琴日係陳姑娘(Wing)返黎既日子~好開心見到佢！佢仲讚我靚仔tim,雖然有d人聽到可能會反哂胃,但係我都好開心~哈哈!佢係第二個咁讚我既人,可能係兩位朋友耐無見我啦~！乜我帶con真係好d咩..kaka~
希望Wing可以長留係我地何明華入面啦~

講返今日~今日上堂都無咩特別.但係放學就好開心同Alex,美享,Roy同弘佬一齊溫書.大家係入面都有講有笑,又有讀書氣氛,真係good啊！
溫到大約7點幾大家就一齊走啦(Roy走先)

行落去MTR既時候,聽到一件事真係笑到爬係度...話說講返小學選中學既經歷,弘佬係就讀大概長沙灣地區既小學,當佢見到我地學校地址唔知係邊(係寶達附近<觀塘區啦>.)就問佢坐係附近既女同學,問佢呢間學校係邊架？點知個女同學答佢：係後面囉！
真係笑爆咀...原來寶達就係長沙灣後面咁近,真係笑死.
我地仲即刻問佢同個女仔有咩仇口定係輕薄過人地,人地要咁樣整估佢...最慘就係弘佬果時傻傻地就信左個女同學,寫左張選中學表到...

同美享,Alex&弘佬行真係好開心,大家仲一齊食雪糕.
最後八點幾先返到屋企~
聽日就開始考試啦~第一日考中文,今晚都唔可以太遲訓.(其實我比起其他同學算係早訓啦...)

今日收到精英賽既賽程啦~好開心,又緊張,第一場會對董之英(27/1)係9龍公園...真係熱切期待~

(P.S : 賽程網站http://www.hkssf-ext.org.hk/external/Jing%20Ying/Jing%20Ying-0607/JYHB-0607/Acrobat/Fixture_Boys.pdf   我地學校係何明華啊！)

其實今日唔算有咩特別~但係係放左學,補完課之後,我地幾位同學就留左係課室到溫書~氣氛真係好啊！又可以集中溫書~

溫到大約七點幾,大家都好開心咁一路傾計,一路行落去觀塘地鐵站~途中大家分享既事,真係有d會笑爆咀,例如:權上堂訓教係咁郁(勁似發羊吊)、Roy上601巴士事件...真係笑死人la！哈哈~呢d一點一滴都係中學美好既回憶(都算係啦...wakaka)

今晚都要俾心機溫書先！奸爸爹~

期待聽日放學既練波~YoYo

呢排腦海裡都不斷出現球場打波既片段...都唔知係唔係打波打上腦~不過我覺得自己既信心慢慢開始增多,對自己多左肯定!李Sir同我講我有體能&有射術,但係有好多時候就係因為自己既信心問題令到自己表現不景氣~呢樣野真係要快d改善,如果唔係精英賽發揮都係只得一般.                           【信心+信心+信心=信心爆棚】

今年教會主題詩歌:
《燃獻生命祭》

屬世的衝擊每天張羅迷惑  從世俗裡面偷取信徒心
願眾心儆醒以心相連維繫 神要在這地興起信徒心
玷污那屬你恩約子女 環望世界已被那慾念擴張
收取那屬你天國莊稼 來吧背上十架燃燒我心
就讓我這一生 為基督甘願擺上 來成就你 付託心願使命
願你以火澆奠使我誇勝 去我心卑污 重燃馨香生命祭
就讓我這一生 為主不捨亦不棄 誠然讓你 用愛譜上盼望
願眾生得見主永恆真愛 以你作依歸 全然將身心奉獻

(P.S :呢首係我地上年夏令會既營歌~好聽！)

今日朝早返到學校補英文,之後下午就係學校練波la~
由2點半練到6點半.返到屋企好累累累累累...不過對腳既四頭肌係有明顯既改變(當然係結實左啦^_^),真係幾誇張~呢d就係苦練返黎既成果.

不過唔緊要~因為依家有目標,就係一月底既精英賽,我地一班隊友都因此而努力!

【男仔係咩時候最型呢?就係佢好專心咁做一樣野既時候】

【沒有目標既帆船,連風都唔可以幫助到佢.】

一段時間無寫日記~依家補返先*
27-29號參加左學校團契既三日兩夜camp~係camp入面真係幾開心啊,依家仲好記得第一晚同番茄傾計,彼此了解多左~同埋發覺佢成熟左唔少!希望佢可以再次親近神多D.
另外,感謝神係camp入面俾我有講自己得救見證~反應都唔錯.希望日後係學校自己再做好多,有更多榮耀神既機會.

30號:朝早8點半返到學校唔遲唔早,點解咁早返到去?因為今日學校有附加數測驗,大家都係靜場一直等...等...等到8點9,當嘉良好開心以為阿sir訓遲左或者唔記得左既時候,有人上去Home Room,原來已經有同學坐係入面,而阿sir都係度等緊我地...真係無奈."測驗9點正式開始(考2個半鐘).時間一秒一秒咁過...測驗都好快咁完左la.
下午係學校就咁食左一個杯麵,跟住落黎就係學校練波...今日自己狀態都唔錯,不過隻腳仲有d傷...就黎打精英賽既日子越黎越近啦~希望自己係最好既狀態去打呢個比賽,唔會俾個傷嚴重落去架!!呢一季,球隊注重練我地隻腳〈快〉,所以都幾辛苦~
返到屋企已經好累好累la...

