不習慣寧靜 - 以前忙着工作，忙着讀MBA，忙着跟朋友去玩的日子，總想靜下來，享受一下生活。現在有Luxury Time 了，卻驟感孤寂....真矛盾。

好好享受生活吧！一邊繼續聽 Dance of the Little Swans，一邊看十天前從深圳買回來的書。蠻舒服呢！

這次買了些老書，如 The 7 Habits of Highly Effective People，人性的弱點等。不過屋企Ｄ書九成都未睇，好懶惰呀你！

本來我對音樂都幾有興趣，參加過合唱團。但對古典音樂就毫無認識....

周六去咗中學同學屋企，見到佢套音響器材同ＤClassical CD，好吸引。即刻叫佢借ＤCD 嚟聽下先。現在我就聽緊天鵝湖。好舒服呀！

佢重俾咗兩個Website 俾我自己研究。

http://www.classicaldigest.com/

http://www.naxos.com/

裡面有許多樂評及作曲家資料，我打算先聽Classical Period 比較舒服Ｄ曲，如Piano Concerto 及Oboe。  I need to relax mar!!

今早去完廣州實習團朋友的婚禮後，與他們聚舊，跟他們分享了我很喜歡反思的故事。內容如下：

有一群小朋友在外面玩，而那個地方有兩條路軌，一條還在使用，一條已經停用，只有一個小朋友選擇在停用的路軌上玩 ，其他的小朋友全都在仍在使用的路軌上玩，很不幸地，火車來了 ，而且理所當然的往上面有很多小孩的， 仍在使用的路軌上行駛。
而你正站在路軌的切換器旁， 因此你能讓火車轉往停用的路軌，這樣的話你就可以救了大多數的小朋友 ，但是那名在停用路軌上的乖孩子將被犧牲。你會怎麼辦？

他們大多會選擇救多一些的人 ，換句話說，犧牲那名在停用路軌上玩的小孩... 原因是社會壓力，減少犧牲等等。

但是如果給我選擇的話，我會選擇不切換軌道，因為那一名選擇停用鐵軌的小孩是做出正確決定，離開了他的朋友而選擇了安全的地方 ，而他的朋友們則是選擇在不該玩耍的地方玩 。為什麼做出正確決擇的人 ，要為了大多數人的無知而犧牲呢？

另外，如果我是那班小孩子的其中一個，我會選擇在停用的路軌上玩，因為那兒應該是安全的，而這個決定也應是正確的。希望我能夠堅持自己，做正確的事，而不是同流合污。

晚上回家後，看媽媽給我的剪報，有一篇文章叫「惜、福、結、緣」。有一點我都幾同意筆者觀曦的見解。

有很多人認為緣定三生，無緣份等等。但是，他認為緣是自己創造的。若不主動與人交往，豈能朋友滿天下呢？而且要廣結善緣。今天誠意幫人，他日人家誠意幫你。但如果今天惡意對人，他日人家可能會雙倍奉還。

我想我都要繼續廣結善緣！

而家想做會計師，淨係識考試唔夠咯。而家會計師公會重要求考生在工作坊裡面表達意見。

小弟今晚剛Facilitate完其中一個工作坊。驟眼看Ｄ考生都準備充足，prepare 咗好多Notes。但係有Ｄ考生就只係坐着不答，而有部分考生就積極回答.....

當然作為評分者，只要考生答案比較make sense都有分，英文表達能力高的就更着數，被動果Ｄ考生就比較蝕底了。

其實出到嚟社會工作都係一樣，要懂得溝通，表達自己的意見。希望今堂比較靜嘅同學明白這點，下堂爭取表現！

今日係小弟Hompy 開張大日子，你地要多多支持呀!!

 點解我要寫Hompy??

睇見好友們嘅 Blog 寫得噤好，自己都好想自己整番一個，希望大家多Ｄ嚟參觀啦！

講開又講，本應我唸住自己打中文好慢，都係唔好攪啦！但係我隔離位同事話可以買個手寫板幫手，所以今日一放工就買咗個手寫板。我呢位同事都幾得意呀，好鐘意食嘢呀，重成日都預我一份；睇見佢食得噤開心，本來心情麻麻地嘅我都變得開朗番曬啦。

 前果排真係唔係好開心 , 好多謝屋企人同埋朋友們嘅幫助, 十萬個多謝你們!! 呢幾個禮拜, 我見番好多朋友, 令我深深感受到友情之可貴。