終於睇左m-flo 既日本武道館既Beat Space Nine 演唱會,勁勁勁好睇呀,無咩悶場廁所位咁,VERBAL RAP 得好勁呀,EMYLI 好SEXY 呀,不過佢跳舞幾好睇喎,仲有YOSHIKA 把聲真係好靚,我諗香港幾難睇到一個咁既演唱會LOR,真係以音樂為題,仲有因為主角真係唔靚仔...哈哈哈哈

今個月係大出血月呀,月頭就有Coca-Cola X TREXI,好彩唔係買曬,只係買幾隻,因為個價唔平,所以都幾金下

之後就係劉米金杯2006~~~首先就係SOGO 既BB,講真個樣就麻麻,個吸引力不大,因為之前出個好多款,又要買$300野先可以換,不過我都會換返兩款玩下,

之後仲有TOMM 少既GARDEN DARK TOYS FIGURE,個LOOK 真係殺死我,黑身白骨勁正,反而白身黑骨真麻麻,件褸都好正,但係個訂價好似貴左小小,可能多噴油模啦,無計~~

仲有M記既飯-TASTIC 咭,呢個勁麻煩,要抽,又有33款,講真要儲齊都幾難,

到最後就係大PROJECT 既劉米金杯2006,出曬32隊既MICHAEL,仲有歷屆吉祥物,又有STICKER,TEE ,POSTER等等,勁多野,就咁睇個感覺比預期中討好,今次真係估佢唔到

UPDATE 左台灣之旅DAY 2 既相,睇返都好開心,原本諗住今年之內去多次台灣,但可惜時間唔岩,希望下年可以再去,,DAY 3 不日UPDATE..

今日終於聽左EDC 既69FM MIXTAPE,講真頭10MINS有小小失望,一開始CHEF同EDC係之前逆格鬥同 KILLA KELA 既 FREESTYLE既 RAP,不過加左段chorus,之後EDC又係逆格鬥其中一段FREESTYLE,跟住就係CHEF 隻MIXTAPE既THIS IS HOW WE DO,加左EDC 一段,再之後一段音樂底係TERIYAKI BOYZ 既超LARGE MUSIC,再加 KANYE WEST TUOCH THE SKY MIXTAPE一PART 詞,再黎就係鄭融,呢個時候都聽左一半,不過之後個PARTS好正,好有POWER,CHEF,MC YAN D 詞好有力,EDCD 中文RAP有進步,最後加左JANICE 首歌好抵死,串CANTON POP (可惜我仲未買,第一批SOLD OUT,要等,)

上次UPDATE左M-FLO D MV 比大家,今次再一次UPDATE M-FLO,不過今次係LIVE,但係D 歌就一樣,希望你地LIKE 啦(好似話M-FLO今年會出碟)

  個日(1/4)一起身就走左去"阿宗麵線"食早餐,途徑呢間專賣好得意糖果鋪,有M巾綿花糖,CONDOM 糖等等,    之後去到"阿宗麵線",勁多人係到食呀,不過我就覺得麻麻,好似平時既碗仔"似",我食左一啖就算   我地第一日用左好多錢,要幾個人食一碗..哈   之後就去左"京鼎樓"食小籠包,餃子,飲雞湯,原本係去"鼎泰豐"食架,但係老大推介話呢間好食D,咁我地就去左lu     呀~~~好大個小籠包呀..  食完野之後我地就去左shoppping,首站係台灣pixie gallery 買野,買左好多spanky 既野,但係就無影相..   仲有去搵台北間Busy Work Shop原來個一帶都係好多潮流鋪,有2%,ADICOLOUR,X-LARGE,RMC等等,仲係X-LARGE同人撞CAP,哈哈  搵左一陣先搵到既台北Busy Work Shop,地點非常隱秘,同埋間野好細,而且D價錢其實同香港既水貨店差唔多,無買野就走左  行左陣勁"支力",去左誠品抖下,金銀潤先生七姑碌氏都係個到買書,而我地就坐係個到HIGH TEA!!!  夜晚我地去左食麻辣火鍋,勁勁勁勁好食呀,個湯底一半係麻辣,一半係牛奶,之前未嘗過呀,間鋪平時一定搵唔到,唔係有老大帶我地去都唔識去  係個到食左成3 個鐘,好開心,呢餐我都好難忘 呢到就係我 DAY2 既戰利品,有SPANKY 既KEITH,MINI SPANKY, MINI TREE HOUSE 2,TOUMA 既SKUTTLE,NATHAN 既冬姑仔NAAL

又成個月無update 啦,唉...好唔掂,所以我決定以後一個星期點都update 一次,無論點都要update....

