今日一次過post返晒之前既嘢, 雖然我都只係好簡單咁寫返, 不過好過咩都無記底......

亦都追返好多人既hompy......

當睇到丁家貓夫人既hompy某一段講到生第二胎, 但又唔想再經歷多一次呢一年既辛苦......之類既說話既時候, 我自己都好體會, 曾幾何時, 我都有考慮過生第二個bb, 因為對阿bb黎講, 有個兄弟姊妹, 會係好事......但當中仲有好多嘢係好緊要, 要慎重咁考慮......而自私d講, 其實我真係仲好驚, 驚生仔既情況, 驚痛......

而亦有人講過, 生左第二個, 更加無自己既私人時間......

以前未生仔, 我可以去邊就去邊, 夜晚去bar飲到幾點就幾點, 飲到癲就飲到癲......自從有左之後, 好早我已經對 -"放工即刻返屋企"呢個模式厭倦......因為我係一個貪玩既人......見倒d朋友去飲, 自己無得去, 好眼紅人地, 無計, 咁唔係點喎, 唔通大住個肚照去咩......咪唯有返屋企呆囉......

又以為我捱過呢9個幾10個月, 之後既生活會有返d節目, 但點知........遠遠超乎我想像......更加無時間去玩......

我自己係一個極無耐性既人, 有時我發覺我都唔係幾願去湊仔......

返工放工, 夜晚接返個仔自己湊, 阿bb訓左之後就先開始做家務......真係好辛苦......

放假想訓晏d都唔得, 每朝阿bb實好準時7:30起身......

唉......唯有死頂落去......

身在福中不知福

其實我自己好自私......

相比好多人, 我已經好幸福, 幸運......有奶奶同姑奶幫我湊......

我都唔明點解自己會咁, 會咁自私, 成日都想去玩......

籌備多時既芭堤雅之旅今日終於起程我等左呢日好耐啦~~~

我地一行8人去玩, 超開心, 超喪......

雖然呢6日有d掛住阿bb, 不過難得有得同爸爸同埋成班朋友去癲, 唔諗得咁多......

我地每晚既指定目的地---disco, 日日玩到無兩, 三點都唔捨得走

我仲買左好多boots, 真係超級多......

去到專門店, 我將我買d boots放晒落個"纜"度而個"纜"就放向地下, 當爸爸黎搵我, 佢見我兩手空空, 以為我無買嘢, 我就話地下個d就係我, 當時爸爸同d朋友都嚇親, 以為地下個d係d sales未執上貨架度......

爸爸叫我有咩想買就買......因為唔知幾時再黎......我都知既......

呢6日過得特別快, 個心好矛盾, 一方想玩耐d, 而另一方亦想快d返香港睇阿bb......人就係咁

同爸爸左諗右諗, 終於都係將阿bb d利是錢拆晒去......

嘩......有四千蚊......

我咁大個都未試過收咁多利是錢......

遲d就幫阿bb開個a/c, 將佢所有利是錢入晒落去......

奶奶話今日要同阿bb點燈,

雖然我唔係太清楚咩叫點燈, 不過我只係知道今晚成家人要出去食餐勁既

我地屋苑今日有醒獅表現, 當然我地又帶埋阿bb落去趁熱鬧啦

以前阿bb聽倒打鑼打鼓就心驚, 可能太嘈啦, 不過今次佢好少少, 無咁大反應......

但見倒個大頭佛就唔多鐘意, 爸爸抱住阿bb拍埋去影相, 點知阿bb開頭係咁望住大頭佛, 之後就伸手"勃"開佢......超攪笑

食開年飯, 一貫我地做法, 每次有特別節日或者特別事, 我地都會影底所有情景......記錄阿bb既成長

零晨既時候, 踏入年初一, 我同爸爸爭住俾利是阿bb, 雖然阿bb訓左咩都唔知, 不過我地依然有影底個情景

爸爸今日要返工, 所以只有我帶阿bb去阿媽度拜年, 之後仲去埋阿婆度添......

不過阿bb可能今日見倒太多人唔慣, 只肯跟我, 其他人抱都唔得

好在哥哥有揸車去車埋我, 如果要自己搭車就真係攞命, 不過我個人都已經散晒咁滯

今日返阿媽度食團年飯

阿媽同老豆見倒阿bb又爭住要抱