星期六接到大家姐的來電通知, 伯娘今晨壽終正寢, 老人家今年106歲, 身體並沒有甚麼病痛, 只是在她的腦海裏不認知我們是誰, 希望她可以往生樂土。 

 呢幾日吾知做乜, 壞的一齊壞, 部腦無啦啦死咗機, 部相機又無啦啦無咗畫面, 部電話又無啦啦係鏡頭入面有粒黑點, 攪到影相有粒墨, 衣家部腦整番好, 睇下幾時心情好攞部電話同相機出去整。慶幸係沙漠都可以見到綠洲, 咪就係miu miu的分離焦慮症囉, 自從miu miu上咗行為糾正課, 應該係我上咗呢個課程至啱, 因為課程係人上吾係狗狗上架, miu miu行為上真係改善咗好多呀! 開心....! 仲有就係我終於買咗部A190L, 開心....! 不過HONEY話以後佢只會做乘客吾做司機, 即係話我以後都要做司機囉! 

 上星期同honey行商場, honey係咁捉住我睇金鋪櫥窗入面d 石仔, 呢粒好吾好睇, 果粒好吾好睇, 我話無一卡我睇吾上眼喎, 跟住突然同我講, 出咗雙糧就送粒石仔比我, 吓...不如送cash比我啦! 過咗幾日honey話如果我吾要石仔, 咁不如送架二手A190L比我啦, 好呀! 咁我可以車狗狗去街街, 所以呢幾日上網揾, 又要年份好, 又要車龐靚, 又要車身色啱心水,  又要價錢好; 所以到衣家都揾吾到, 我諗住星期日出去D 車場睇下,  諗起都好開心。 

 星期六HONEY啲同事過黎BBQ, 大約18個大人8個小朋友, 今次係食阿公, 所以食物當然會靚啦! 淨買18塊牛扒12件羊架都成$2000, 仲有大頭蝦啦, BBQ必燒的嘢啦, 我又要整鮮果沙律、雜菜沙律、磨菇蒜香意粉、紅豆沙、蒜蓉包; 好彩佢地食得晒D嘢啫, 吾係我同HONEY就慘囉!

攪呢次BBQ無端端做咗件好事, 話說HONEY的男同事一星期前買咗隻小八哥返去, 佢老婆極之反對, 攪到呢位男同事費盡心思去討好, BBQ之後第二日, 佢老婆又話要買屋仔床仔衫仔比隻小八哥, 因為我家隻小八哥肥嘟嘟夠可愛囉, 著住件衫仔扭下扭下咁行, 佢老婆見到八哥原來可以咁得意架, 所以咪180度轉變囉! 

miu miu生日快樂

 噚日同miu miu開咗個生日會, 我家姐做咗個南瓜蛋糕送比miu miu,仲有我哥送咗一大堆禮物比miu miu, 今次miu miu發達lu。 

前日買咗個毛毛狗竇, 諗住冬天有個暖d竇口, 睇黎衣家仲可以瞓到兩隻, mung mung大個d就吾夠瞓lu, 吾夠瞓先再算lu。

噚日兩個人係屋企bbq,  非常滿足, 重未試過b得咁滿意, 樣樣都好好味, 首先有塔斯曼尼亞的鬆化牛扒、好有羊味的羊鞍、越南多膏大頭蝦、雞軟骨、棒棒骨肉腸、紅黃椒、日本番薯、仲有脆卜卜的蒜蓉包, 當然吾少得雞翼啦!

 miu miu 自從做絶育之後就成日係廳中間大小便, 毎朝起身實要執餐死, honey見到咪用傻豹(滕條)fit佢, 所以佢見我地攞住傻豹就走架! 不過傻豹已經壯烈犧牲咗, 呢條傻豹死咗仲有千千萬萬條傻豹;  成日咁打都吾辦法, 叮....終於前日諗到個方法, 就係同佢著條褲仔, 哈...第一日佢竟然真係照常大大喎! 咁就帶住d大大一齊瞓咗一晚, 跟住到現時為止佢都吾敢再係廰大小啦! 暫時可以解決煩惱, 係咪成功要睇耐d啦!

miu miu [  咬死你..睇你點作惡...敝...媽媽見到添... ]

miu miu [ 你走...無義氣呀...mung mung你都有份咬架... ]

因為要迎接冬天, 我已經好心急地同miu miu 仲有mung mung購入咗冬季衫衫, 噚日就同佢地試著新衫影相相, 哈...由於mung mung的衫衫係預咗係冬天著, 所以衣家睇落有小小衣不稱身, 至於婚紗裙其實兩條都係買比miu miu的, 嘻...所以大件d囉, 嘻.....