ha~浦頭喇我~一個被遺棄既hompy終於重見天日喇~

真係好耐都冇寫daily喇~ha~原來你地都冇遺忘我~仲有人留言比我~真係好感動呀~

太耐冇寫真係唔知想點~唔知自己想寫乜~ha~純粹浦吓頭~報吓平安~

死火喇~日日比人吹我寫diary...我都知~我知我今次真係耐左少少架喇~所以我都唔知寫乜lu~好~我要的起心肝~我唔要咁懶惰~ trust me baby~ 其實我早幾日已經好想打架喇~不過因為有D原因上唔到黎囉~就係.....因為......我...真係好懶呀~wakaka~好啦~就由19號打起啦~真係好鬼死型既姐~個日係我表妹生日~我祝您生日快樂~心想事成~萬事如意~如意吉祥~開開心心~生活愉快~最緊要就緊係~減肥成功啦~hehe~ 好喇~20號喇~呢日都係我一個好朋友雷奧生日~我就祝您~生日快樂~越黎越有型靚仔~身體健康~仲有就係快d搵返個女朋友~一齊出黎反~ha~ 好喇~話咁快就到左21號喇~呢一日都係我一個識左好耐既好朋友生日~waiwai~唔好話我唔記得你~祝您生日快樂~囡囡快高長大~搵多D啦~ 雖然呢D係遲來的祝福真係好爆~又真係遲左好多既~不過我知你地係唔會MiNd既~因為fd黎架ma~係咪^ ^ 好喇~話咁快就講到琴晚lu~ha...琴晚同my fd奶媽msn~原來唔經唔覺我地已經識左17年喇~時間真係過得好快~唔講都唔覺~係唔覺得自己原來咁快就2張半有多喇~唉~過兩年真係要開返個邁向30既party賀一賀去先~你永遠都係我最靚最錫既好朋友~好奶媽~haha~靚爆索爆個隻~問你死未! 早兩日~我同一個之前提及過既<豬朋狗友幼稚王>既朋友~和好如初做返好朋友lu~其實之前為左d好少既事嗌左交~一切皆因是非搖言起~所以呢~以後對住個屎塔講是非好喇~haha~! 唉~上個禮拜比珍珠玩一玩~咩mood都冇哂~連我個bf仔小希希都冇得出街~兩個禮拜冇見佢喇~好掛住佢添~friday諗住去沙灘吹吹d怨氣同陽光玩吓遊戲啦~點知~年紀大機器壞~整親背脊~痛死人喇! 到左琴日~本應去海洋公園架啦~個天好似受撚左傷咁~不停咁落雨都唔駛停架wo~真係搞到人都癲呀~唔出巡都冇咁多野架wo! 希望黎緊既星期四千祈唔好落雨就得喇~因為....個日我約左.......唔話你地知~wakaka~諗起都開心呀真係!!

唉~真係越黎越懶添~但係原來我冇寫咁多日都仲有人上黎睇~ha~<巧簡棟>呀!(其實係睇我死得未)haha~死啦~真係唔記得左呢排做過d乜添~其實呢排都係咁~情緒好唔穩定~康復中.... 呢排都好鬼夜訓~丫~學人失眠......但係我又真係幾鍾意凌晨個種感覺~夠哂靜~自己一個諗吓野發吓呆都幾舒服~不過有時又真係會幾lonely既~唔通人就係咁犯賤~有人嘈又覺得煩~太靜既時候又會有種孤獨感~好矛盾~真係唔知自己想點~係時候要<張開眼睛>以後前途反覆要鎮定~以後迷途不需找算命~以後沿途危難總要企定~學會張一張開一雙眼睛~無用去一再望背影....終於歸於平淡~前面尚有千億個夜晚!! 又落雨r喇~落雨真係好down架~邊度都唔駛去~又係時候打餅喇~好鍾意係落大雨既時候望住條街~聽住出面d雨聲~真係好很free~唔理出面雷聲有幾大~雨勢有幾勁~只要係屋企~就會覺得自己好有安全感~haha~ 朋友說我硬朗獨立好像從來無傷悲~只有這個秘密是絕不講起.......

唉~好鬼黑仔呀今日~琴日裝左個燒碟~我就上網dl左個nero software啦~都燒到碟架~今朝起身屎忽痕剷鬼左去~頂佢丫~唔知發咩花癲~剷完成部腦瓜左~部腦真係好鬼小氣架~琴晚sd野比家姐~佢部腦快到丫~真係想過去換左去呀~haha~係~我認~我認我琴晚係有嫌棄過佢~但係都唔駛即刻黎料架ma~之前都好地地架~真係經唔起考驗呀~之前個部腦又係咁wo~個時話想換部新機咋ma~第日佢就瓜左開唔到喇~真係~心都淡~枉我平時對住咁好~成日陪住佢~佢一d安全感都比唔到我~話吓都唔得....搞到我抬佢落街比人整~真係好重....之後就同我老豆去左飲茶喇~今日都食左好多野呀~哈~死喇死喇~依家隻手好鬼痛呀~~~好睬係我催促之下~佢收工之前都比到我~算佢啦~食埋飯抬埋返黎岩岩好~丫~係我姐夫幫我抬到黎樓下先岩~haha~如果唔係今晚都唔知點過~上唔到黎打diary都唔知點算~你地會掛住我架ma~呵呵~~~今晚都要早d訓~聽日又去飲茶lu~不過依家已經5點幾喇 ~

