好耐無上黎喇！！
上個禮拜五，我同細妹去左電頭呀！！
為左俾我既朋友仔驚喜呀！！我就無上黎打喇！！
宜家post番d相上黎睇下啦！！

阿B終於告別鬈毛。。

插到成個頭都係野。。原來電髮係咁架！！

我地兩姊妹一個直變鬈，一個鬈變直。。

星期六果日就遊左場大車河。。
本身送爸爸個fd同埋果個人個仔去我學校聽talk。。
但由於我果日要日文補堂，差唔多遲到，就響學校截左部的出旺角。。
點不知，搭搭下，小BUT打黎話原來係下個禮拜。。
我咁就無左40雞喇！！超唔開心囉！！！
都算喇！！之後同小BUT行左陣，買左個袋，就過番BU諗住接佢地啦！！
點不知，我搭完地鐵，轉埋小巴，上緊去果陣。。
阿爸打黎話佢地走左。。。。
.............................無奈×10000
大佬，又唔係唔知我學校幾遍僻架啦！！
我又行左一大段路先去到巴士站，等車番大埔。。

星期一就開始番學校監考，無乜特別，都係同以前一樣。。
今次唔同既可能係......呢幾日監考既日子都幾辛苦。。
因為我覺得好忙，好似無得休息咁。。。
上晝要一早起身番學，平日訓到下晝架嘛！！
仲有呀！！原來鬈毛要早d起身整頭，搞到我第一日都差d遲到。。
嗚。。。無得訓。。下晝食完飯就去幫皓慈補習。。之後就番屋企。。
星期一補完，番到屋企都六點幾，差唔多食飯，睇一陣電視，沖完涼就訓喇！！
星期二先慘。。出去學日文，番到屋企，已經癱左。。
得今日比較多d時間休息。。下晝四點幾番到屋企，有得訓番覺。。
呢兩個禮拜都係補習既大專生們既搵錢黃金時間，無偈啦！！

本來諗住星期五最後一日監考，下晝唔駛補習。。
之後禮拜一又開學喎。。又係果日放GPA。。可以出去玩下。。
但係點知......唉。。。算啦！！番屋企訓覺，睇電視，玩NDS吧啦！！

本來好想用日文打日記。。
但係實在太懶，溫都唔想溫，所以打都費事打。。
我就黎懶到變成一灘汁。。

我發現其實都幾多人既日記一開始會寫......
「上次日記已經係......」
「好耐無打日記喇！！」
連美寶老師既記都話自己好耐無日記。。
嗯。。。睇番我上次既日記，已經係上年喇！！..........
嘻嘻！！！！

今日停低，個人靜落黎，諗左好多好多。。(其實唔係諗左好耐)
諗起好多好多今年發生左既事。。

在年頭，我努力同AL作戰。。(講呢句有d唔好意思添。。)
每日陪住我既可能就係past paper，書，notes。。
成日擔心住UE唔合格，考得太差，無人收我，仲認真咁考慮IVE要揀邊科。。
到年尾，我已經係一個做左好幾分papar，擔心住第一個sem有幾多科要retake既大學生。。

在年頭，爸爸一日到黑都催我學車。。
我一直嚷住話唔駛急，考完AL先。。
在年尾，我已經係一個會同細妹揸車出去行街，車屋企人去旺角、元朗等地食飯，會飛車番學校交功課既美少女。。
型呢？？^^

在年頭，我仲成日諗將來會做咩。。
我仲諗住考唔到就去做sales，同小麥一齊考空姐。。
仲好認真咁擔心語言唔ok既問題。。
在年尾，我就曾經係好多學生既小老師，個個見到我會群住我問東問西。。
甚至幾年後我一畢業，就可以正正式式做老師。。
今時今日既我，甚至識得講少少日文，可以去裝模作樣一下。。

在年頭，我靠住神既信心，捱過好多好多野。。
面對屋企問題，學業問題，我都執住以下一句經文撐住。。
「我也折斷你們所負的軛，叫你們挺身而走」
話說呢節經文係出自利末記。。
在年尾，我依然未睇完民數記，可想而知，我睇左幾咁少既聖經。。
連教會都好少番喇！！考試驚驚青青，唔再好似當日考AL咁喇！！

在年頭，我曾經覺得我好好好好好深愛住一個男人。。。
我覺得我既下半生都應該係同佢一齊渡過。。
我覺得我願意為佢做我唔想做既，例如學煮飯，甚至生仔。。
諗得好長遠呀可？？
睇番以前既日記，原來我一直為左我同佢既關係神祈求。。(我手寫果本，睇下邊個拎到黎睇，哼！！)
原來佢曾經毫無怨言咁陪我，任得我發脾氣，任得我發洩，而依然愛我，疼我。。
但係到年尾，我地已經終結左我地三年既拍拖生活。。