31號:今日係2006年最後一日,咁岩今日又係主日,真係幾特別啊*今日好開心除左有弘佬返之外,番茄都加入我地既大家庭.今日講員鉅智弟兄講到我地感恩,唔可以只係單單諗神俾左d乜野你,而最重要既係你同神既關係.
之後就係團契時間,係各組組長分享詩歌時間,真係幾開心啊*輝爺講錯野:今日係2006年最後一年...大家第一時間既反應就係:彩過你／你自己就係!真係好好笑~
Lunch同Miss To,文,海,茄,昌一齊去Joy到食飯~都ok la,不過最好味既都係果度d甜品,真係好正!Sorry番茄,原來我既說話一直令你存有誤會~

今日係2007年1月1日啦~新既一年開始,我要梗加俾心機啊""即將面對精英賽,希望有一個完美既結束.另外就係會考啦~希望番茄所講既野會實現.加油啊!
希望自己可以做到【快快的聽,慢慢的說,慢慢的動怒】

星期日朝早好開心咁返教會,周弘海今日係第一次返我地間教會"月連姐姐今日用左1d時間同佢講清楚神既福音,聽到佢好肯定咁講一句：我願意！真係好開心...佢係一個新造既人啦~我地都好搞笑話完成佢人生大事,就係度扮結婚既音樂,真係搞笑~周弟兄!

夜晚,好開心16個大男仔出去旺角打邊爐,係因為幫小古慶祝生日*大個仔啦~去到果間餐廳,好似俾人呃左咁...108蚊~實在太貴啦,仲要唔包野飲!一直食...食...食...食到9點幾,大家都飽哂,就決定行去尖沙咀...我地多左英杰同埋迪參與.

黑社會大佬?

乜我咁樣著真係好似黑社會大佬?真係無奈囉...旺角行到尖沙咀,差唔多八成時間都無人同我一齊行,佢地話要行係我呢個大佬後面,不過雖然係大街咁嘈既環境中,都有一段默想時間,感謝神!

轉眼間就到啦~勁多人,係咁逼,等緊既時候都係大家傾計既時候...到左鐘樓既時候,其實都無人知道幾時先係最準數３．２．１．個鐘樓又唔識響~見到分針,時針夾埋一齊,大家就係咁叫...之後就走左啦.

我地幾個唔想再去玩既人,就坐mtr返屋企.其他人仲有下一場既就去機鋪打機.

1點幾返到屋企,2點幾先上床訓覺...今日隻腳都行到好累啦~
收到好多聖誕sms~好開心^_^多謝大家

(P.S :原來佢地果班人最尾玩到5,6點先返屋企...真係癲啊!)

首先補返星期六既日記先*
今日朝早係由學界完左之後,第一次練波~真係幾好開心,之前都好期待.不過對自己既體能有d失望...因為雖然我口裡唔認自己體能差左,但係我知道自己咩事.今日一開始練跟隊練少少體能,但隻右腳腳碗已經有d痛啦,點知道,越練越痛,要休息一陣"
黎緊一月尾就係香港學界精英賽啦~好想自己係最好既狀態,因為呢個可能係我中學階段最後一次為學校出賽!

12點幾練完波,急急腳走去換衫,坐地鐵,因為仲有下一場:秀宣教會*今日秀宣教會有一個音樂佈道會,何記都有好多人去啊+秀宣既音響真係好正~無見Candy咁耐,佢唱歌一樣咁好聽啊"最後用《道路》呢首歌作一個祈禱結束整個音樂會~當中我流下眼淚,因為歌詞作得好好,好感動!另外,都為到周弘海祈禱,希望佢能夠信主.
佈道會就完結左啦~但係咁耐無見果度既弟兄姊妹,當然唔會走啦~留低係果度食野,傾下計~個個見到我個樣都好驚訝,我只不過係帶左con姐haha.鄭牧師見到我,仲第一句就讚我靚仔,真係開心死我,哈哈,因為我知道佢係真心講既.
之後時間好唔夠之下,又要走lu~"~   下個一個目的地:北宣教會

今次佈道會個對象都係青年人,個講員都講得幾好啊~佢用左五個問題就講哂成個佈道會,再加上引用1d搞笑,生活化既例子串連,真係唔錯啊!到左最後,決志祈禱...完左之後,我立即問身邊既周弘海,佢話佢有舉手,但係之後又縮返手.我就鼓勵佢去後面俾其他人做決志跟進,但係最後佢比較驚,所以都係一齊走左.不過都已經好開心啦~佢既信仰踏出左第一步.

之後我地一班同學同埋miss to去食飯,都幾開心啊*番茄不斷係度搞爛gag「電單車,點解叫車啊!?佢笞,因為電單兩個字係前面囉」
「我唔食架啦~你"汁"左佢啦(好似叫人收檔咁....)」

食完飯,弘海,美享佢地去打機,我地唔去既就返屋企lu

真係開心,可以邀請周弘海星期日返教會~

今日係學校既聖誕聯歡會~真係好開心,點解?因為今次我有份參與party入面既細節,雖然大家係入面都有唔少不滿既地方,但係我都覺得大家搞得好成功.另外,經過今次之後,我更加唔捨得我一班同學一班好兄弟,因為我覺得大家成熟左好多,真係好似一班中五生.

今日發生左小小意外,話說今日好似平日去坐小巴返學校,點知自己掛住禁電話聯絡同學早d返去幫手,唔小心踢中左一個L字型,類似鋁既長條型東東.跟住成個人就仆左落地下,超過魚囉,就立即上小巴,好彩無咩人見到.上到小巴就摸下隻腳啦~發現隻腳可能係俾d鋁東東割到,有一條巴係度流血,都幾入肉...返到學校就去校務處處理左佢,最後都無事!

今日完左聯歡會之後就係咁同同學,老師影相,d相都幾good架!好滿意,不過都唔少手震既情況.

聖誕假開始la~唔好掛住去玩,要溫書,溫書同埋溫書!!