死喇~好內疚呀~~琴日5點幾出左佐敦~一炮過食左包牛肉乾~飲左碗廿四味~跟住去食飯~再飲兩碗東瓜湯~再食左兩碗飯~食左成煲魚香茄子~搭車返黎仲係樓下買左碗粉仔返黎食~仲要係一次過食哂囉~唉~真係嚇親我亞媽~食完之後真係飽到郁唔到~我都覺得自己好恐怖~點解可以塞到咁多野落肚~不過琴日真係好肚餓呀~如果唔係約左小希希bb~我都唔會出黎比d美食引誘到呀~所以我今日開始會減少我嘅食量架喇~唔可以再成隻暴龍咁喇!!如果唔係真係死都唔掂~ 今日同左家姐出去長沙灣行街~唉~冇乜收鑊~淨係買左兩件衫.....之後食左個雙蛋餐肉腸丁麵~嘩~勁正呀~次次我都食架~冇理由今次唔食佢架ma~係咪先!! 所以我都係食埋個麵先減lu~wakaka~~跟住就返去lu~夜晚細豪過左黎搵我食飯~因為佢今日返愉景灣~所以就過左黎喇~haha~我緊係唔放過佢啦~食完飯捉左佢上黎同我搞吓......部電腦啦緊係~幫我裝左部燒碟機啦~好睬叫佢上黎裝咋~如果唔係我自己都唔識點裝~我就緊係係側邊同佢打氣啦~~吸吓入面d塵囉~都唔知係邊飄入去架~勁多塵呀部腦入面原來~得閒都要吸吸佢先得~又多樣野做野以後~真係忙呀!! 夜晚我親愛嘅爸爸又入左黎搵我喇~haha~好溫馨呀~~不過佢好似好悶囉~因為我冇租碟比佢睇呀~我落到去食野個時都10點喇~所以佢今晚得電視睇~haha~聽日同佢飲茶個時租返補數~~燒返幾隻比佢返去睇先~呵呵!!!!

好鬼煩架個hompy~我琴晚打左架喇~點知.....一禁佢就成篇野冇哂~唉~

依家起身打返啦就~琴日陪manyee出去睇醫生~我仲懶醒咁約佢係長沙灣廣場等~點知出到去先知原來診所係深水埗....仲要係好遠吓添~真係O哂~但係我地個勢都幾勁~同埋佢兩個baby~一架bb車~搭車會好麻煩~所以都係行住黎搵~行行吓~表妹做左樣野令我十分驚訝~佢....竟然拎捲厠紙出黎抺汗~好型呀!

如果佢唔係我表妹我真係彈開左十尺~<<下次唔好喇>>baby!

睇完醫生~我地去左西九龍行街~丫~買左支指甲油~好開心呀~仲影左好多相添呀~上左去飲左我想飲好耐嘅煲仔湯~真係好鬼死正呀~我仲想飲多煲架~但係我已經好飽lu~下次我一定要再去飲先得呀~我地仲食左好耐冇食過嘅龍so糖添~跟住又睇到人踩冰~丫~好耐冇踩過喇~我都好想去踩呀~對上個次已經係兩年前係又一城踩lu~唔知幾時先有得去呢!

之後我勁想上去騎馬仔囉~咁~人地真係好耐冇騎過喇ma~佢竟然笑人~唔同我上去~唉~我下次一定要騎住黎影張相先得呀!

行到七點零~my fd雷奧又到左喇~咁我地就教manyee去搭車~之後我又就陪佢食飯喇~仲影左佢兩張相添~wakaka~遲d我放上黎同大家分享吓啦~haha~嘩~我地都好耐冇見lu~對上個次都3年前~不過我地好快好快又會見面架喇~我地食完野就去左黃金行左陣~因為好想買返個喇叭~不過都係唔買住lu~唔想拎住周圍走~所以都係下次先出黎買~我對喇叭靠哂你喇~朋友~我當你一世朋友~辛苦哂喇~哈哈

