返新工已有五日，工作量不多，可能是新人的關係，但感覺好像有些沉悶。

或者我習慣了在自由的氣氛下工作，同事的傾談、上網這些事，現在變得好像遙不可及，我希望可以在熱鬧的環境下工作。

但這裡很靜、很靜，我顯得格格不入。

希望將會好些，望着窗外的海面，環境確實一流，但……

年齡和工作有否關係？

是否年紀越大工作顯得越重要？

當別人的年齡和你相若，但已有一定的成就或能力時，自己會否自卑？

抑或是別人的眼光加諸在你身上的不同感受而需要一份好工？

成就是否這麼重要？

我覺得一份工作能提供你生活所需而你又覺得合適，就不需要理會他人的想法。這是我的想法，呵呵！

八月，新的開始新的工作，暫時未知能否成為一份長工，但會努力。

前面的說話只是剛想到而已，哈哈！

可能年紀大，就會想無謂的事。

明天去見工，筲箕灣，感覺好遙遠……望住個地圖，好似同地鐵站有一點的距離，不知有車去嗎？

書展又到，每年入場的意欲越來越低，難道我再不喜歡看書抑或不太想和人迫的感覺呢？？？

今年的時間好像過得很快但又其實不然，可能發生的事很多，好事壞事一齊來，但起碼認清人生真的要enjoy your life，呢句係醫生同我家姐講的說話，講得唔錯呀……努力成為自己座右銘。

孖女真係好得意，病的時候會差唔多一齊病，連病都會好似，一個係前期，一個就唔知係第幾期，大家都好平常心，聽到都好似無咩反應，因為生活依舊，工作亦依舊。

no solution係我地的睇法，大的用呢句說話得罪個醫生，hahaha，因為二的話呢個醫生好nice喎，但大的覺得佢好cool，梗係啦，你一句no solution就打沉人地喎，呵呵，梗係唔睬你架……

每日生活都如是……

去左廸士尼飲，食物一般啦，同左唐老鴨、Daisy、米奇和米妮影相，haha……

回禮好精美好吸引，係米奇和米妮結婚的襟針，不錯不錯，有兩款選擇，在我手囉喎，梗係兩款都有啦，呵呵！

現正努力找工呀，繼續努力努力……

最近都不太想update。

我去完温哥華返黎啦！好好玩，天氣都好好，得一兩日落雨，平日都幾好天。

但一返到黎見到啲月結單，唉……呢兩個月用了好多的錢，真係好慘，希望快啲揾到工幫補下，否則，黎緊我都要死慳先夠捱。

唯有努力盡下人事，你地有咩好工都介紹下俾我啦……

日日落雨，係咁落係咁落，快啲俾我見到陽光啦！

希望飛去玩時有陽光，咁就最好……

兩個星期後見啦！各位。

回歸書法班接近一個月，最近開始寫新字帖，張遷碑，喺中學時已經是寫這個帖，寫返的感覺好好呀，好開心，因為字型是較扁和圓身，所以好得意。

最近好多朋友的情緒都係好低落，望住佢地實在有心無力，想幫但幫唔到的感覺好差，活在呢個世代難道就不能簡簡單單，太多的問題太多的憂慮，太多太多……多到只能浸在悲傷中，其實係唔係可以簡單啲，唔好諗咁多，講就無敵不過我明白做實在好難好難。

希望佢地每個都搵到自己的路和方法。

噚日同阿媽去酒樓飲下午茶，叫了鳳爪、叉燒包、鮮蝦粉果同一碗魚蛋河，埋單三十八元，好抵食，味道都幾好食，好豐盛的一餐。

呀！好多朋友都問我家姐的情況，多謝各位關心，佢今個月開始返工，而且情況都好穩定，不用太過擔心。佢的病我地只可以順其自然，大家都要睇得開呀，呵呵！

最近在房發現很多註書蟲，係唔係因為太陽晒唔到所以搞成咁，好想滅絕佢地，依家日日都瞓唔好，簡直與蟲同眠，變成無得好眠。

保險個度都搞得七七八八，放心好多。

呢幾日都懶得搵工和寫resume，因為感覺好悶呀……

要勤力，但無咁易囉。

我發覺自己諗野都係簡單唔係複雜的人，可以話係好事黎架，唔諗咁多，無咁多煩惱呀嘛…