好鬼煩架個hompy~我琴晚打左架喇~點知.....一禁佢就成篇野冇哂~唉~

依家起身打返啦就~琴日陪manyee出去睇醫生~我仲懶醒咁約佢係長沙灣廣場等~點知出到去先知原來診所係深水埗....仲要係好遠吓添~真係O哂~但係我地個勢都幾勁~同埋佢兩個baby~一架bb車~搭車會好麻煩~所以都係行住黎搵~行行吓~表妹做左樣野令我十分驚訝~佢....竟然拎捲厠紙出黎抺汗~好型呀!

如果佢唔係我表妹我真係彈開左十尺~<<下次唔好喇>>baby!

睇完醫生~我地去左西九龍行街~丫~買左支指甲油~好開心呀~仲影左好多相添呀~上左去飲左我想飲好耐嘅煲仔湯~真係好鬼死正呀~我仲想飲多煲架~但係我已經好飽lu~下次我一定要再去飲先得呀~我地仲食左好耐冇食過嘅龍so糖添~跟住又睇到人踩冰~丫~好耐冇踩過喇~我都好想去踩呀~對上個次已經係兩年前係又一城踩lu~唔知幾時先有得去呢!

之後我勁想上去騎馬仔囉~咁~人地真係好耐冇騎過喇ma~佢竟然笑人~唔同我上去~唉~我下次一定要騎住黎影張相先得呀!

行到七點零~my fd雷奧又到左喇~咁我地就教manyee去搭車~之後我又就陪佢食飯喇~仲影左佢兩張相添~wakaka~遲d我放上黎同大家分享吓啦~haha~嘩~我地都好耐冇見lu~對上個次都3年前~不過我地好快好快又會見面架喇~我地食完野就去左黃金行左陣~因為好想買返個喇叭~不過都係唔買住lu~唔想拎住周圍走~所以都係下次先出黎買~我對喇叭靠哂你喇~朋友~我當你一世朋友~辛苦哂喇~哈哈

之後~好似好忙咁....落左tst因為約左大眼仔~都係去左食野~所以今日係好充實架~食左好多餐呀~陪人~ha~食完野之後~行行吓~因為想去toilet就上左佢公司喇~即係個d所謂傳銷搵笨柒嘅公司~因為佢要覆診~所以我就係度等佢喇~佢d fd就走埋黎同我傾計~勁sale我想踢我入會~up左真係有成粒鍾~真係痴痴地~把口唔駛停個吓好野囉我覺得~最慘就係我唔係好明佢up乜囉~可能睇得電視多~硬係覺得佢昆人~勁咬住我唔放~心諗~仆街喇~點閃呢一陣~我已經叫佢唔好再講~比我靜吓架啦~我唔會受昆架ma~佢條咁嘅死八婆好似叉左電咁唔識停口架wo~我再望吓隔離d被昆者~佢地個樣真係好霖好enjoy咁係度填from架囉~個個比錢拎住袋野好滿足咁嘅樣~真係痴Q線架~全部都係~癲嘅~佢叫我買幾千蚊洗頭水返黎~仆街~用黎飲咩~都癲癲地嘅~本小姐最憎就係洗頭架ma~仲叫我買洗頭水~真係比佢吹撚脹!

如果佢唔係個fd識嘅~我真係一野窩爆佢個嘴~一把唔識停嘅嘴真係好討厭~之後我冇理佢地就走左喇~搭lift~有條仔笑笑口同我講野~問我點解會上左黎~我就同佢講~我唔係特登上黎聽架~我上黎去toilet~比佢咬左成粒鍾~叫我買幾千蚊洗頭水~真係白白地痴~之後佢竟然同我講~佢有冇搞錯呀~你又唔駛減肥~皮膚又ok~最多都係sale你豐胸~佢竟然叫買洗頭水~我心諗~你條慒炳究竟咩人黎架~呢度係咩地方呀~邪教咁囉~個個比人洗左腦~真係痴撚線架~點解會有咁多人上去架!

上面係咪開壇作法架~個個都係咁嘅點解!!

之後我就行左陣~買返兩支指甲油定吓驚~先順返條氣咋!

又好多日冇寫日記lu~今次應該係寫週記先岩~haha~由邊度寫起呢....真係頭都大埋~都唔係好記得呢排做過d乜~淨係知好似都做左好多野~無無聊聊咁就過左個復活節喇~好~就由上星期5講起啦~上週五~約左幾個小學同學出黎唱k聚吓舊~嘩~都好耐冇見過喇~haha~今次都約唔哂d人~好多都失去聯絡lu~單靠一本紀念冊真係好難搵得哂~點做野架你地一個二個.....希望下次搵得多d人啦 ! !

丫~前兩日去左電視城睇勁歌頒獎~超勁爆悶勁無聊~仲悶過係屋企睇呀~又凍~又遠~最弊就係冇我小田田份丫ma~你話係咪?haha......

