caption：媽媽，我知錯啦，你唔好唔要我呀 T.T 
(要post自己張BB相搏媽媽同情先得)

我咬傷左媽媽呀，我好內疚.................  

前幾日，媽媽係屋企捉我玩左四個幾鐘，又摸我又o鍚我，搞到我冇得訓晏覺，心情好"mun 掙"。

忍無可忍之下，我追住媽媽想咬返佢，我地係屋度追追逐逐。媽媽左閃右避，最後我好大力一啖咬落去媽媽係小腿內側，有兩個牙齒洞..........個傷口都幾深呀....

媽媽隻腳流哂血，又紅又腫又瘀又痛.......

過左一日，媽媽去左伊利沙伯醫院度睇醫生，醫生知道媽媽俾貓咬傷後，問媽媽要唔要報警。媽媽話唔使啦。醫生俾消炎藥媽媽食，唔使打針針。

媽媽嬲左我一陣，唔理我。但後來佢終於肯抱我，o鍚我面仔頸仔。我先開心返咋。
大姨媽見到媽媽o鍚緊我果個樣，都話：「你睇，jiji 終於開心返啦，個咀仔嘟起，好似好得戚咁，一幅"有媽的孩子像個寶" o既樣！」

我知錯了, 你唔好嬲啦.....媽媽！

在前文提及過，我的婆婆，嫌我污糟邋遢，成日話唔要我，要掉我落樓下公園。

當我懶洋洋地坐在梳化時，婆婆常常望著我說：「jiji，你真係好命啦，有個主人傻傻地肯養你，仲俾埋錢你搭飛機，你本來就係街邊d流浪貓黎架咋........我地唔要你呀.....你咁曳....又唔肯俾人摸!!!!」

面對如此的指責，我已是習以為常。我望一望婆婆，然後依然故我，坐在梳化上訓覺。

但有一日，婆婆的朋友拿來了一份報紙：內文講述外國有一名婦人中了六合彩頭獎，這婦人表示中六合彩完全是因為她的貓貓帶給她幸運。

婆婆拿起報紙一看，文章提及的貓個樣，完全係同我一模一樣架！

自此之後，婆婆就唔再話掉我落街，但係就成日問我：「jiji，聽講你會令主人中六合彩架喎......係咪架....jiji.................」

世界盃期間，屋企除左更加嘈之外，家人仲成日開冷氣。

我唔鍾意冷氣，所以就入去媽咪房，係佢張床度訓！

不過佢地成日入黎搞住我訓覺，話：「jiji，好得意呀!!!」
又摸我，又o鍚我.......好煩呀...........

果日，二姨媽仲踩到我條尾呀！

痛到我大叫一聲：「哎!!!!!!!!!!!!!!!!!!!!!!!!」

我的大姨媽剛剛考到車牌，不過考了四次......

在之前的文章提及過，我的大姨媽，是傻的，她每次見到我都很肉緊，還會吃我的零食，"lam" 我的毛。不過，除此之外，她也是個騰雞的人。我真的不明白，她為何要學揸車，還要學輕型貨車。



三次的失敗，不是被考牌官踩停，就是超過燈位前的白線停車，轉彎位置不正確，太接近物件等等.....總之錯漏百出....

每次失敗後，她都跟我訴苦：「jiji....我又衰左啦....」我公公都睇唔過眼，對大姨媽說：「乜你咁屎架....不過衰左就要再黎過，要考到得為止」公公當然不明白大姨媽，因為公公次次都一次過pass，連貨櫃車都係......

第四次了，大姨媽考路試臨出門前對我說：「jiji....你要支持我呀，我考到車牌會帶你去街街同埋車多d貓糧返黎俾你....」帶我去街街就免啦.....

結果大姨媽終於成功啦！她高興的對我說：「jiji....多謝你支持我，啱啦，我可以車你去醫生到打針針....」
下?! 又話買貓糧俾我!!!!!!

各位，請放心。如果日後大姨媽揸車，我會透過hompy update大家佢會揸去邊架啦，以方便大家可以避一避.

我的公公，是個嚴肅、沉默、木獨和不會講笑的老爸。他是反對我由澳洲回來的最大阻力。

一年前，為籌備我回來一事，每次媽咪和公公商量時，公公總是 "嘈到拆天" 的說：「點可以帶隻貓返黎架!!.....飛機票...其他雜費仲貴過人個d.....我地又冇地方俾佢住，佢返黎實搞到亂哂坑啦，周圍大小二便......我地個窗又冇窗花，佢實跳落街架......不如攞佢去人道毀滅算啦!!!!!」媽咪沒有理會公公，她只想送我回來後跟姨媽們再作打算。

返港當日，公公竟然來接機，還安排了"雞記"貨車接我們。當時我仍被關在籠中，公公望一望我，並没有叫我。我第一次望見嚴肅的公公，心裡有點害怕，也不敢作聲，心想公公一定是討厭我。

回到家裡，媽咪第一時間關我在廁所中幫我沖身，因為我滿身wiwi 臭氣，面對新環境，我也很害怕。這時，呆在廳中的公公急不及待的叫著我的名字：「ji...ji.........喂.....你地困住隻貓係廁所度做乜啫?....快d俾佢出黎廳度行下啦......」原來公公好心急要見我。

沖洗完畢，媽咪用大毛巾包著我抱我出來，公公立即用超高8度的聲音叫我：「ji...ji.............」此時，我見到媽咪及姨媽們都在滴汗!! 媽咪對公公說：「其實你唔使咁大聲叫佢...」公公卻自豪的說：「咁樣佢先聽到o架.....」我勉為其難的望一望公公，公公開心不已！



自此之後，公公常常對人說：「jiji 好乖架，我叫一叫佢就會望住我架啦......jiji.....」每次我都望一望公公，公公就得戚的說：「係咪呀!!!!」

真係做人家貓甚艱難!!!!!!!

一天，三姨媽的男朋友空運了一隻長腳蟹回來，大家鬧哄哄的把長腳蟹放在餐枱上。



我起初都不知道長腳蟹是什麼，仍是睡眼惺忪的我，只是聞到好香好香o既味道。我見個個都圍著餐枱，我都唔執輸啦。即刻飛撲到枱上，攝入人群當中。

嘩.......好大隻蟹呀！我已經流哂口水啦......

只是聽到人群中，你一句我一句：...喂....jiji.......唔好呀........唔好俾佢食呀....唔怕啦，食少少冇所謂啦.....

都係公公最好，肯餵我食，我生平第一次品嚐到長腳蟹肉...好好食呀......

第二日，三姨媽又帶左個白色盒回來，放在餐枱上。莫非又有長腳蟹？我立刻飛撲上餐枱。原來三姨媽只是食飯盒咋......空歡喜一場......

到現在...我仍然想念那長腳蟹......