各位朋友我而家會轉係yahoo度打blog架喇,得閒過黎睇

下啦,點解我會轉,因為我屎忽痕唔想係呢度打,因為係

yahoo打blog多d朋友可以去果度留message麻,所以大家

去呢度搵我丫~~~

http://hk.myblog.yahoo.com/kellychan1234/

好耐都無update個hompy喇,一黎因為我比較懶,二黎我又

唔想成日對住部電腦,所以成日都唔去update,結果忍唔住

喇~~點都要上一上黎講下近況,不過好快我就可能會轉左

個hompy佢架喇,因為我會申請netvigator上網,所以我會用

番自己個login。我聽日會返大陸玩,去3日2夜好期待呀~~

好快又去玩過喇,個人真係無時停呀,阿女好快好快就會讀

書架喇,到時想去都無得去喇,所以而家要玩番夠本先得,

唔講住喇~~遲d再update!!bye

終於完成左5d4n既泰國之旅喇~~真係既難忘又唔捨得,

第一次自己行真係好好玩呀,一年先去得一次完全係唔

夠喉呀,起碼半年一次啦,唔知幾時先可以再去過呢?我

好鍾意thailand呢個地方呀,泰國人真係好nice同helpful,

又好好笑容喎,呢個地方真係好好。第一日返工已經未

回魂架喇,個心仲係泰國玩緊未番黎,真係要去招魂先得

喇,而家仲要加價添...我真係要專心工作先得喇,要儲定

多d彈藥,下年再去殺佢一個片甲不留,點解我話下年會再

去,因為我今年拜左四面佛,好有信心四面佛會幫我既,

所以我知道下年要返去還神架喇~~四面佛你要實現我

既願望呀,下年我會再黎還神架

我岩岩去完泰國返左黎喇,好好玩呀,非常非常之開心,而家

已經努力寫緊遊記喇,大家有興趣可以去呢度睇:

http://www23.discuss.com.hk/viewthread.php?tid=6983884&extra=page%3D1&page=1

聽日我就會出發去BANGKOK架喇,仲有一日咋,

而家仲係返緊工,不知幾想快D可以放工,今日既

心情都唔多好,唔知點解會咁,聽日我搭8:15AM

既早機,一早5:00AM要起身喇,今晚要早D訓至得,

第一次自由行,唔知今次呢個TRIP會點呢?因為我

都好努力去PLAN呢個行程,係老公成日都唔理,

我自己不斷搵資料,PRINT左好多有用既資料出

黎,希望今次呢個TRIP會好難忘啦!!

仲有3日我就出發去bangkok喇,但唔知點解呢排個人

就唔係咁舒服,仲之就成日都覺得個人唔係好妥,唔係

頭暈就呢度痛,再唔係就流鼻水/鼻敏感突然發作,呢幾

日仲不停咁痾添,點解會咁架?係興奮過度定我今年唔

適宜去旅行呢??真係好迷茫呀...點解會咁架!!可唔可以

唔好再病呀?今年鼠年都知犯太歲健康運唔係咁好,已

經去左拜太歲諗住會好d啦,點知都係咁,d病未停過,真

係要求下四面佛保平安+身體健康先得喇~~希望今年

快d過啦,我唔想做病夫呀~~~~~~

今日放假出旺角拎機票,順便去埋峰壽司食野,我同阿妹

兩個人出去,點零鐘出去,又掃下街買下野食,跟住就去奧

運旅行社拎機票,仲有5日就出發喇~~緊張死人咩,話曬都

第一次自由行喎,點到自己唔緊張,好多野都未plan好呀,

不過今次係hea之旅,唔好格硬規定咁多野啦,到時再諗

都得姐。今日lunch食峰壽司,兩個人食左$200,都ok啦,

唔算貴~~行到3點零4點就返屋企,因為鼻敏感發作好辛

苦,要返屋企抖下~~

今個月traget攪掂左喇,真係成個人輕鬆曬啦~~不過下個

月就慘喇,因為拎多左2日A/L,好驚會唔到數呀

要不停ot先得喇,近排日日上網去搵泰國既資料,唔想到

時兩頭"騰",叫左老公上網去搵料又唔去,咪自己親力親為

囉!我不斷係去thailandfans搵呀搵,而家已經有左個初稿,

知道大概係邊度,有咩食有咩spa好,到時希望有個開心

既旅程...