愛你不能忘記的，
忘記你不能愛的；
珍惜你曾失去的，
但不要失去你仍珍惜的！
|
| |
|
|
|
|
|
|
September 04,2006
今晚番4:00-12:00,唔知道今晚蘇先生會唔會黎接我放工呢~~公司電視壞鬼左,夜晚悶到想死,唯有攞屋企部NOTEBOOK番黎睇VCD啦!!!有個人上個星期應承我一個星期只可打2日機,請遵守承諾啊,唔可以再因為打機而唔理你女朋友啊,我真係會嬲的....
仲有一個星期就去旅行啦,但係我們一D野都未搞,什至過份到連機票+酒店都未BOOK...仲係到懶懶行...唔知自己想點....不過我知道天塌下來,咩事你都會同我搞掂的~~因為你講過我係你最錫同埋最在乎的人嘛
俾意見 [0]
文章URL
引用 [0]
August 30,2006
212 style="MARGIN-BOTTOM: 0px">好唔開心~~
212>
212>
本來大家都興致勃勃咁計劃緊去到曼谷食咩,買咩....但係你一句個假批唔到就破壞晒所有野,講真,我真係有d嬲,雖然我都知道你係唔想,但係又係你當初叫我們請假先,你話就番我們的假期請gar wor,以家你又話唔得....激死我啦~~~都唔知咁多日假去邊度好,唉....
August 23,2006
210>
明天拿左假同奶奶去睇醫生,本來諗住早D訓,但係訓左成2HRS都訓唔著,現在已經係深夜2:15AM啦,唔知幾時先可以訓得著呢~~近排因為成日都夜訓,攪到D SKIN愈來愈差,又唔勤力做MARKS....今日睇雜誌見到D臍環勁靚,有D衝動放左工之後即刻出去穿,但係最後都係無穿到,因為驚俾阿爸阿媽發現....一定俾他們哦死~~~
WING WING今日同D同學仔又去海洋公園,她們就好啦,學生可以玩就玩,又有暑假放~~我好想去海洋公園萬聖節PARTY呀,唔知有無人陪我去呢~~
August 19,2006
今日終於去左海洋公園啦,下午12:00去到,玩到成11:00pm先出黎,首先我們一入到去就搭覽車去山上玩機動遊戲,今次係旻旻第一次夠高玩機動遊戲,她的表情真是十分搞笑,之後我們去左水母館睇水母,d水母原來分好多重架,最搞笑的原來係有"朝天水母",最靚我覺得係全隻都係透明的水母~大約7:00就搭攬車下山玩"下水禮",好彩我醒目帶左泳衣,如果唔係下場就.....
,因為真係會成身濕晒~~值得一提的係,我們玩射搶時,有一個工作人員好靚仔架,好似有少少max,大家有興趣可以去睇一睇~~
August 16,2006
145>
咁快又16號lu,現在我plan緊15/9去泰國曼谷旅行,但係我d"團友"好像不是太乖啊,只有我在上網搵資料,什麼都好像唔關他們事似的,好無奈啊~~我們今次的旅程大多選擇自由行,因為我們想SHOPPING為主(撿平貨),唔想去太多地方參觀,浪費時間MA~~如果大家有咩好地方建議,請留下MESSAGE,萬二分感激~~
好野,明天就去拿DIOR眼鏡LU,勁開心,因為真係好靚,但係我始終帶唔慣,好驚帶一陣又唔帶,如果係咁,我又被他哦lu,他哦人真係好煩,好似有十幾隻烏蠅係你頭上面飛來飛去,好想趕走去但係又趕唔走似的,但係無計啦,鬼叫伙他係我男朋友咩,仲要副眼鏡又係他俾$....
August 09,2006
喂,你好啦喎,昨晚我已經當無發生過任何事,你想死呀,今日打電話俾你咁大聲同我講野!!!我都係諗住問你想今晚睇戲抑或星期日晚先睇之MA,你呾大聲做咩呢?我知,你話電腦有得DOWNLOAD MA,唔想浪費金錢呀麻,不過我同你嘅觀點與角度都大大不同,我認為一套好戲係應該俾$入戲院睇,更可況呢套戲係你自己話想睇,我先會留意,你係我屋企睇番第一集,你話我唔睇,我唔係唔想睇,而係我副眼鏡留左係你屋企,請問呢位先生我點睇呢?!
細佬今日會考放榜,會考成績比我想像中的高,起碼科科合格呀,有人聽到我細佬話讀工商管理就話唔好,梗係啦,驚我細佬讀完之後,會係公司度做MA...
下面的相片係我房外的風景...
August 08,2006
138>
同你一齊7年幾啦,我知道係物質上面你已經盡量滿足我,同埋都好就我,但係我覺得我們溝通上面出現左好大問題囉~~好像平時夜晚同我食飯,你大多時都寧願睇書,都唔同我講野,但係你同你d friend總係有d講唔完的話題,傾通頂都傾唔晒,我同你d friend同一時間打俾你,你寧願聽你個friend電話都唔聽我電話,係呀,我只係識講d無聊野,但係你d friend就全部都係正經野ma,你咁唔鍾意,做咩仲同我一齊喎??同你d friend打機,打到半夜先返,係我屋企11:30pm已經話要返屋企啦!!你梗係想我9月去旅行啦,你可以同你d friend去玩,玩到幾點都無人理你ma,爽死啦,我最好以後都唔番黎你就最開心啦,係唔係??不過我就算打晒d感受係度你都唔會知,因為你都唔知道你女朋友有呢個"分享空間",一個每日都上網的人,竟然唔知道女朋友開左個網上日記,大家會覺得他有幾關心他的"女朋友"呢!!!不過我不會唔記得你星期六晚同星期日會特別"關心"我....的
唔知道,我們仲有無可能一齊渡過第8年呢?!
August 03,2006
137 style="MARGIN-BOTTOM: 0px">去左旅行~~
137>
137>
