乍暖還寒的日子，去完日本返黎，又要面對厚厚的雜誌，不過你受人錢財替人消災的道理我好明白，所以我會依時完成我的工作……

下星期去海洋公園黎個動物大接觸，好開心，希望好玩啦﹗最緊要係咩呀？一定要晴天，好似今日咁天朗氣清就好啦。

呢排的生活充斥住nds 的game，因為啱啱玩心跳回憶，好好玩，見到王子面紅時你會好開心，真係好令人心動投入玩落去的game，唔怪得啲論壇咁受歡迎啦……我都好明白，真係令人見到都流口水……唔通我發仔瘟……哈哈！！

書法方面就慘啲，因為懶的關係，成日都係一星期練得一個鐘，唔退步就好偷笑，希望自己可以加把勁，努力寫多幾篇先得，要趕得切交畀老師展覽，到時可以見到自己寫的書法應該會好開心。

我更新啦！

因為接到太多投訴，所以我終於上黎「蒲」個頭。

現在在公司打這篇的hompy，感覺好良好呀！月中去旅行，我會玩得好開心，唔駛擔心我喎，呵呵！

同埋你地緊記一點，唔好問我拎手信。我唔會帶好多錢去，哈哈哈！

但呢個月的工作量就會好緊，因為4個工作日係去左旅行，我會努力做好呢個月，改篇自曾特首。

我地係時候要聚一聚啦，不論邊一班的朋友，都應該食下飯，吹下水呀！

你地要識「做」先得。

新公司又過了一個月啦，時間過得真係真係好快，快到就黎到冬天啦……又好快到聖誕啦，心情不錯！！！

本來打左好多，但依家唔想打囉…hahahahahahaha

我只希望我所有朋友都可以快快樂樂……

新工非常忙，因為要記很多東西入腦，一時間好多好多野做，感覺尚算充實，希望可以快啲上手，咁我就可以好好分配時間……

分配時間做咩，當然好好咁諗下學咩、做咩……

或者分多啲時間瞓覺、打機、食飯、出街……

無聊的生活……都幾架

但有時諗營營役役為咩呢？為生活、為享受、為其他？

有時諗到當我死的個一刻，我會去邊呢？都咪話唔驚，一個人離開身邊的人，咁我會去到邊？有邊個呢？

咁唔死的時候，我應該要做咩先可以到死時覺得無憾呢？真係好難諗……

最近得知某中學同學結婚，我真心恭喜佢，但諗返中學時的野，我就覺得好無聊，覺得當時的自己好幼稚，覺得大家個時都好好笑……

但又確確實實影響着我現在的態度，所以不能抹殺當時的事，但雲淡風輕，一切又已經過去……

我的最新的生活態度︰悠然自得……

日日都頭漲漲，頭痛……

小牛公主，《夏陰》現在是我手機的鈴聲。

不知你會不會看到以上呢？

最近，常在公司聽的一首歌

《笑忘書》

係可以不停不停咁播住黎聽

何去何從？

我需要發洩，呀呀呀呀……

氣氛沉悶……

沉重……