亞咪證實患有糖尿病，她非常的擔心，據聞這種〝富貴病〞好多限制，我可以做的是幫她克服心裡障礙及陪她多走動一吓。

這個週未節目豐富，抽起筋好耐"唔唱K"，約埋細佬亞咪去附近唱，好過癮地唱足三小時，跟住出去九龍塘三叔家晚飯兼打麻雀。星期日又是郊遊的時間，上次因錯過船期而去不成坪洲，今次再接再厲，我想未曾去過坪洲，正如三叔講" don't expect too much "，落咗船後跟住指示牌去『手指山』，大約半小時就可登山頂，但要行ニ百幾級樓，天氣不錯可望至對面Disneyland Hotel 及愉景灣，之後行另一邊的沙灘，昨晚看到三叔浪漫的在沙灘上寫"I Love u forever " 的相片，在我的建議下老公在沙灘上，寫上我們的字再劃上心形，不算浪漫但好開心 .....P.S.今日小腿落樓梯勁痛

細佬大學畢業，請咗半天假去觀禮，雖然典禮真的差點悶到想瞓，幸好有管絃樂現譯，為了支持他在所不計啦！過程中有一刻感動是全部同學站立拍掌給父母和老師，feel 到眼淺的亞咪用手印吓印吓眼淚。我周不時同細佬講讀多些書，好似不中聽，但我這過來人感慨萬千！

突然亞Sir請食飯，原本放假都仆番去食，唔知會唔會有內幕爆，當然聽咗等於無聽，應該安全至農曆年，好多未知因素亦不便透露wor。今次係我第一次Join Team Building，其他team食到中途周圍隊酒，連OA都擦亞Sir鞋，真係難尹食！

我想大約有十年沒有一家人去旅行，原本想去日本或泰國，我主張自由行但他們較喜歡跟團，或著下年一齊再儲多d先算，粗粗地去咗澳門玩兩日，正因為一家人巳入金沙會，所以有免費船票，真的慳會不少，雖然時間無得control，老豆早少少出去排隊輪飛，都要等到一點先上船，去到澳門亞咪極力推介去威尼斯人Food Court食帶子雲吞、咖哩牛腩、林林總總買些食，我第一次去威尼斯人，感覺不陌生因看得太多別人影的相吧！竟然找到NaRaYa，送了一個小手袋給亞咪！我們找到相宜價錢的洒店，休息一會就出去，其實毫無頭緒，最後我想食葡餐，選擇較舊的餐廳，點了淡咖哩蝦、咸豬手沙律、燒鱔味道不錯，甜品由細佬請我食木槺布甸，無第一次食咁驚喜lu ....

第二朝食三元豬肉丸粥，周圉逛逛，飲完茶就回酒店，準備去賭場逗留一小時換船票，估唔到細佬

待續

今日風聲鶴唳地渡過，各方好友紛紛致電及SMS詢問我又否中招，相信目前呢刻小妹能平安無事，但無人擔保下一次有冇我份，各人心態都係做得一日得一日。

我個電話買了兩個月左右，竟然昨日有衝動trade-in換另一款，除咗外形好過之前的，其餘function都不比舊的好，最差係經常hang機，令到靠佢鬧醒的响聲無咗，我之後巳經買多兩個鬧鐘，但我對它諸多滿 ....

天朗氣清今日決定登高，原本去坪洲但送船尾，轉去南丫島行至榕樹灣，這條路徑我行過三次，今日多人都不得了，一如似往行不夠十分鐘我就嗌攰，當然行畢全程，但腳就痛到依家，今晚一定會好好瞓。

(P.S. 老公話同佢行夠廿次，送我Agnes b手錶，但我話行十次可唔可以要casio膠錶先呀!!)

開心日子過得真快，不經不覺巳經結咗兩年婚，可能聚少離多好似無一齊生活兩年咁多，我看番一年前寫的日記，仍然仲keep到同上年一樣那麼的快樂。今年沒有如上年一早找地方晚飯慶祝，剛巧我的同事也差不多時間週年紀念，她上網找到一間在exchange square的餐廳，做在先行步隊試菜，環境不錯，因為待應仲多過食客，食物好一般，以我睇環境多過食物的人，好適合談情的地方。老公從夏門回來買咗Anna Sui新的香水給我，他〝好久不久〞的禮物，確實帶來一點驚喜！係晚飯的時候，老公同我講咗一句深刻說話，希望兩年後多一個人一齊慶祝，有時我都好想，因為有時一個人感覺孤單，不喜歡狗的我也曾經想養一頭，有時又覺得兩個人鍾意去邊就去邊多爽 ... 不過一齊隨遇而安吧！

＋一月多喜事，首先我至錫的細佬牛一，原來他在我的心目中仲係小朋友，昨晚發夢仲係bb添 ....我真係希望他可以讀多一點書，知識改變命運好老套，好希望他好好掌握命運，或者攞我嚟做借鏡，雖然依家我都好滿意生活，若果唔需要睇價錢胡亂買嘢，你話幾痛快！

上星期六軒的堂妹結婚，我們去觀禮當然要準時出席，偏偏臨去要洗車入油又遇上塞車，最後都遲咗而幸好未行禮 ...又再聽一次 誓言，再一次加深印記。今次被感動了，因為男方平時好文靜，多次表現興奮娶得美人歸，除一般節目外，男女皆老帥，男更用女的名字作首七言詩，短短四句交待相識至未來，同樣地我又要一首，換來的是攪笑版 !!

這個月大約有廿多天自己個人住，感覺寂寞，但我總相信在外邊工作的老公一定辛苦，所以他不在家我總喜歡抹呢樣抹果樣，等他回來舒服點。雖然天氣仍然熱，我開始換些薄簿的衫都攪咗我四小時，可怕的是好多裙加褲統統扣不到，連大脾位都窄都唔到氣，有藉口買嘢。