|
| |
|
|
|
|
|
|
December 25,2007
而家 d 醫生乜野態度
而家 d 醫生乜野態度
話說月頭去左睇政府醫生.佢同我驗左血就叫我14日後返黎睇報告喇.
咁20號我就返去睇報告喇.報告就一切正常.
見都去到仲比左45元.好唔底嘛.
就發揮師奶精神.唔好洩底.
問下佢我手肘有時會酸痛.會唔會係網球肘
我止不過係想佢比一些專業意見
佢都話係.咁就問佢可以點做.
以下係我地既對話.
醫: 係呀.你係網球肘.
我: 咁我可以點呢.
醫: 休息呀.唔好做操重既工作.兩個星期.
我: 但係我要返工喎.
醫: 冇法喇.
我: 下.咁如果我休息兩個星期再返工會好 d 嗎?
醫: 會再痛囉.
我: 咁我冇乜野可以做.令隻手冇惡化得咁快.
醫: 冇呀.唔做野就得.
我無奈咁走了.鬼唔知啊媽係女人咩.
我可以唔做同吃喝玩樂.就唔使黎睇你喇.
而家有一D政府醫生真教人失望.
俾意見 [3]
文章URL
引用 [0]
November 21,2007
遊樂園.後記
遊樂園.後記
19 號一早就入到去迪士尼.係仲早過佢開門.因為要早過媽咪到.
入到去同我想像中差唔多.(可能聽得太多).
佢同海洋公園比真係分別好大.
海洋公園既遊戲.有活力.動感.像一個好有活力既年青人
迪士尼既遊戲.就好像一個大家庭老少咸宜.
一個感覺佢有 d 似荔園.因為以前係媽媽帶我去.而家就我帶佢去.
我地差不多所有遊戲都玩晒.不過美中不足就係冇遊行睇.
好在冇比媽咪去玩.飛越太空山.我同啊妹嗌到傻.
個大細路都想玩架.大細路 = 我媽咪.
佢都老當益粗.上午10:00玩到夜晚7:00.都話唔累.
玩到買手信都得返 9 個字.趕到都唔知買左 d 乜.
五個人都玩到好開心.
November 11,2007
期待
期待
期待 11月19.講起上黎我都好咋.仲未去過.迪迪尼呀.
19號我會向迪迪尼出發.當日會有五個女性去.
三個媽媽.四個女.二個孫.
當日我要影好多相.我都好耐冇點影過相.
我要活得比人開心.哈哈
October 26,2007
責任
責任
近排忙都死.晚晚收 8 點.就聖誕都知係咁.不過最煩都係 d 人既工作表態度.提佢要小心收貨.佢地就話你煩.多事.到錯左喇.就要人地幫佢攪返掂.好似唔關佢事咁.乜野態度呀.一 d 責任心都冇.佢地都唔細喇.個個都做左人地啊媽.所以唔好話而家 d 小朋友難教.大人都係咁.仲想細既有幾多責任心呀!!!!!
公司都有個仲有小小責任心既女仔.不過佢就辛苦喇.要比家用仲要供埋個妹讀書.父母既婚姻有問題佢都好唔開心.可能係壓力攪到佢近來成日病.同男朋友仔又攪到好唔開心.佢都有同我地呻過.但公司班啊姐就冇句好野.安慰一句都冇.有事就識搵佢攪掂.仲成日話佢年紀輕輕就成日病都唔知你攪乜.聽到我都想鬧人.可能班啊太幸福掛.唔知屋企有事家人既壓力有幾大.我經歷過.我知佢而家係好辛苦.佢真係好想有人橕佢.前日我都同佢傾左幾個字.教佢放底.見到人佢個心有 d 痛.希望我幫到佢.
September 24,2007
錯愛
錯愛
前日,聽到一個心理節目.
講到殺死女友後自殺既男人
講到有d人愛到要殺死心愛既人
好多人都唔明.愛一個人點解要佢死.
開頭我都唔明.
聽完後我先知.原來佢係愛自己唔係愛對方.
佢係怕失去所以要殺左佢都唔會比佢走.
咁個樣野就唔會落入他人手上.
其實都幾可悲.
September 17,2007
公平
公平
當得到一樣野.就會失去一樣.人生就係咁?
如果..係.咁我哩次既等價交換.都係值得!
同三位小姐關係更好.
大小姐.終於同我真心咁傾左一次.
大家都冰釋前嫌.始終都係一家人.
二小姐.就真係懂事好多.
識得關心人.同我傾心事.
三小姐.仲有少少小姐脾氣.改善中.
不過.佢都懂事左好多.比心機呀!
失去既.有唔甘心.但以接受了.
要我二擲其一.我.......甘於現狀.
September 08,2007
多謝關心
多謝關心
其實我唔係好忙.不過我係好懶咋.
仲有就係我好多野想寫.但又唔知點寫好.
心情其實忐忑不安.有好多野我都唔知可以點做.
想做唔敢做.只有自己唔開心就算.
點解要記住過去既人和事.
點解要放唔底.
點解仲要打比佢.明知冇結果.
點解一想起佢情緒就要會好波動.
點解有勇氣打比佢.又唔知講乜好.其實係冇講過野.
點解.點解.好多點解.