諗番起以往的一切一切，有慶幸，都有不解。。
對我在愛情的選擇，好多人百思不得其解，我以為我好了解。。
但係回望過去，無一個決定係我可以清楚解釋。。
好多人一句「性格不合」，「感情變淡」可以不了了之。。
對唔住。。我唔可以，我覺得我既感情世界唔可以用言語解釋到。。
今日睇一個大學同學日記，佢好鐘意笑，係成日都癲笑。。
我終於明白點解，因為佢覺得佢踏足呢個社會就唔會再有得咁樣開懷大笑。。
佢好高興自己仲係學生，基本上佢為佢自己擁有既所有而笑。。
見到佢日記，同男朋友既一張張合照，見住佢情侶戒指，情侶銀包既相。。
我竟然覺得好羨慕，竟然覺得好幸福好溫馨。。
咁係第二次，我因為空白既愛情生活而感到少少不是味兒既感覺。。
但係我唔後悔，或者你岩：「即使分左開不必仰天嘯」。。^^

唔通我條命生成俾人出賣既？？
邊個xx，將我個日記俾左腳趾？？
(腳趾，其實你大可以親自問我。。)
我覺得咁樣好唔得囉！！搞錯呀？？
咁無品既？？呢個係我既日記。。
俾唔俾，係咪應該我話事？？
到唔到你咁多事呀？？？？

仲有。。如果上黎既人，你真係當我朋友。。
就唔該真係關心我先好上黎。。
如果你係因為八卦，因為諸事，請你永永遠遠忘記呢個日記。。
唔好再上黎。。。呢度無你既事。。
同埋各位好朋友，敬請：唔好再唱開呢個日記。。
係我將呢個日記親自俾你，或者光明正大問我要呢個日記既，多謝你！！！感激你！！！

如果想打聽我係咪嬲，係咪唔高興，係咪呢樣係咪果樣。。
乜都好。。。過住吧！！！
咁大個人，自己係咪得人鐘意，自己最清楚。。
我歡唔歡迎你，你心知肚明。。
我以為我已經做到好出，好明顯添。。
唔駛求證，都唔駛周圍問，周圍唱。。
相信自己。。你feel到既就係真既。。ok？？
檢討下啦！！

「大學生」呢三個字真係好沉重，一點都不易當喔。。
28號我岩岩趕完我sem 1最後一份papar。。
我由27日晚上開始做。。一點幾到三點左右既時間，太「支力」，訓左。。
起身之後做到朝早7點幾。。想訓又訓唔著，就打完電話叫人起身。。
傾左陣，之後終於訓著喇！！嘻嘻。。
雖然好辛苦，但係總算做完。。熄左電腦之後先醒起要upload。。
所以諗住起身先算。。

一訓就訓到兩點左右，同細妹出去買完野食就番屋企。。
諗住開機upload個softcopy，點不知upload唔到。。
佢寫住個due date係12點前，仲加左句話hardcopy係同一個due date。。
我好驚，真係好驚，因為個份papar佔全科50%。。
我好驚，真係超驚，響度喊，一路喊，無人陪我，無人幫我。。
好耐無試過咁無助，感覺咁孤單。。我諗我果刻將呢幾個月以來三分一既野喊晒出黎。。
我連飯都無食，即刻跳上車，細妹陪我，我就飛車番學校交功課。。
出到吐露港，我真係飛得超快，都唔理得超唔超速。。
有段時間一路喊，一路揸。。
最後爸爸打黎，佢擔心我一個人出去，所以叫我等埋佢。。
好彩最後交得切hardcopy，而softcopy都可以用e-mail形式交番俾professor。。
到左今日我先知，原來真係無喇！！
無人再可以除時除地陪我，聽我講野。。

咁多個月以黎，第一次感覺到無拍拖，一個人而產生既負面感覺。。

P.S.我知有d朋友仔除夕都要番學校考試，加油囉！！(琪琪、小but^^)
仲有呀！！讀ive果d呀！！未考試架！！加油喇！！(善勇、豆豆、鄧邦)

番去公公度，我帶左本書去睇---《思憶橋》。。
故事講思憶既另一端有另一個世界，果個世界係存在住你我記得既人同事。。
存在於記憶中既女主角發現身邊既野，一樣一樣地消失，甚至人都消失喇！！
因為現實中既女主角，對以往既記憶已經越來越模糊。。

我覺得好感觸......
我思憶橋既另一端又有著誰呢？？
不敢告訴你，我想你；偶然你會出現在我的夢中，我的幻想中。。
但終有一日你都會消失於思憶橋的另一端嗎？？
我呢？？出現在你思憶橋的另一端嗎？？

