一早已約友人M跟老表到深圳豪玩,老實講,如果依家要用百多二百蚊到深圳食買玩,已經無咩可能 所以,今次本住食好D,玩好D既心態,去試盡好野兼好野,每人埋單四百多,如果換轉在香港玩,其實今次都已經賺左

10:40 - 兩路人馬左右夾攻相約到皇崗口岸集合,我和友人M在天水圍出發,而老表就從葵興出門, 由皇崗集合既方便又快捷, 大概11:05,各團友已經到齊

*天水圍可乘坐77號小巴到落馬洲再轉乘皇巴到皇崗; 而葵興則要落荃灣再轉車到皇崗

11:05 - 第一站就是同事們及各人都推介的Spa, 蘭桂芳Spa, 各人都推介並不是因為價錢平或師傅技術一流, 原因只有一個, 就是清潔衛生 當然, 本身她亦是一間豪裝既場, 正所謂食個View, 家陣我們三人就是為其勁Grand兼有泰國Feel既裝皇而來的 我們三人先行被安排到換衫房更衣, 後再到二樓的腳底按摩區進行按摩 按摩師傅手勢一般, 但勝在細心, 唯一不滿的就是他們沒有足浴服務, 細問之下, 原來他們為了不令水花四淺到地上, 所以不設足浴, 但若然愛好足浴如我者, 可以到其更衣室內之Spa區浸全身來作為補賞~ 按完腳, 當然就到主菜上場, 我跟老表選了中醫推拿, 而友人就選了中式按摩, 三人一房, 環境好舒服, 一下子就訓著, 最後埋單三人合共$798蚊

*收費如下: 每人最底消費$139再收加一及小費, 腳底按摩$49, 中式按摩$139(90mins), 中醫推拿$169(90mins), 泰式按摩$169(90mins), 另包Spa任浸, 活動區設施, 一杯飲品, 生果一份~

地址: 深圳市 福田保稅區桂花路11號帝港海灣
電話: (755)8347 3329
接送: 福田/皇崗 區, 電召 81900216 專車接線.

(續)............

皆因11月台灣之旅,搞得台朋友忙個不停~民以食為先,當然首要幫我搵好野食~

剛剛,台灣仔Edgar提議到台北牛肉麵節中勝出的店子,去食個超人氣台灣牛肉麵,原來,今次既評判包括小馬哥馬英九,比賽認真度可見一班~

未出發,當然要睇其web-site資料,真係一個好有資訊性既牛肉麵節網首,但要數到最最好用的,莫過於教你如何DIY一碗富有台灣風味既牛肉麵啦~教授的麵包括紅燒和清燉兩款,而且還以圖文教授,一步一步的,很容易就跟得上,有時間真的不可妨學一下~

http://www.tbnf.com.tw/m_diy.htm

天生鍾意食月餅係不變既事實,所以,中秋對我黎講係,係一個重要既節日~講到月餅,近年真係多左好多所謂既創意月餅,但講到好食,始終係傳統既月餅最好食~

八十年代時就話鍾意食老字號月餅,榮華,恆香既雙黃白蓮蓉就係must buy item ; 到九十年代尾,就興起食美心,大班,名古屋等,由專做西餅既餅屋出產既冰皮月餅,現今,什麼低脂,咖啡味,榴槤味,豬肉味等,都已經唔再似月餅既月餅,就係現今小朋友既新一代中秋logo~

食左多年月餅,有以下小小結論:

半島奶黃月餅: 夠香且清甜

大班冰皮: 皮簿QQ

鴻星: 蓮蓉清甜,蛋黃甘香

香格里拉: 夠實淨,唔易散

美心: 普普通通,無特別

榮華: 一咬就散,再無以前咁好食

大同: 不過不失

明星: 蛋黃過實

東海堂: 只得冰燒係好食

為了給賓客一個驚喜,為了一個好Grand既場地,終於,表姐同我都一樣,選了上環大舞台飯店作為婚宴場地,雖然貴了一點,但希望有個難忘既婚宴,錢,真係唔慳得既~

因為要訂造婚紗的關係,所以連日來都在選心水款式,左揀右揀,始終還未能作出決定,加上婚紗要配合我當晚的場地,所以就要選一套既可切合我外型又可配合到場地的,真的很傷腦根

