我老公當然開心啦不過未照之前,好多人都話我個肚係仔,真係準~~~