之前落吧~撞返一個好耐好耐冇搵既fd~唔撞到真係唔知呢個人原來仲存在架囉~wakaka~之後再睇自己個電話~發覺入面有好多電話~但係好多好耐都冇搵過lu~有d仲要係唔知邊個添...入面仲有幾個爸爸添~我老豆真係成Q日轉電話架~到依家我都唔知邊個先係真爸爸~次次都要我打哂幾個先搵到佢~唉~係時候又要執執去喇~

好~玩左幾日~終於病左lu~尋日就好乖咁係度休養~不過都係落左街食麥當勞~嘩~我終於食左我想食好耐既飯tastic雞~頂~食完滯左我成晚~好有罪惡感呀食完~我決定blacklist呢個雞飯 !!

哈~話咁快就講到今日喇~今日我去左一個好重要既地方~我去左睇側田concert呀~好開心呀~不過就冇咩驚喜囉~因為同上次一樣~不過睇得就冇上次咁開心囉~因為d人囉~唔同我一齊fing棒~咦~我決定嬲佢呀!!!!今次開三面台~唔知點解硬係覺得三面台唔夠完全~好似爭咁d野咁~都係四面台正好多~不過今次真係好surpris~因為我都係琴晚先知睇今日~前幾日先知有得去睇.....wa~正!!

同埋今日係我個fd生日~我點會唔記得你呢~lulu~你究竟睇唔睇到架??有冇 路過偷聽唔出聲~偷睇唔留言呀~係呀~話緊你呀~姓黃個條慒炳呀~企定呀~同你講野呀~old cake~生日快樂 !!

好耐都冇上黎添~haha~呢幾日~一切依舊~都係唱k~行街~冇乜特別~今日又執野喇~發覺原來我嘅購物癖已經開始達到失控程度~d野開始冇位擺pk喇呢鑊!!再咁落去唔係辦法....點呢~baby~你仲想睇d乜~我post上黎比你揀~haha~

ha~呢兩日買左好多裝飾個d香薰蠟燭呀~有香味架~勁開心呀~我亞媽問我係咪買返黎煲蠟wo..比佢吹Q脤!!

manyee~我祝你早日成功~我願意奉獻我一半戰利品給你~加油呀!!!

今日終於捨得拎返d熱天衫出黎~收埋返d冬天衫喇~每次轉季~都搞到我人都癲~同佢地大戰左都有10個鍾喇~haha~斷斷續續咁執~真係搞左我成日~當然執執吓我梗係有上床吓~玩吓電腦~傾吓電話咁啦~wakaka~不過都執到我~pK!!成間房比我反轉左~總之就攰死啦~次次摷返D衫出黎~都發覺原來有好多冇著過~仲要係唔知幾時買....我真係要學吓節制喇!!

曾經~我認為朋友是很重要的.... 曾經~我認為朋友是可有可無的.... 現在~我認為真心朋友是非常重要....因為~只有真心嘅朋友~先會真心真意去關心你~諒解你~聽你傾訴心事而唔係散播謠言~只有真心嘅朋友~唔會係背後惡意中傷你~講傷害你嘅說話~正是有了比較~我先知道真心朋友同<所謂朋友>嘅分別! 我先發覺原來身邊多了一個七嘴八舌~鍾意係人背後搬弄是非嘅<豬朋狗友>!!不知你是我敵友 已沒法望透........ ha~我真係要多謝個位<反轉豬肚就係屎>嘅幼稚王~比我清楚知道~朋友唔須要多~真心嘅~一個已經夠!!你說對嗎?? 要是碰到　惹人煩燥 太樂意　往事重提　沒態度 我只希望變陌路　遇見時　不必禮貌到.... 扮問候對方　還自覺清高 要是說　變做仇人　是退步 也不希望繼續做　做友人 彷彿偉大到　受害後　我都懷念你的好....

由2003年開始~每年既4月1日唔再係愚人節~呢一日唔再帶黎歡樂~反而帶來悲傷~痛哀~因為呢一日永遠都係Leslie悼念日!!!

聽完concert之後~呢幾日個腦成日飄返d片段出黎~睇黎我真係上左腦喇!!突然好想聽亞lam首千憶個夜晚~ha~真係好正架~可能好耐冇聽~好有feel....唔知你地又會唔會好似我咁~突然想聽返d好耐冇聽過嘅歌呢~哈~我成日都會呀~弊家伙喇~真係老左喇我~愛上懷舊......匆匆光陰如幻天天空虛無限　落寞的雙眼　前面尚有千憶個夜晚................ 今日去左圖書館睇書~開始發覺靜靜地係個度睇吓書~原來都幾舒服~反而比起係屋企棟起隻腳托住個頭咁睇仲要專心~因為係home睇睇吓會訓著覺架~haha......

等左3個月喇~終於睇到justin concert喇~真係好正x10~有10個咁多呀~opening唱命硬呀~好聽ar~

仲唱左好多人地歌仲有好多嘉賓ar...有基仔啦Theresa~周汶琪~千嬅~仲有林子祥添呀~好勁呀仲有唱新歌呀~好彩本小姐係home咪左成日幾~如果唔係都唔知點同佢合唱呀真係~wakaka~丫~原來佢跳舞好鬼勁架~haha~up比你地睇吓啦~不過好似......細左d~冇計~有距離~頂~已經400架啦~咁都咀佢唔到~真失策下個月我要再咀過~仲有~比住兩張相你地睇啦~who is justin?haha~仲有呀~你地買左佢隻碟未呀~快d去買呀唔好dl~唔好買老翻呀~搵人拉你地呀~