洋人Design,我好Buy

懷舊Feel又好切合我個場

尋日去左Wedding Expo,睇下有無心水makeup可以booking到~一入到去,就見到有間叫做bio beauty既makeup booth,於是就同朋友一齊試妝,一試之下,認真九唔搭八,係未輪到我化之前,有個女人就係度勁sell d styling同makeup class,到我個friend問佢,有無化妝時,佢竟然問我地要咩化妝,嘩!come on,黎得wedding expo,當然就係問新娘化妝啦,咁佢先拎個plan出黎俾我地睇,佢個plan都唔平,又叫我地唔好試咁多間,岩就落訂~

我最嬲既係,佢搵左個上左年紀既幫我化,咁都無所謂,如果係靚既話,最慘係,佢話我化左妝,只係幫我加幾筆,又唔幫我吸下油同汗先,一黎就搽眼影,跟住劃到條尾勁長同假,跟本我自己個妝已經有少少溶,仲要俾佢化到咁,簡直不知所謂~

而我個friend,就俾個男人化到一pat pat,仲話我個friend無輪廓好難化,個男人一邊化,一邊就俾人係咁吹佢化快d,話好多人等緊~我個friend諗都唔諗,嬲到化完就即閃~

我地兩人帶住極嬲既心情行去隔離一個叫做C.Y.I既makeup booth,幫我地化妝既係阿Sam,佢好細心,而且唔會話佢覺得我化乜色就係用乜色,佢會問我鍾意咩色,而先再睇下我岩唔岩,而我本身就鍾意金色,於是佢就幫我試左個著掛既妝,有少少smoky eye既效果,而且有少少閃,個底又打得好,我覺得好得~

而我個friend其實係難搞,因佢暗粒多,而且面黃,但就幫我個friend用左銀紫色,我個friend都覺得好滿意(其實我好衰,我個friend只係我姐妹,但都要佢幫我個friend試妝)

至於個頭,我地就無試,因費時set完又周圍去~但我見到有個女仔set完到,就走去望下,覺得都一般,我依家full pay左,搵阿Sam做,仲有得上去試多一次妝,希望到時set頭時可以滿意啦!

佢用既護膚品係出名既brand,都有信心,我個friend就好似驚執輸咁,係咁搽人地d simple~而我就抽到兩set dermalogica既travel set同一次L6既眼部療程,好開心!

今日決定風雨不改,幸會米利夫人(丁家貓夫人)~

地點: 米利夫人家中

人物: 我和米利

時間:下午三時

印像: 第一眼見到米利,就好易認得上,有點不同的,就是她真人比上鏡還好看,說穿了,就是靚女一名~而且,生完阿B女,身材還保持在少女階段,實在值得各位仲未修身的媽媽學習

B女: 媽媽係靚女,個女都會有番咁上下,眼大大,咀細細,擺到明就係美人丕子,而且唔怕陌生人,喜歡對人笑,好有明星風範,大個可以諗諗食呢行飯

內容: 兩夫人碰頭,自然話題多多,上至家庭事,下至個人事,無所不談,真的好像有說不完的話~耐可我已約人飯局,否則必定會和米力夫人食個便飯,不致於談話時間到喉唔到肺

後話: 今次既約會既緊張又高興,因為第一次和她見面,心情自然十五十六,而且大家相識都已有一段日子,對大家既認識一定有,所謂萬事俱備,只欠東風,呢回約會總括是愉快的,米力,希望我地可以在不久將來再會面呢~

因為老豆有個舊同學係做脆魚皮同醬油生意既,所以,我地今天就一

行三人(老豆,媽咪同我),帶住個工作人員証,扮晒係Staff咁入去美食

博覽掃貨~其實老早在出門之前,經已同老豆提出,話帶個型仔Nike

手拖o急仔去,點知老豆話我地並非買千幾兩千錢既人,所以就無需

帶Nike啦點知,就係出左事囉

戰利品一覽表

1.盞記: 蠔屎一磅 $68 / 鮑魚汁兩支 $20

2.雞仔餅大王: 雞仔餅 $20

3.腩仔肉四包 $40/ 瑞士鴨 $20 (買滿$60送冰袋)

4.南島: 炭燒咖啡兩盒 $20 / 椰奶咖啡兩盒 $20

5.卡賀: 黑糖沙琪瑪兩包 $15 +  $5送 泰國粥

6. 同珍: 北京鴨醬兩瓶 $10 + $1送 蠔油

7. 開心: 鹽焗花生兩罐 $10

8. 康元: 餅乾兩包 $15

9. 鴻星: 雙黃白蓮蓉月餅Coupon $100

10. 東海堂: 冰燒月餅Coupon $98

11. 三罐午餐肉 $20 送涼粉一罐

12. 紹興酒兩支 $24

13. 味真香花生糖一罐