上個禮拜出去飲野唱K都出得好密,差唔多隔日就去,不過勁勁勁好玩呀,上個星期六唱K玩到勁癲呀,好耐無嘗過玩得咁開心個個都玩得好放,估佢地唔到,

BAPE 呢排出左頂新MASH CAP,係NEW YORK字款既MASH CAP,比之前個d靚好多,自分十分興趣,可惜行貨買唔到,水貨又炒到太貴啦,為有等遲d睇下有無平d啦...唉

呢排我都買左兩隻HIPHOP既CD,有PangPangTong x Fingercroxx 既remix 啦,DJ Smallz & Master P Southern Smoke 20 mixtape,兩隻都唔錯,PangPangTong 個隻係non-stop,仲加埋R&B,正,DJ Smallz個隻都ok,不過無上次買KANYE WEST既TOUCH THE SKY咁好,仲有好想買EDISON 隻69FM MIXTAPE,今次係佢自己一手攬曬,音樂底應該會比以前好,不過無時間去JUICE買...

不過呢排聽得最多既,就係日本hiphop 組合m-flo,佢地既歌好有feel,快又得,慢又得,勁好聽,係我近期好鐘意既hiphop 組合,佢地係日本武道館既Beat Space Nine 我都未睇,好想睇下佢地live會係點,係呢到post 幾首佢地既歌比大家聽下,有同YOSHIKA既let go,同山本領平既miss you, BOA既the Love Bugteriyaki boyz 既heartbreakers,大家嘗下聽下..

上個禮拜同今個禮拜都買左好多書~首先上個禮拜就買左兩本,1本係香港電影金像獎特刋,成本書有小小失望,好多大頭既相,而且好多廣告,同埋後幾頁講返歷屆既資料唔齊,好失望,第二本就係由阿德,小克,eric so,智海,歐陽應霽5位漫畫家合作既漫畫書"春卷",睇完成本書,第一個感覺係無感覺,可能小克同阿德兩個d野成日係東touch睇到,eric so個個又無咩點,而智海,歐陽應霽我就麻麻地鐘意佢地d野,所以寫唔到咩比大家知,只可以講一句,唔睇開佢地既野千祈唔好買,你會睇唔明!!

到返今個星期,都係買左兩本,第一本係MILK X NIKE共同製作既”MILK - NIKE FOOTBALL: JOGA BONITO”特別專刊,個人覺得麻麻,頭幾頁介紹球星,之後講下D衫,就連BEARBRICK 都好似唔齊,又無EXHIBITION D相睇,不過$28算係咁,有書有POSTER同埋BEARBRICK STICKER,淨買張STICKER都抵!!第二本係BAPE X SMART 特集,自分一直都有收藏,由第一本綠色迷彩就開始買,每一期送既STICKER都好靚,仲有得睇每一季BAPE既新產品,真係幾好,可惜新一期2006SUMMER VER 1.1就麻麻,張STICKER個款唔得,而D產品 CATALOG 有D仲要出左貨,同上幾期個D無得比,不過見儲開,咁就乖乖科水~~

今個月仲有一本書想買,就係牙狼既官方設定集-魔戒之書,其實同時出左兩本,另一本係Official Visual & Making Book,係hobby japan間公司出既,不過魔戒之書係宫方設定集,所以買佢比較好d,內容有全介紹,解說25集內登場人身,拍攝花絮等等,鐘意牙狼既朋友一定好想睇下佢D設定,不過我見10算好似貴左小小,同埋月尾都無咩錢啦,都係等下個月船貨,到時先買啦~~( http://www.hobbyjapan.co.jp/garo/)

