等左4個月,愛協終於有流動車嚟洪水橋啦尋日一早,自己拖住細粒b,him仔去做絕育手術,由屋企行到出去,行左20分鐘,好熱好哂又唔記得拎把遮喎行到出去有d頭暈暈

等左陣填好哂資料,本來我排第7個,愛協嗰個男仔好好人,見我大肚,佢就叫其他人讓我先,有個女人就話(乜唔係到我咩......)個男仔冇理佢,照比我上車,仲幫我拎兩隻貓上去tim又叫我小心上落樓梯,因為架車係好似貨車咁,佢真係超好人呀

我返到屋企,又暈又嘔,好似仲暑咁,最衰都係我老公,攞唔到假,唔係我就唔使咁慘到3點幾,可以出去揍噃佢地,好左我老公個細佬放假,我就叫佢車我出去,唔係我諗我返到蹳暈低都似

佢兩隻返到嚟,可能d麻醉藥未散得哂,好似受左好大刺激,傻左咁周圍走,尤其him仔,仲比其他貓''fe''我驚佢地爆傷口就困住佢地,但都流左少少血過左幾個鐘,佢地情緒好d, him仔開始''lam''傷口,我就同佢地帶頭罩,佢地又傻左咁勁''young''個罩,周圍走,最後未冇哂心機攤係度佢地好快習慣,飲到水,食到野,但細粒b就衰d,要我逐粒糧餵佢食唔知佢係咪諗起佢細個嗰時病左,我都係咁餵佢呢

又好耐都冇update過tim,真係懶因為呢排都冇d特別事發生,搞到我都唔知寫乜好

我已經照左4D喇,係男仔嚟架,有少訐失望我老公當然開心啦不過未照之前,好多人都話我個肚係仔,真係準~~~

De De d毛實左太笠喇,我忍唔住手....將佢剷到光脫脫剷完之後,小叮,him仔(背影右手邊嗰兩隻)唔認得De De,仲fee佢呀真係慘

媽咪,你仲咩剷哂我d先呀

咁醜怪,都係遮住個身先

唔.....件衫仔好似唔係好岩喎

唉,唔理喇,都係瞓陣先

早幾日睇報紙話呢段片隻貓比主人虐待,唔知你地覺得係唔係呢??但我就覺得冇乜野丫,都只係同隻貓玩啫~~

大家可以放心,我已經無事喇,好多謝你地關心&安慰可能大肚婆心情容易激動,搞到我呢排成日都因小小事發好大脾氣,而且好易喊一喊仲要係收唔到聲嗰隻真係要好好控制吓自己先得~~

d人成日都話,唔開心喊出嚟會舒服d,點解我一d都唔覺嘅每次喊完只覺得好攰,好想睡,但一瞓醒...仍然覺得唔開心真係好想搵個地方匿埋,咩人都唔見~

最近瞓得好差,仰臥瞓,條腰好唔舒服,打側瞓,個肚好似唔知點咁尤其陳小b踢緊嗰時仲更加唔舒服,再加上尾龍骨又越來越痛,真係好辛苦

前日去健康院覆診,姑娘話我重得太多,正常一個孕婦每星期重多半kg,咁隔6星期就應該重多3kg,而我就重左5.1kg,佢叫我唔好食咁多野,肚餓就食疏果,孕婦奶粉都唔好飲,因為好肥,要飲就飲高鈣低脂奶喎仲話肥得太多,到生嗰時會好辛苦~

唉~餓起上嚟好難忍口ga ma,而且我一肚餓就會瞓唔著tim寫吓寫吓,又覺得肚餓喇

早排見佢地有兩,三隻好似有耳蝨,我懶冇理,點知.......搞到我11隻貓得兩隻冇事其他9隻都有,仲要''R''到耳仔流哂血而家日日都要捉佢地洗耳仔,滴耳蝨水,好似同佢地搏鬥咁,真係慘

前日,當我剷緊貓屎時,佢地有三,四隻衝到窗口前唔知做乜突然,大隻B好似受到咩刺激衝落黎,佢個樣好辛苦咁,右眼仲合埋左,狂標眼水,我望上去,原來有隻臭屁虫係窗口我即刻用垃圾剷拍走佢,我估大隻B搞隻野果時,比隻野噴左D野落佢塊面,仲要係噴到應一應肥 De都有仲招,不就冇大隻B咁應第二日見佢都仲流眼水流膿,即刻買支眼藥膏同佢搽,今日好似好番冇事lu

受害貓大隻B