今日好想係度多謝，喺食晏晝飯嘅時候同我傾咗好耐，制服房嘅惠姐！

我哋講開其實只係一句好簡單嘅說話︰

「過度自己，過度人哋！」

其實呢句一直都係我嘅……座右銘！

不過以前嘅我會將佢讀成----過度自己先可以過度人哋！

但係而家嘅我就會讀成----過度自己咪過度人哋囉！

可能你會覺兩句說話無乜分別，起初我都以為係！

不過惠姐佢就話，聽呢兩句嘢就知道我個人放輕咗，係件好事喎！

噚日收工前俾我部門亞頭鬧，鬧到單晒！

雖然我都知，自己因做手術請咗三個幾月病假係唔好！

(不過我等咗佢好耐啦！)

攪到今日返工都無乜心機……

不過，無辦法啦！鬼叫你係我亞頭咩！

唉！但無心機嘅元頭係……

聽完自己份工作評估報告之後囉！

咁低分，真係無眼睇呀！

講開喺亞洲國際博覽館嗰個世界電信展，原來……

好抵呀！

聽人講話三百廿五蛟入場費，但你可以攞番咁多嘢走喎！

好似有電話繩呀、得意嘅式物、各形各色嘅快佬、仲要玩佢哋嗰啲電腦遊戲(免費咖)……

遠就係遠啲(仲遠機場少少)，但都應該幾過癮嘅！

被譽為「電信界奧林匹克」嘅世界電信展，噚天起一連五日喺本港舉行啦！

全球有成六百多個參展商，帶來啲係最新嘅手機服務、電腦系統、電子手帳、遙控家居電器、數碼收費電視等等……部分新穎嘅產品仲係首次登場咖。

不過，對我嚟講最重要嗰點，咪就係帶旺晒酒店業嘅生意囉！

大部份嘅房都爆到瀉呀！

但......係好事呀！
忙係忙啲咖啦，希望年尾公司有表示($?)就好啦！

開始啦！開始啦！

開始啲乜……知咪開始凍囉！

可能一早起身返工未睡得夠啦，喺巴士站等車呀……

係咁_~~~震呀！