近兩年，參與婚宴和到教堂獻唱特別多。在此我恭喜各位新婚的中學同學、大學同學、各方好友，甜甜蜜蜜，開開心心，白頭到老，永結同心。

但每次婚宴完畢，我都會唸到我結婚會怎樣，你會唔會嚟？有冇人為我獻唱？婚宴有冇咁熱鬧，有冇人祝福我？重有冇人會做我兄弟？那時侯，會否收到呢Ｄ答覆：

「成幾十歲人重揾我做兄弟？呢Ｄ粗重工夫留番Ｄ後生啦！嗱我個仔都大個仔喇....不如等佢做你兄弟。」

「對唔住呀，阿女聽日考試，我諗我嚟唔到啦.....你知喇，屋企有仔女....」

「合唱團呢幾年冇人結婚，冇練歌好耐咯，點唱呀？」

更過訓的可能係:

「吓....你係......？」「呢，你結婚我唱詩歌的那個.....」

「對唔住呀，果日真係唔得閒，下次喇，下次我一定嚟撑你！」

好同意朋友亨利所講"繁體字的字型、筆法、構造都很美，且字型與意義互相呼應，每個字都有其源遠流長的出處"

其實楷書(即我們所講的繁體字)已有接近二千年歴史，好值得保存下來。若果大家只學簡体字，古代的書法就無人懂了，好似我哋唔識睇篆書一样。

所以我建議印制品和打字用繁體字，以保存傳統；平時手寫用簡体字，以加快速度。好似英文打字用正楷，手寫用撩草一樣。
魚與熊掌，可以兼得!

還有一點想補充，雖然中文有個缺點就係寫得幔，要表達同一個意思，用英文寫一定快過中文。但中文講得快，而且詞彙較多，比較傳神！

所以其實我都覺得以前中學的教學語言不錯：上堂講解用中文，書本係英文，考試用英文。講用中文，寫用英文，取了兩者的優點！


觀看引用原文

嘩！成個月冇寫過野喇！因為有兩件事要處理。

第一件事係轉行：冇寫錯，係轉行。由從事會計行業變成投資行業。所以我將要面對很多新的挑戰.....

第二件事係轉屋：由做可行性分析到睇樓到交易，都幾多學問，當然還有找銀行找律師找装修等等事情將要面對喇.....

當一切安頓下來，歡迎大家到小弟寒舍聚聚！

積極面對轉變，接受更多挑戰！

近日股市勁升，連股市剋星鄭少秋新劇播映都冇有帕。又有兩隻新股招股，好多人排隊攞Form，睇嚟一定會勁升。好似呢種情况，幾年前科網潮先出現過，唔知今次又係唔係「冧」市先兆？

我覺得應該還未「冧」市，但如果你見到連Ｄ細價股都勁升，咁就要小心喇！

不過投資收益及價格可升可跌，過往表現僅可作參考。如果你知道股市幾時跌就快Ｄ話俾我知喇，等我放曬Ｄ股票嘛！

轉了Hompy Skin 為 "夏"， 証明夏天來了。

今晚打了網球，好熱，明晚踢波。這星期是運動周，希望可達到燃燒脂肪的功效！

不過炎炎夏日，最好就當然係瞓覺喇，尤其是出完一身汗，冲完個靚涼，再開埋冷氣時(即係而家?)....

所以有乜事留番聽日先講，早抖!!

幾日前仲同朋友講起在Yahoo 或Google 輸入 雋永集找不到本网站。今天我再試試,終於:

下詔罪己, 荒廢hompy兩周, 令各界好友久等.....我罪,我罪,我的重罪.

回顧過去兩周, 實有很多經歷想跟大家分享, 可惜小弟過去兩周確未能靜下來, 每天每晚都總是無事忙, 沒法安靜下來.

心境寧靜對於我們來說是非常重要. 因此有很多宗教都鼓勵教徒靈修, 禪坐.  一日三省吾身也就是這個意思.  只有空虛自已的心靈，才能反醒自己工作發展方向是否正確, 處事待人有否改進的地方....

終於回到香港了，好enjoy 到他國Short Trip，吃過很多好吃的東西。包括街邊的沙爹，炒羅白糕。Madam Kwan 的椰汁飯也錯(如圖)。

上周講過雙子塔，給你們看看它的位置

這幾天都很忙，容我下個文章詳談吧！