Dun Bother Me! : Hompy

June 02,2007

真係丫!

丫,真係忙到唔多得閒打呢~

攪到又過幾日先可以再update!

依個星期好多謝我兩位好朋友呀!!

Catry .... 晒得太多真係會變炭啦! 不過好開心, 好多謝你! 多謝你陪我呀! 最衰今日我冇得去沙灘啦!不過唔緊要啦, 大把機會!! 只要我地仲係朋友~

Baby Ying 呀 , 真架 , 你要自己小心d , 知冇! 我同pat pat都有d擔心你! 不過你開心就得啦 ! !

至於我 ..... 我都唔知點解其實我都算好忙 , 但係都仲要咁多野諗既? 邊有咁多精神 , Catry , Baby Ying 你地教我既,我希望我識得點做啦! 不過你地一定要向我身邊呀!

今日去左紅館 set up ! 丫 , 我連上次伊館 show d 相都未放出黎添! 好啦,過埋聽日一次過啦! 不過今日去睇一睇 ...哈哈 , 其實的確非常開心呀 , 因為第一次見到自己個作品出現向紅館,哈哈!其實唔係d咩大製作 ,但係起碼我係有用時間同心血嘔佢出黎 , 有付出係唔同d既~ 聽日真係要加油呀! 努力 !! 帶定d相機聽日影多d相先~

俾意見 [1] 文章URL 引用 [0]

May 29,2007

呵呵!

呵呵,終於都可以話忙完(依一排)~今日終於有得休息下~

開心既一日,呵呵!!

真係未試過平日放假 , 放星期一都幾好丫! 今日非常充實呀!!

終於有時間去睇牙醫啦,哈哈!今日恨恨地將我隻俾虫虫蛀左既智慧齒脫左~嘩....幾耐冇試過... 幾驚呀! 不過阿醫生姐姐手勢ok呀!所以到而家都唔痛又唔腫(touch wood touch wood!)

之後就同左朋友仔行街街呢 , 呵呵! 本身咩都買唔到變到最後又幾千蚊落樓,哈哈!不過好開心有依個朋友,雖然成日都好惡,但係始終都係錫我既~最開心就係去左好耐冇去過既 CPK食飯 , yeah!!!

之後baby ying 出左黎陪我 , yeah yeah , 繼續 shopping 呀!!女人 ... 唉 .... 真係有問題 , 其實今日用左好多$$ 呀! 真係好多 , 但係 ....呵呵 , 又真係好開心喎!

Baby ying , 真係好耐冇同你傾過計啦 , 其實係真係好耐冇時間去同我所有既好朋友傾計 , sorry 呀 , 我會再安排好d時間 , 你地唔好唔理我呀!!

俾意見 [0] 文章URL 引用 [0]

May 20,2007

真係顛架啦~

今日放工番到屋企,真係得一個字......'攰' ~

唔只係做野攰,係加上今日要帶我兩隻心愛既寶貝睇醫生 ...... 嘩 ......顛左~

基本上番工,一定有開心唔開心,只係睇自己點去諗點去做~我一路都係自己做自己既唔會去理其他既事,但最近發生得太多確實有d煩厭~

加上.....唔開心最緊要係咩丫,係有人關心下你,真心咁支持下你嘛~ 我呢 .....唔想同好朋友仔講因為朋友仔都係會向公司出現....出面既朋友呢?又真係唔想講因為每每收工已經好攰好攰,身心都係....連同朋友仔食飯既時間都冇,亦冇時間同心情去分擔佢地既心事又點可能令佢地擔心呢~

最後咪就係到我最溫暖既家,記得上次俾 Daddy話,都係依份工......佢地唔係唔鍾意我做,只係擔心囉,會鬧 "點解咩時間都冇晒,番幾早都好,都係咁遲番屋企,放幾早都好,只會見到我一陣就已經向到做公司野~可唔可以俾番d時間屋企,可唔可以俾番d時間你自己,你再係咁樣,我寧願你唔做野,都好過好似冇左個女,個女又唔見左自己" 記得佢鬧過,所以唔開心都唔敢講~識我既朋友都知我有幾眼淺,有時真係唔開心,本應好想番屋企,都變左唔想番屋企,因為我知道只要有人問我一句,我既眼淚已經可以不停咁流~

Daddy今日見到我早番屋企,佢好開心呀,因為可以同我食飯~其實諗番早兩日,真係好心痛好心痛~因為 Daddy 每晚都會定時定候打俾我,接我番屋企~其實已經係成差唔多十二點,依幾晚.....確實做野做到好夜,估唔到佢就好似冇瞓過覺咁,每個鐘過黎問下我點,又問我肚唔肚餓~跟住第二朝仲要同我一樣早起身車我去搭車~.......好心痛呀~我知佢唔想我辛苦所以咁做,我知佢地好唔鍾意.....但係,我都唔知呀~~我都唔知為咩咁.......

我真係好難受,好想好想搵個地方大大聲喊出黎發洩一下~再唔係就真係顛架啦~

俾意見 [0] 文章URL 引用 [0]

April 23,2007

十萬個....悶呀!

唉,放假先黎落雨,攪到咩mood都冇晒!

真係慘!

確實有十萬個悶,日日番工放工番工放工,開始有d唔鍾意!

唉~

俾意見 [0] 文章URL 引用 [0]

April 17,2007

遲左成個幾月既相!

哈哈,終於都拎到d相啦,又真係好遲!

果日係3月11日,公司分店開將日子!

諗番轉頭,原來咁就一個月,真係快!