尋晚第一次燉野比自己食，因為阿媽唔得閒，放工果時走去街市買野，好似師奶咁。

事緣呢個幾兩個星期都瞓得唔好，又成日好似好緊張好驚但又唔知驚咩，睇中醫阿中醫話原來我心血小，o係公司又覺得好凍，所以要補，如果唔係就會繼續瞓唔到，食完又真係瞓到喇喎，仲係咁瞓添~~

In His time, in His time
He makes all things beautiful in His time
Lord please show me every day
As You're teaching me Your way
That You do just what You say in Your time

In Your time, in Your time
You make all things beautiful in Your time
Lord, my life to You I bring
May each song I have to sing
Be to You a lovely thing, in Your time

呵~~今日再做九型人格，我竟然變左 5w61喎，原來真係會變架喎，我都記得我好耐之前做過唔係第一型係第五型架，應該係因為經歷過前兩年發生o既事，所以搞到我會咁，不過側翼仲係有完美主義。 感謝主，我都覺得呢段時間神不斷安慰醫治，釋放左我好多壓抑左o係我個心好耐o既野出黎。

我都覺得自己係似第五型多d，我係好鍾意睇書架，又鍾意有私人空間，又鍾意諗埋d無謂野，人地又成日覺得我cool，haha~~

尋晚gathering，好開心呀，好多同學仔好耐冇見，見返都仲傾到計，好鍾意cafe座位o既安排，大家圍埋一齊食野，唔會分開晒咁。霍霍要我地每人自介一分鐘，haha~~

食完野玩遊戲，天恩同學帶，玩拍拍拍同行走killer(好似係叫呢d名掛)，難得係大家咁大個都仲可以好似以前讀緊書咁玩。今次gathering搞得咁好，都係靠阿芝幫手約人同去book場、陳生諗同帶遊戲、同學仔o既熱情參與。仲有係間餐廳o既安排同服務態度都幾好。

gathering完，我、阿菲、魚尾、candy落左pub傾計飲野，目的係安慰受了傷的魚尾，但佢地講o既內容係兒童不宜囉，希望黎緊o既日子會多d同佢地見面啦。

艾琳要成長 .\/.

我要變溫柔我要變溫柔我要變溫柔我要變溫柔我要變溫柔我要變溫柔.........................................d。

我要勤力我要勤力我要勤力我要勤力我要勤力我要勤力我要勤力我要勤力.............................d。

我要樂觀積極我要樂觀積極我要樂觀積極我要樂觀積極我要樂觀積極我要樂觀積極我要樂觀積極....................d。

變左d之後先再變多d啦~~~~~~

呢幾日個腦好亂，自己好似o係好多方面有d迷失，當朋友有問題問我時，我可以好理智咁答佢，但我就唔知自己o既問題o係邊度，我連自己行緊去邊都唔知。

靈修時神話會為我o係曠野開路，話我比某d野令到我瞎眼，話我個心唔夠開放。我剩係覺得好攰，好似自己同自己打緊架咁。我知我自己仲係好自我同任性，"攻克己身、叫身復我"，談何容易。

你愛他　怎麼相戀你懂嗎　愉快後原有代價
想逼他回頭　更顯得你可怕

你愛他　便該親手放開他　大報復還有用嗎
假使他無情　才不因你驚訝

何必想　一起兩敗與俱傷
要勉強留下是一尊蠟像
何必想　想他去內疚一生
憑狂迷被銘記並沒有獎

是愛太少　還是太多　誓與他彼此折磨
實在難過　來問你被遺棄世上你可算第幾個

傻到令人憤怒　情感怎去追討
一失去便惹事何其恐佈
你繼續淪落也為了他以後難做
與心魔起舞像 踏進天牢

傻到自尋血路　連青春也虛耗
假使這是愛　人類愛心都不過值兩毫
同情博得修好這企圖　未免太古老

******************************

呢首歌d詞寫得實在太好喇，當比自己好鍾意o既人傷害、欺騙，果種感覺真係痛到想死，曾經有段時間o既自己都變到好恐怖，而家諗返咪明白放過人等如放過自己。應該多謝果個人令自己明白咩叫愛，學識點去付出同放手，始終要搵到一個自己好鍾意o既人係好難，男同女相處更加難。愛o既反面係唔愛，唔係恨，就算點唔開心點嬲都好，都唔好抱住要報復令對方唔好過呢種心態去過，咁樣最辛苦果個係自己，分手都係一種藝術，要令大家都好過，唔會拖拖拉拉。真正愛過會令自己學到好多，唔怪得有人話冇真正愛過o既人生係唔完美o既。

最近學識一樣野，就係唔好為已經發生左o既錯去嬲去憫，都發生左仲憫咩，要怪o既就怪自己唔o係錯誤發生之前去預防。

權力真係會令人腐化同墮落，所有野都係神比架，我覺得得到越多恩典、擁有得越多o既基督徒，更加要謙卑感恩。希望如果有一日我得到好多野o既時候，唔會驕傲自大，而係充滿感恩謙卑o既心。

基本上人o既本性都係欺善怕惡、鍾意爭做大、得寸進尺、好嫉妒o既~神真係好偉大、好有愛心，咁公義、咁良善、咁有大能o既神，竟然會愛我地呢d咁有劣根性、咁自以為是o既罪人。