日日落雨，係咁落係咁落，快啲俾我見到陽光啦！

希望飛去玩時有陽光，咁就最好……

兩個星期後見啦！各位。

回歸書法班接近一個月，最近開始寫新字帖，張遷碑，喺中學時已經是寫這個帖，寫返的感覺好好呀，好開心，因為字型是較扁和圓身，所以好得意。

最近好多朋友的情緒都係好低落，望住佢地實在有心無力，想幫但幫唔到的感覺好差，活在呢個世代難道就不能簡簡單單，太多的問題太多的憂慮，太多太多……多到只能浸在悲傷中，其實係唔係可以簡單啲，唔好諗咁多，講就無敵不過我明白做實在好難好難。

希望佢地每個都搵到自己的路和方法。

噚日同阿媽去酒樓飲下午茶，叫了鳳爪、叉燒包、鮮蝦粉果同一碗魚蛋河，埋單三十八元，好抵食，味道都幾好食，好豐盛的一餐。

呀！好多朋友都問我家姐的情況，多謝各位關心，佢今個月開始返工，而且情況都好穩定，不用太過擔心。佢的病我地只可以順其自然，大家都要睇得開呀，呵呵！

最近在房發現很多註書蟲，係唔係因為太陽晒唔到所以搞成咁，好想滅絕佢地，依家日日都瞓唔好，簡直與蟲同眠，變成無得好眠。

保險個度都搞得七七八八，放心好多。

呢幾日都懶得搵工和寫resume，因為感覺好悶呀……

要勤力，但無咁易囉。

我發覺自己諗野都係簡單唔係複雜的人，可以話係好事黎架，唔諗咁多，無咁多煩惱呀嘛…

又完左個合約……

係時候又要揾工

不過六月頭去旅行

然後好彩揾到工的就返工

未揾到的唯有再努力揾

加油加油

我決定左去完加拿大返黎先睇醫生

我決定左買份醫療保險先睇醫生

我決定左啦啦啦啦啦~~~~~~

唔好鬧我呀呀呀呀………

呢個決定係在我兩個可愛(嘔！)的家姐提議下做出黎架！

呵呵呵！

實在太得我的歡心……

yeah!!!!!!!

當然此yeah和上一篇yeah是完完全全地沒有關係

但最近的心情都係高漲

今晚有得睇明哥，實在世界係美好架

YEAH~~~~~

哈哈，我都今日先見到公司的背景，真係抵打。

不過，現階段的我已經開始倒數緊，就快離職的我心情好平淡，不過節後的疲勞感很重，點瞓都係攰，可能之前透支得太多。

完合約後搵工，咩工？唔知，期待六月頭的旅行，兩個星期應該可以好好充電，為下一段路作好準備。

呢排班友仔好多都叫我檢查，但我想去完旅行先，起碼都去左玩呀嘛，費時依家驗左話有事，我點去呀跟住，我只係想去玩啫，唔好打擊我呀！不過我都明檢查的重要，個心咪十五十六咁囉！

恭喜poon做了媽媽，仔仔好得意呀！勁可愛，poon要加油啦！

呵呵！工作上遇到很多人，眼界都擴闊左，雖然份工比以前辛苦，但都得着很多，而且認識一班好同事，係我的幸運。

每日都在公司逗留至十一時多，但中間的時間開始有hae的感覺，等夠鐘接人、等夠鐘放工，但明明我仲有一本booklet要跟，點解我的感覺會咁悠架……

假期離我好遠好遠，精神萎靡頹廢，有幸見到靚仔評審，眼神精神為之一亮，呵呵……

做呢份工相信流左我最多最多的眼淚，為自己的工作喊，為同事的難過喊、為著許多無謂無聊的事喊，真係……

幾時自己變左一個易喊的人？

曾幾何時，我認為自己係一個容易妥協的人，但原來我都有底線，而且毫不退讓，亦不想理老細我是一個聽話定係難搞的員工，我只想忠於自己，亦希望有個透氣位俾自己。

換左眼鏡，感覺變化不大，只是顏色有不同，感覺？精神左囉！

我又想剪頭髮啦，電左後感覺都係咁，最近熱，我又好想好想去剪啦……

看到瑩瑩的病，令我覺得人生究竟要點先好呢？不過，樣樣事都無謂執著，有健康的身體已經係一件好好的事……值得高興，人生其實可以好簡單，做你想做的事，唔好只係諗而唔做，會失去好多好多。

我期待和你地吃飯傾計唱k，等我呀！