第三日 - Hello Kitty Land

我地今日去kittyland ...個個都訓到成10點先起身 真係比佢地吹脹 ><個個都唔想起身 , 見到佢地真係有d眼火爆 ....

不過今日天氣...唔好 ... 落雨 .. 所以我地一出酒店門口就去左便利店買傘 ....

我搵去緊京王線 ... 去kittyland

到左我最愛既kittyland lu ...yeah ... 不過落雨... 如埋真係凍 ><

幾多kitty ..

kitty個老母呀 ... 佢話: 走開la ... 你好煩呀 ...

高達 ..睇3D.... 今次好d ... 都知佢講咩 ...上次都唔鬼知佢做咩 , 一味係咁轉你 ... 上次玩完...差d嘔 ..

kitty ..我食左你la ...

同kitty 影相 .

條友仔都唔知望左去邊 ... 好睇人地同我地影個張ok靚咋..如果唔係我一定又去影過 ...

我覺得日本之旅同反町最靚既一張相

尼個生牛肉 ... 勁正 ....1000000個good

尼碟又係正架 .... 係和牛 .... 是晚dinner係日本之旅最貴既一餐...不過真係好正 ... 尼間野係係新宿 .... 佢依家做緊和牛放題 ... 正正正

是日戰利品 ... 今日尼度d野係反町送比我架 ... 我一蚊都冇拎過出黎 ...wo ... 個隻最大既kitty 成萬幾yen ... 不過其實今次我唔係買左好多野咋...反町樣樣都話唔好買....真係比佢吹脹左我 ...

第二日 - 原宿 - 涉谷

今日一早 8點起身 .. 去搭 JR 去 原宿 shopping 天氣都ok , 又唔熱 , 好似秋天咁 正 ..

左手面個個係我亞e .. 右面個個係佢個女....

反町成日拎住個手提影死物 ... 比佢吹脹 ..有我比佢影, 佢又唔死去影 ... 影d 死物做咩呀 ...

嗱....我有相la ... 終於都....><

yeah ..到左我既shopping town la ...

第二日既第一餐 ..早餐 ... 拉麵 超正 .. 上次去都有食到...

你係咪見到都流口水呢 ... 真係好正架 ..

原宿 .. 竹下通

日思夜想 ... 我今次去日本想食既pancake .. 正 ..我食士多啤利芝士pancake ..

全店好似 500 yen ...

你睇反生手上 ...幾多袋野 ..

合照 ...

是晚 set dinner ... 正 意大利粉 .. 涉谷 109上面 ..

涉谷 .. ABC Mart ..等佢拎對adidas 鞋比我 ...

反町手中 ... 只係其中既戰利品 ...勁 ..

戰利品 red wing -- 反町既 ... 我送比佢架

adidas -- 我既 ...

你睇佢 ...佢梗happy la ... 第二日就買左2對鞋 ... 10件衫 .我都係買左d 林審野咋 ...

嗱...我公司部電腦ok 左la ... 咁依家就update 日本d 相比你地睇下la , 今次去日本, 我冇咩點影過相 , 因為反町都唔like 影相 ... 又唔like 幫我影wo .... 咁今次...我係冇咩相 .... >< 就算有...都係唔多靚既...

去相 ...

第一日 - 羽田 - 新宿

反町笑到見牙唔見眼 ... 洗唔洗咁開心呀 ...

一上機影張相 ... 跟住就比空姐鬧 ... no photo ... pls ><

ANA 凌晨機既早餐 ... 都真係幾早下... 好似3點... ( HKT) 不過都ok , 幾好食...

到左羽田international terminal .. 再轉去terminal 1 搭 Monorail ..

一早...大家都好鬼攰 ... 你咪見佢笑得咁開心, 其實個個都好眼訓 ..

再轉 JR ... 山手線 去新宿 .. 都幾近 ... 唔洗一個鐘就到左 .. 方便過成田 去新宿wo .. 大家下次可以try 下...

日本第一餐 .... 亞妹介紹的  .. 食咖哩飯 .正. ...

相中個個係我亞e 個女 ... 佢都話正呀 ...

