~ღ 絶對口没遮攔 ღ~
|
||||||||
 |
|
|||||||
February 28,2008
~ღ 借花敬佛 ღ~
~ღ 借花敬佛 ღ~
雖然抽到份手提電話禮物, 但係我用緊w910i無理由降grade用s500i架, 賣又賣得吾高價錢, 費時失事, 在諗吾到點樣可以得到最大的利益之下, 送比奶奶啦! 橫掂奶奶成日話佢個電話壞壞地, 諗諗下都係時候做番個好媳婦, 都叫做新款吖, 奶奶字都吾識多個, 部電話咁多功能都係嘥料, 算啦! 送比佢不知幾開心, "新抱送架, 新款黎架" 老人家心態講出黎都有面子d啦! 哈...無幾可架, 出面行貨都要成$19xx, 哈...借花敬佛囉!
俾意見 [1]
文章URL
引用 [0]
February 17,2008
~ღ 抽獎有運 ღ~
~ღ 抽獎有運 ღ~
今日返咗媽媽度, 村中舉行一年一度的年宵盆菜宴, 都有成50圍架, 我家都佔咗兩圍枱, 有免費餐食之餘又有得抽獎, 有超過40份奬品, 抽第四奬NDS的時候, 各個小朋友都好緊張, 知道抽吾中的甚至喊, 真係慘....., 到抽第二奬 手提電話的時候, 我一聽到中咗, 情不自禁彈起身舉高隻手Say Yeah 跟住當然係行出去攞奬啦! 哈....估吾到會抽到喎! 今年有運行, 開心!
February 11,2008
~ღ 聰明狗狗 ღ~
~ღ 聰明狗狗 ღ~
噚日去咗睇魔幻奇緣, 跟住就去honey老闆屋企團拜, 夜晚9点幾再去honey唐大佬屋企拜年, 狗狗就擺咗係天台成日嘞; 返到屋企離遠望見到天台門打開咗喎, 比人爆格? ? 但係大門無打開喎, 唉...miu miu真係利害, 之前學識打開自己間籠屋門, 衣家又學識打開天台門, 攪到成條樓梯都係黑色腳仔印, 抺死人咩! 以後都要用鎖塔住度門之得囉! 唉...以為比兩隻狗狗整啫, 連個杯麵都整我, 噚日買咗杯麵, 擺咗上櫃啦, 点知個杯麵一個番身跌落黎揼正我隻手捥舊骨, 即刻腫咗, 比杯麵揼腫真係聞所未聞呀! 跟手honey話佢咁衰即刻食咗佢, 就係咁呢個杯麵就成為咗我地的消夜嘞!
January 31,2008
~ღ 不宜出門 ღ~
~ღ 不宜出門 ღ~
噚日落足成日雨未停過, 我就係街度頻頻撲撲咗成日, 天氣又凍加上淋到少少雨, 今日開始有少少傷風徵狀, 本來要攞個暖風機去換, 我諗都係交比honey做好d, 我今日都係不宜出門, 食d葯留番係被竇好d嘞!
January 28,2008
~ღ 最後一程 ღ~
~ღ 最後一程 ღ~
星期日 天陰 沒有下兩也沒有太陽, 這一天伯娘要上山了, 伯娘享年106歲, 依照村中俗例, 在村口舉行路祭, 很安詳的伯娘睡在棺木中, 瞻仰遺容後不禁掩面而泣; 跟着靈車後面沿着馬路一步一步的送她最後一程, 入土為安後, 還有很多儀式要進行。 伯娘在這麼高齡而且也沒有病痛之下離開, 這是一種福份, 希望她往生樂土。
January 21,2008
~ღ 壽終正寢 ღ~
~ღ 壽終正寢 ღ~
星期六接到大家姐的來電通知, 伯娘今晨壽終正寢, 老人家今年106歲, 身體並沒有甚麼病痛, 只是在她的腦海裏不認知我們是誰, 希望她可以往生樂土。
January 08,2008
~ღ 好壞參半 ღ~
~ღ 好壞參半 ღ~
呢幾日吾知做乜, 壞的一齊壞, 部腦無啦啦死咗機, 部相機又無啦啦無咗畫面, 部電話又無啦啦係鏡頭入面有粒黑點, 攪到影相有粒墨, 衣家部腦整番好, 睇下幾時心情好攞部電話同相機出去整。慶幸係沙漠都可以見到綠洲, 咪就係miu miu的分離焦慮症囉, 自從miu miu上咗行為糾正課, 應該係我上咗呢個課程至啱, 因為課程係人上吾係狗狗上架, miu miu行為上真係改善咗好多呀! 開心....! 仲有就係我終於買咗部A190L, 開心....! 不過HONEY話以後佢只會做乘客吾做司機, 即係話我以後都要做司機囉!
.