去完集散地,都係時候入貨當手信拎返香港孝敬阿媽(或自己),要潮買,一定係黎萬象城~門面貌似中環國金既萬象城,集潮流與高貴於一身,行慣蚊型舖頭的香港人,可能會對於萬象城內,間間都大到似外國Factory Outlet既名店有點驚訝,店內Deco沒有羅湖商業城的娘爆味,換黎的,返而係有少少行外國舖頭既感覺,係國內都可以搵到呢類商場,實在感動~

名店既野無錢買,唯有向萬象城地下一層進發,呢度有間極似City Super,叫做Ole的高檔超巿,個人認為,相比City Super,Ole就更為高貴,可能係佢地有個幾有規模既酒窖,感覺好鬼High~

最後買左一推香港都未有推出的零食,如下圖

上為:栗子味熊仔餅,下為:固力果綠茶慕絲味,紫菜味甘大支(此產品後來係香港超巿都見得到呢)

小肥羊火鍋湯料

最愛的蒙牛,竟然有Latte味,雞蛋味及小麥味

香蕉味,綠茶味及白朱古力味欣欣杯

3:00 - 由按摩店離開,乘的士到下一站藝展中心~藝展中心共分兩A & B兩期,係一個家居裝飾品的集散地,佔地達3.8萬平米,無論家居飾品、工藝品、古典傢具等,都可以在此找到!友人M一早已鎖定目標,向傢俱進發,希望可以找到兩三件傢俬來襯托新居~

我們由B座行起,直上三樓,一上樓梯就見到左右兩間不同風格的傢俱店子;左面是一家好有Style的店,所有傢俱,都極有BV Feel,而且他們的顏色配搭時尚,其中一檯以黑色紅為主色調的日式台楷配上小茶几,更是香港少見的,索價只是$2200,香港既G.O.D,
無一皮都落唔到樓!

右邊的店子,就以Modern Chinese既Design為籃本,所有傢俱都好有禪既味道,就算不買大型傢俱,都可以單單買一件以佛手為裝飾飾物,放於家中,一定型爆!

地方大,腳骨力去得快,所以此地就有一間Hip爆的Cafe,賣的都是輕食,雖然不外乎多士,雞翼等茶餐廳貨色,但上碟之精美,足以教人感動,誠意十足,價錢亦十足,雞肉三文治也售$18蚊,似足香港價!

Tips: 位置唔近地鐵,打的去最方便

一早已約友人M跟老表到深圳豪玩,老實講,如果依家要用百多二百蚊到深圳食買玩,已經無咩可能 所以,今次本住食好D,玩好D既心態,去試盡好野兼好野,每人埋單四百多,如果換轉在香港玩,其實今次都已經賺左

10:40 - 兩路人馬左右夾攻相約到皇崗口岸集合,我和友人M在天水圍出發,而老表就從葵興出門, 由皇崗集合既方便又快捷, 大概11:05,各團友已經到齊

*天水圍可乘坐77號小巴到落馬洲再轉乘皇巴到皇崗; 而葵興則要落荃灣再轉車到皇崗

11:05 - 第一站就是同事們及各人都推介的Spa, 蘭桂芳Spa, 各人都推介並不是因為價錢平或師傅技術一流, 原因只有一個, 就是清潔衛生 當然, 本身她亦是一間豪裝既場, 正所謂食個View, 家陣我們三人就是為其勁Grand兼有泰國Feel既裝皇而來的 我們三人先行被安排到換衫房更衣, 後再到二樓的腳底按摩區進行按摩 按摩師傅手勢一般, 但勝在細心, 唯一不滿的就是他們沒有足浴服務, 細問之下, 原來他們為了不令水花四淺到地上, 所以不設足浴, 但若然愛好足浴如我者, 可以到其更衣室內之Spa區浸全身來作為補賞~ 按完腳, 當然就到主菜上場, 我跟老表選了中醫推拿, 而友人就選了中式按摩, 三人一房, 環境好舒服, 一下子就訓著, 最後埋單三人合共$798蚊

*收費如下: 每人最底消費$139再收加一及小費, 腳底按摩$49, 中式按摩$139(90mins), 中醫推拿$169(90mins), 泰式按摩$169(90mins), 另包Spa任浸, 活動區設施, 一杯飲品, 生果一份~

地址: 深圳市 福田保稅區桂花路11號帝港海灣
電話: (755)8347 3329
接送: 福田/皇崗 區, 電召 81900216 專車接線.

(續)............