是晚買左燒丸食 .... 正 不過好熱 ...

第一日 - 戰利品 ..

尋日同一日聽到二個喜訊 ... 真係(登)佢地Happy

1) 公司大公子 - 將係下年11月結婚 .. 真係好 ... 男才女貌 見住佢個大仔同個個ex 分手 ... 先同尼個一齊... 我估佢地拍左23年la .. 哈哈 ... 真係完美 ... 拍2-3年就結婚 ....  哈哈 ... 每次有人話結婚我都好唔開心咁唸....幾時到我呢?? 我其實唔係恨嫁... 只係自己拍左咁耐...都應該係時候了 ... 眼見一個個結婚 ... 有d連仔都生埋 ... 哈哈 不過...好彩我仲young  ... 同埋反町一定會要我的... (我唸咋) anyway 祝你永遠幸福^^

2) 尋日 同 細狗dinner 同埋 xx... 聽到一個好驚嚇既 news ... 都唔知登佢happy 好定慘好. ... 佢都唔知點解識到個咁屋邨既人... 唉真係搵到都喊三聲 .. 依家仲搞大左佢個肚tim ... ( 不過有可疑 , 都唔知係唔係真 ) 一擊即中... 哈哈 ... 真係... 我勸你都係check 清楚好d .. 可能佢 ... 唉...尼度都係唔方便講咁多... 要講既尋日都講哂 .. 你小心d la ... 最後都祝你可以從今次事件上... 呃到尼個女仔.. 同你成家立室la aaaaaaaaaaa..... 真係冇眼睇 ... ><

其實都冇咩特別冇又係去原宿 / 渉谷 / 新宿 / 上野 / Kittyland / Disneyland sea / 中野 / 富士急 個 D...........都唔知你地點解個個都追我要我post 相 !! 哈哈 尼排好多野要做呀 , 忙住約人比返d 手信佢地 , 又同反町又忙住睇車 , 日日晚晚都好晏先訓 ..... 不過上星期六個日去左馬灣影寫真 ... 哈哈 , 不如post 幾張比大家睇下先la 日本相有架la 今日內post ,ok

尼d 係我亞妹同我影架咋 ... 個d 拎CANON 大機個d ...都唔知人地幾時比到我 .... 唉.....yvonne 係唔係呀!! >< 快d追佢部電腦返黎la !!

去相 .....

我地今次一行4人..... 6月26號晚就到左香港機場等........ 反町仲搞笑 ....佢一早下午3:30就拎埋行李出左門口 .... (佢個日仲話埋假tim , 又話怕放工好晏...又話趕唔切..wo) 真係有時比佢吹到啤一聲 , 咁個日我自己都好緊張....一放工都即刻返屋企... 唸住訓一陣 ....點知..係訓唔著架 ..... 個晚亞妹都係屋企等我返去 , 又成日問我幾時去機場wo....佢好似緊張過我地咁..... 我屋企人開始食飯la...咁我就順手食少少la....因為我都約左反町大人同佢係東涌食野 .... 大約9:00左右 ....咁我就出去la , 我一個人拉住一個26吋既有少少重量既喼落樓下搭車去南昌站同反町先生會合^^ 一見到佢...佢好似著到人地去著草咁 ....真係比佢激死 .... 我由南昌搭去東涌 .... 一路上反町先生個手提都係不停咁響 ..... 直到我地到左東薈城...佢個死人電話先至話冇乜點再響咋 .... 咁我一入尼個東薈城就見到麥記...咁咪入去食law .....食完反町又死去廁所換衫wo....因為佢成日比我講多二講話佢件衫唔好睇...佢個日就真係覺得佢自己好有問題架la....死貪靚鬼!! 之後我地搭車去機場 .....yeah...終於到左機場la... 但我打比我亞e. ...... 個陣己經成11:00 ....佢夠膽死話比我知..佢係屋企樓下啱啱上車 .... 唉......真係火都黎 .... 咁我同反町咪on 居居咁係機場行黎行去等亞大人亞e黎 ..... 到左11:30 ....亞e大人終於都同佢個女到左機場la...... 個個ana 櫃位比我預期中多人 .... 成個機場好似死城咁...冇咩人.... 我只係見到有d空姐好似喪屍咁行黎行去 .... 哈哈 ... 到我地寄行李個時 .... 反町發現亞e ...個喼比佢個女坐難左 ... 哈哈 , 咁都唔係難到好嚴重 .... 咁咪照寄law  