或者某個片段，某件小事，已經逐漸消失於彼此的腦海之中。。
但願你永遠記得曾經深愛你的我，都要永遠記得深愛著我的那份感覺。。

「我在思憶橋的彼岸看著你，你還記得我嗎？」

我番左黎喇！！聖誕節，去邊玩呢？？
我呢....番左黎朝就係平安夜。。
我成為第一批響羅湖過關的香港居民，原來朝早有好多人響果度等過關架！！
我又成為乘搭第二班港鐵既香港居民。。

今次番去公公度真係好辛苦，因為搭果d車，質素好差。。
係臥鋪黎架！！去果陣，由於我張床位置唔好，響廁所附近。。
夜晚有好多人跨過我身上，好唔鐘意呀！！
仲有呀！！我覺得張床，張被，所有野都好污糟，好唔鐘意呀！！
經此一役，我更加肯定我係有少少潔癖。。

番到黎即刻去沖涼，將所有野放入洗衣機。。
基本上我係用極速去做以上既野，因為我覺得成個人都好污糟。。
訓左幾個鐘，之後起身去幫人補習。。

之後響屋企煮撈麵食。。點知煮完都無人識得欣賞。。哼！！
細妹牙又痛喇！！痛到喊，我又攬住佢喊，因為我覺得佢好慘，但係我又幫唔到佢。。
所以佢果晚無跟到我出去，我就同小BUT、豆豆去左報佳音。。
報完佳音join埋Mandy同埋善勇去左豆漿大王食野。。
但係唔知點解我俾左40幾蚊。。算啦！！

之後幾個朋友仔，一齊去左尖咀，因為我勁想去廣東道度睇噴雪。。
點不知，我同小BUT去完M記個廁所，排左輪明隊同暗隊，俾個靚妹打左個靚尖，最後放棄去廁所，趕去廣東道。。
點不知因為太多人，封左路。。好唔開心呀！！
去到台後面，聽住千嬅唱歌。。
但係之後工作人員勁好人，打個後台既布，我地見到何韻詩，農夫佢地一面。。
又響倒數果陣好清楚咁睇到煙花同噴雪，好開心呀！！！好靚。。
可惜細妹無得睇。。

PS今次番去俾公公睇左條腰，佢話我d骨增生。。
好嚴重，曲左出黎，最起碼要推四日。。
但係我都堅持要番黎，以後唔可以成日「烏」低身，或者x低。。

聖誕節果日訓到好晏，之後同細妹出去睇黑澀會等左個幾鐘。。
等到條腰真係好痛好痛。。之後去食下午茶。。
買左三對鞋，一件衫，我細妹買左一對，同一件衫，一件外套，兩條牛仔褲。。
哈哈。。。兩姊妹瘋狂購物囉！！！
好野。。好開心。。終於有鞋著喇！！之前d袋一個一個咁爛。。
最近d襯裙既鞋都一對一對咁爛，宜家終於有得著喇！！開心。。

尋昨同細妹爸爸去左Mr. Steak食聖誕大餐。。
好貴呀！！食左成三百蚊一個餐，好心痛呀！！！
多謝爸爸，爸爸真係好好。。

今日呢。。。又同左細妹出去行街。。又見到鄭元暢。。
之後仲見到小麥同阿liu。。
我又買左一套衫喇！！好貴呀！！不過我真係好鐘意，無法啦！！！
我仲買左一堆聖誕禮物。。
小BUT、豆豆、琪琪、Mandy、小麥、思敏、皓慈、皓慈細佬、當然仲有我細佬妹啦！！
大出血呀！！嗚。。。
今日要祝自己生日快樂。。
因為今日係我決志既9週年紀念呀！！
暫時收到三份聖誕禮物，都好鐘意呀！！
多謝你地呀！！

你地呢？？聖誕節快樂嗎？？？

I am in mainland now and I stay in my grandfa's home.

Do you miss me, my friends???

I will come back tonight and arrive Hong Kong tomorrow.
(very very early!!!!!)

What will you do in your Christmas Holiday???

Share with me please!!!!

Bless you all!!

哎呀！！尋日唔記得左一樣超重要超要重既想要既野。。
就係i-pod喇！！因為我部mp3壞左，好慘呀！！好唔開心。。好唔方便。。
嘻嘻。。等我乖乖都儲錢先。。

今日要記錄一個好好既Doctor。。佢教我Educational Psychology架！！
尋日最後一科就係考佢果科。。我地幾個同學圍住佢，佢話呢個又得果個又得。。
我就梗係：「我呢！！我呢！！」咁啦！！
之後佢竟然話：「你呢。。恃住d小聰明。。」
嘩！！！好勁既教授呀！！！果然係教心理學。。
臨走，佢要特登同我講：你呀！！唔好玩咁癲呀！！

更加喜歡心理學！！！

PS雖然佢果科我係尋日下晝先溫，溫左五個鐘左右就去考。。
但係我諗應該係考得最好果一兩科黎架喇！！

唔該你呀！！幫我錄「靚太唔易做」。。^^