皆因11月台灣之旅,搞得台朋友忙個不停~民以食為先,當然首要幫我搵好野食~

剛剛,台灣仔Edgar提議到台北牛肉麵節中勝出的店子,去食個超人氣台灣牛肉麵,原來,今次既評判包括小馬哥馬英九,比賽認真度可見一班~

未出發,當然要睇其web-site資料,真係一個好有資訊性既牛肉麵節網首,但要數到最最好用的,莫過於教你如何DIY一碗富有台灣風味既牛肉麵啦~教授的麵包括紅燒和清燉兩款,而且還以圖文教授,一步一步的,很容易就跟得上,有時間真的不可妨學一下~

http://www.tbnf.com.tw/m_diy.htm

天生鍾意食月餅係不變既事實,所以,中秋對我黎講係,係一個重要既節日~講到月餅,近年真係多左好多所謂既創意月餅,但講到好食,始終係傳統既月餅最好食~

八十年代時就話鍾意食老字號月餅,榮華,恆香既雙黃白蓮蓉就係must buy item ; 到九十年代尾,就興起食美心,大班,名古屋等,由專做西餅既餅屋出產既冰皮月餅,現今,什麼低脂,咖啡味,榴槤味,豬肉味等,都已經唔再似月餅既月餅,就係現今小朋友既新一代中秋logo~

食左多年月餅,有以下小小結論:

半島奶黃月餅: 夠香且清甜

大班冰皮: 皮簿QQ

鴻星: 蓮蓉清甜,蛋黃甘香

香格里拉: 夠實淨,唔易散

美心: 普普通通,無特別

榮華: 一咬就散,再無以前咁好食

大同: 不過不失

明星: 蛋黃過實

東海堂: 只得冰燒係好食

為了給賓客一個驚喜,為了一個好Grand既場地,終於,表姐同我都一樣,選了上環大舞台飯店作為婚宴場地,雖然貴了一點,但希望有個難忘既婚宴,錢,真係唔慳得既~

因為要訂造婚紗的關係,所以連日來都在選心水款式,左揀右揀,始終還未能作出決定,加上婚紗要配合我當晚的場地,所以就要選一套既可切合我外型又可配合到場地的,真的很傷腦根

洋人Design,我好Buy

懷舊Feel又好切合我個場

尋日去左Wedding Expo,睇下有無心水makeup可以booking到~一入到去,就見到有間叫做bio beauty既makeup booth,於是就同朋友一齊試妝,一試之下,認真九唔搭八,係未輪到我化之前,有個女人就係度勁sell d styling同makeup class,到我個friend問佢,有無化妝時,佢竟然問我地要咩化妝,嘩!come on,黎得wedding expo,當然就係問新娘化妝啦,咁佢先拎個plan出黎俾我地睇,佢個plan都唔平,又叫我地唔好試咁多間,岩就落訂~

我最嬲既係,佢搵左個上左年紀既幫我化,咁都無所謂,如果係靚既話,最慘係,佢話我化左妝,只係幫我加幾筆,又唔幫我吸下油同汗先,一黎就搽眼影,跟住劃到條尾勁長同假,跟本我自己個妝已經有少少溶,仲要俾佢化到咁,簡直不知所謂~

而我個friend,就俾個男人化到一pat pat,仲話我個friend無輪廓好難化,個男人一邊化,一邊就俾人係咁吹佢化快d,話好多人等緊~我個friend諗都唔諗,嬲到化完就即閃~

我地兩人帶住極嬲既心情行去隔離一個叫做C.Y.I既makeup booth,幫我地化妝既係阿Sam,佢好細心,而且唔會話佢覺得我化乜色就係用乜色,佢會問我鍾意咩色,而先再睇下我岩唔岩,而我本身就鍾意金色,於是佢就幫我試左個著掛既妝,有少少smoky eye既效果,而且有少少閃,個底又打得好,我覺得好得~

而我個friend其實係難搞,因佢暗粒多,而且面黃,但就幫我個friend用左銀紫色,我個friend都覺得好滿意(其實我好衰,我個friend只係我姐妹,但都要佢幫我個friend試妝)

至於個頭,我地就無試,因費時set完又周圍去~但我見到有個女仔set完到,就走去望下,覺得都一般,我依家full pay左,搵阿Sam做,仲有得上去試多一次妝,希望到時set頭時可以滿意啦!

佢用既護膚品係出名既brand,都有信心,我個friend就好似驚執輸咁,係咁搽人地d simple~而我就抽到兩set dermalogica既travel set同一次L6既眼部療程,好開心!