之後~好似好忙咁....落左tst因為約左大眼仔~都係去左食野~所以今日係好充實架~食左好多餐呀~陪人~ha~食完野之後~行行吓~因為想去toilet就上左佢公司喇~即係個d所謂傳銷搵笨柒嘅公司~因為佢要覆診~所以我就係度等佢喇~佢d fd就走埋黎同我傾計~勁sale我想踢我入會~up左真係有成粒鍾~真係痴痴地~把口唔駛停個吓好野囉我覺得~最慘就係我唔係好明佢up乜囉~可能睇得電視多~硬係覺得佢昆人~勁咬住我唔放~心諗~仆街喇~點閃呢一陣~我已經叫佢唔好再講~比我靜吓架啦~我唔會受昆架ma~佢條咁嘅死八婆好似叉左電咁唔識停口架wo~我再望吓隔離d被昆者~佢地個樣真係好霖好enjoy咁係度填from架囉~個個比錢拎住袋野好滿足咁嘅樣~真係痴Q線架~全部都係~癲嘅~佢叫我買幾千蚊洗頭水返黎~仆街~用黎飲咩~都癲癲地嘅~本小姐最憎就係洗頭架ma~仲叫我買洗頭水~真係比佢吹撚脹!

如果佢唔係個fd識嘅~我真係一野窩爆佢個嘴~一把唔識停嘅嘴真係好討厭~之後我冇理佢地就走左喇~搭lift~有條仔笑笑口同我講野~問我點解會上左黎~我就同佢講~我唔係特登上黎聽架~我上黎去toilet~比佢咬左成粒鍾~叫我買幾千蚊洗頭水~真係白白地痴~之後佢竟然同我講~佢有冇搞錯呀~你又唔駛減肥~皮膚又ok~最多都係sale你豐胸~佢竟然叫買洗頭水~我心諗~你條慒炳究竟咩人黎架~呢度係咩地方呀~邪教咁囉~個個比人洗左腦~真係痴撚線架~點解會有咁多人上去架!

上面係咪開壇作法架~個個都係咁嘅點解!!

之後我就行左陣~買返兩支指甲油定吓驚~先順返條氣咋!

又好多日冇寫日記lu~今次應該係寫週記先岩~haha~由邊度寫起呢....真係頭都大埋~都唔係好記得呢排做過d乜~淨係知好似都做左好多野~無無聊聊咁就過左個復活節喇~好~就由上星期5講起啦~上週五~約左幾個小學同學出黎唱k聚吓舊~嘩~都好耐冇見過喇~haha~今次都約唔哂d人~好多都失去聯絡lu~單靠一本紀念冊真係好難搵得哂~點做野架你地一個二個.....希望下次搵得多d人啦 ! !

丫~前兩日去左電視城睇勁歌頒獎~超勁爆悶勁無聊~仲悶過係屋企睇呀~又凍~又遠~最弊就係冇我小田田份丫ma~你話係咪?haha......

之前落吧~撞返一個好耐好耐冇搵既fd~唔撞到真係唔知呢個人原來仲存在架囉~wakaka~之後再睇自己個電話~發覺入面有好多電話~但係好多好耐都冇搵過lu~有d仲要係唔知邊個添...入面仲有幾個爸爸添~我老豆真係成Q日轉電話架~到依家我都唔知邊個先係真爸爸~次次都要我打哂幾個先搵到佢~唉~係時候又要執執去喇~

好~玩左幾日~終於病左lu~尋日就好乖咁係度休養~不過都係落左街食麥當勞~嘩~我終於食左我想食好耐既飯tastic雞~頂~食完滯左我成晚~好有罪惡感呀食完~我決定blacklist呢個雞飯 !!

哈~話咁快就講到今日喇~今日我去左一個好重要既地方~我去左睇側田concert呀~好開心呀~不過就冇咩驚喜囉~因為同上次一樣~不過睇得就冇上次咁開心囉~因為d人囉~唔同我一齊fing棒~咦~我決定嬲佢呀!!!!今次開三面台~唔知點解硬係覺得三面台唔夠完全~好似爭咁d野咁~都係四面台正好多~不過今次真係好surpris~因為我都係琴晚先知睇今日~前幾日先知有得去睇.....wa~正!!

同埋今日係我個fd生日~我點會唔記得你呢~lulu~你究竟睇唔睇到架??有冇 路過偷聽唔出聲~偷睇唔留言呀~係呀~話緊你呀~姓黃個條慒炳呀~企定呀~同你講野呀~old cake~生日快樂 !!

好耐都冇上黎添~haha~呢幾日~一切依舊~都係唱k~行街~冇乜特別~今日又執野喇~發覺原來我嘅購物癖已經開始達到失控程度~d野開始冇位擺pk喇呢鑊!!再咁落去唔係辦法....點呢~baby~你仲想睇d乜~我post上黎比你揀~haha~

ha~呢兩日買左好多裝飾個d香薰蠟燭呀~有香味架~勁開心呀~我亞媽問我係咪買返黎煲蠟wo..比佢吹Q脤!!

manyee~我祝你早日成功~我願意奉獻我一半戰利品給你~加油呀!!!