今日仲收到KAREN 既"貼"恭喜恭喜!!個時係adelaide 同佢都幾friend,成日同佢一齊出去玩,返左香港之後都仲有keep住聯絡,佢仲幫我拎返澳洲D野返黎,今次知道佢結婚,無論點都要去一去,一黎去見下佢啦,二黎睇下見唔見得返以前D friend,好似B仔咁,再一次恭喜KAREN

最後介紹下我條o靚-瓜瓜,一隻係日本大阪街邊賣野既河童,一見到佢個樣就覺得佢好抵死,而係今日琪姐拎左幫我係日本YAHOO BID 既劈酒瓜瓜返黎,勁開心,之前BID過都BID 唔到,今次一次攪掂,正!!因為佢d野係yahoo 一有,就勁多人爭住要,所以今次真係好彩,返到屋企拎埋佢地一齊影返張合照,同埋佢地3 姊弟係由唔同地方返架黎(中間個隻係我條o靚,所以係最大既),雖然大個隻唔係正版,但都一樣咁可愛!!

終於 UPDATE 左台北之旅既相啦~差唔多月尾先UPDATE,好慢!!黎跟仲有DAY 2 同DAY 3,應該會比DAY 1 多相!!

黎緊澤田圭Kei Sawada會係大阪既Splash and Sammy 舉行佢既個人展覽,有佢之前既作品欣賞,同埋由日本 8 個單位DESIGN 既CUCUMOUSE DISPLAY,仲有之前係APM SOLD OUT 既黃色CUCUMOUSE,白色CUSTOM 用既CUCUMOUSE,澤田圭自己CUSTOM 既CUCUMOUSE ,襟章同埋其他產品發售等等,佢DESIGN 既襟章好靚架,日期係5 月27號至6 月11號,去開大阪既朋友可以去睇下啦~  放大D長圖→http://static.flickr.com/50/132695779_86dfc37e1a_o.jpg

另外見到佢間作業部屋D相,勁多玩具呀~如果我都可以咁放出黎就好啦(http://keisawada.com/room528.jpg)

尋晚收工無啦啦落勁大雨呀~個巴士司機又唔識停係天橋底比我地遮雨,咁落到旺角都唔知點走呀,小!!行又行唔到喎,一係淋到成身濕曬,我同珊珊都唔知點走~~好彩港版電車男搭的士返企~順手車我去小巴站~~

我既台北之旅係3月31號開始,TOTAL 3 日,成個行程有4 條友仔同我一齊去,有領隊系既蕃茄氏,婦女組既小珊珊,不眠系既峰氏同埋金銀潤先生七姑碌氏,我地一行5 人係31號出發..........

  我地就係搭佢啦  拎張BOARDPASS出黎影張相先 3 個鐘後,我地就飛到左台灣啦,仲搭飛狗(旅遊巴)去台北添,飛狗個名幾型呀,哈哈哈哈~~                                            到左酒店之後就放低行李,出去食第一餐  我地第一餐係食餃子,仲有豆漿同幾款湯,(喂~~呢D野香港都食到啦~玩呀),無計啦,肚餓嘛~              跟住我地就搭捷運(台北既地鐵)去淡水,原來台北有夜間婦女侯車區架,好似日本呀,HEY珊珊,唔駛遮啦,睇到個"婦"字啦~  去到淡水我地參觀信不信由你,比人坤下水先~我行左10 分鐘就出左去啦,d 野唔係咁岩我睇~                                   仲有食好長既雪糕添~你睇下,雙劍合壁呀~  之後去左SNOOPY LAND 參觀,勁多SNOOPY呀,不過D價錢都幾貴下,金銀潤先生仲抽左幾隻貴既扭蛋呀~有錢!!  我地仲經過好出名既"阿婆鐵蛋"呀~  影返張相留念下先~  行行下仲見到有間藥房叫"震旦藥房"~震旦??哈哈哈~係台灣有另一個意思既~唔好心邪                       之後就食我地既第一餐晚餐,台南胡椒蝦,由老大介紹我地去食架,平時去無可能食到架,勁勁勁好食呀~                                你睇下勁多膏呀~  你睇下峰氏食到伸埋脷呀  喂~一個唔可以食兩樣野喎~咁貪心!!  仲有好入味既酒螺~~   同埋有比人以為係分蹄既醉雞,麵線~  好多野食好胞呀,喂~仲咩食到"禁"住個頭呀~    你睇下食到張枱幾多野,好多紙巾呀~~  之後我地去左士林夜市行街~   不過個到無咩買,得個行字  不過我地買左大大塊雞排,烤牛肉卷同埋唔知咩湯~~之後我地返酒店~第一日既行程就係咁多啦~~~