好 .... 寄左行李 ..咁我地就去左下一層食野 .... 又食... 食到差唔多1:00咁我地就開始入閘口了 ... 出左境 ... 我特登行慢d ...睇下比佬係唔係度,哈哈 佢真係唔係度 ...佢又真係幾準時收工wo ... 咁我見人地一個二個將褲袋d野放係個箱度. ....咁我又將我d野放出黎la , 點知...死la....我發現我有支白花油係個褲袋度 ... 我心唸死la,唔知佢地會唔會唔比我拎上機呢 ?? 點知有個比佬既同事比左個袋我放支油入去 ... 又叫我除belt 因為我條belt有d金屬既 ... 咁我地四個都好順利咁出左境la ... 之後等上機....反町因為係第一次出國旅行 ...佢既心情真係都幾緊張 ....睇得出佢好唔自然 ... 哈哈 ...我地就咁係1:45好準則咁起左飛了 .... 尼架ana ...正一比比佬講中左...正一cheap機 ... 連獨立電視都冇 ....d位又細,空姐又冇fifi 咁nice .... 真係下次再去都係坐返國泰好過 ......

我返左黎la ....各位 .... 今次日本之旅用左我4萬幾蚊 , 但我一d野都冇咩買過咁 , 我只係買左隻大限量阪kitty , 二件衫 , 一d林審野..... 而反町先生係我識佢7年多.....第一次買野咁豪爽 , 乜差都話買.... 佢就好la... 買左成5條牛仔褲 , 4對波鞋 , 1對red wing , 10件衫 , 仲有成家人既手信 , 佢就真係好la.....但佢話尼幾日辛苦過返工wo...因為佢日日二隻手都係戰利品, 又要同我亞e 拎埋, 又要幫我拎 .... 又要由朝行到晚, 早出晚歸 , 真係都幾辛苦下....

今次 .... 我我....我...好黑仔呀...... 去日本成8日.....我發左二日燒.... 返到香港...我仲唸住入唔到境tim .... 因為我係架機度係咁發燒 ...燒到面都紅埋 ....咁一落機一路行又冇人叫停我wo .... 過關又過到wo, 哈哈 ....都唔知香港d海關咁做野架... 不過有可能我因為班機太晚了 , 個個體溫機冇開掛....如果唔係...我唸我....個日一落機就比人隔離了 哈哈^^ 點解我話如果有開個個體溫機就比人隔離...因為..我一落機拎完行李..我就走左去睇doctor ....唉..怪唔知得我咁辛苦la...我發到104度呀.....差d燒壞我個豬腦la !!

好好好  .... 我又講下我既行程先 .. 依家就放工la....聽日先講la ..

今日反町尼個cheap 正同佢d 朋友去左海洋公園...尋日熱到死..大佬點去呀?? 咁我梗唔彩佢la... 所以尋日訓到1:00... 同亞妹係屋企hea 到4:30 ...約左peter上飛鵝山 ...睇日落.... 嘩..我今次真係咁大個女第一次睇日落咋 ... 叫個個反町同我去..叫左7年...佢都冇同我做過尼樣野 .... 雖然我尋日做左個好大what 數既電燈膽, 但冇法la...冇理由自己on居居係屋企浪費一個咁好天既星期日架嗎, 咁我咪跟埋去law ...^^

grace lau

peter and grace

peter and kammy

kammy ..

你睇我亞妹似唔似人地等緊車 ....

佢地幾溫馨 ... 全靠我有去同佢地影相咋....你睇下幾靚...

之後亞妹同我行左好一陣又一城 ... 咁反町就黎左接我去dinner 喇

尋晚又去食好野....象拔蚌...生蠔 .生牛肉.. 埋單: 1,9xx !!

仲有最後多謝我亞妹....陪我!!