雖然今年只不過係過左4 個月,但係已經出左好多好好既Figure,其中有幾隻Figure都好有話題性,不過最具話題性既,一定有Tim爺既Da Ape Bling 份,Design 唔駛多講啦,係Tim爺一貫既APE系列風格,同埋係最大隻既,一個字"型",價錢又唔貴,出左HK,Japan,Sercet 3 個vision 之後,黎緊又有法國Artoys,Spanky 8-Style,Neon Martian 3 個vision,淨係得Neon Martian 個個色麻麻,其他兩個都幾好,睇黎Tim爺仲會有排出呀~~Spanky 8-Style vision                                                                            Artoys vision                                            Neon Martian vision

除左Da Ape Bling 之外,另一個具話題性既Figure 就係Supersize MC,係上幾年"不瘦降之謎"POSTER個公仔,睇見個樣就覺得好笑,而且個樣又係MCDONALD 叔叔,正,講真邊個DESIGN 我真係唔識,不過個定價好貴,而且又無關節,攪到我都收手無買,不個呢D ARTS TOYS 一定有人買

今個月月尾29號,SILLY THING 社 SILAS 社RUSSELL WATERMAN、JAMES JARVIS 聯手制作LEON  既新色會上架,定番價應該同上次一樣,比我估中,跟返MARTIN 個色咁,出黃色同藍色,不過今次個吸引力無上次咁大,可能個色無上次個個咁好,同埋偏黃,睇黎今次我可以唔買啦

JANICE 個孖生細妹JILL 隻CD終於出左,聽落都幾好聽,可能自己都幾鐘意快歌,而且又有小小RAP,所以都幾鐘意,可能佢D中文唔係咁好啦,所以好多歌都係大量英文加中文,同JANICE D歌完全唔同,    　　                                                       　　　　　　　　　　　　　今個星期見到佢係旺地街開小型演唱會，可惜"咪嘴"..哈～～

黎緊漫畫節就快到啦,年年我都買好多野,哈~~今次自己最大興趣既一本書,就係長棍 X GARDEN 既長棍個人作品集GoodGirl,自己一直以黎都好鐘意長棍d 野,佢d 公仔好有佢個人風格,我好鐘意!!所以好多長棍出既野我都有儲,例如:漫畫,Figure 公仔,TEE等等,除左GoodGirl之外,黎緊仲有另外一本長棍既作品集,絕對期待!!

講開Garden,一定唔可以唔講一個人,佢就係TOMM少!!由MILK開始自己都幾鐘意佢出既稿,從MILK PLAYGROUND,CREAM,GARDEN,EASYFINDER 再到返GARDEN TRIBE,你都可以睇到佢寫每份稿都好有HEART,唔係求求其其咁就算,每次都做好資料搜集,而且佢影相又有一手,我有佢一半就好啦,同埋我都幾佩服佢個時出GARDEN 既理想,可惜佢既運氣真係好黑,(TOMM你睇到去多D黃大仙拜神啦),講真我自己真係好想幫佢手,可惜我自己太忙幫唔到手啦,仲有佢唔覺得我無用幫唔到手啦,哈哈,黎緊佢又有攪作啦,就係製作嚴重超時既 DARK-TOYZ,睇見佢PRE-ORDER個張相,成400幾頁呀,勁厚,真係對佢呢份"藝力"致敬!!好似係5月到會出,每本$228 HKD,大家想知咩叫好書就買返本啦