今日出左GPA喇！！今個sem成績算係咁啦！！
真係多謝神「再次」響學業上祝福我。。
雖然拉勻兩個sem，我都係唔過3。。
雖然我見到stat個成績真係好想喊。。
但係整體黎講，已經好唔錯喇！！

我宜家最希望係神祝福我既屋企人。。
因為我真係好想好想佢地信主。。好想好想。。
我尋晚發左個望，見到媽咪主動話跟我番教會。。
雖然佢響兩間教會之間走黎走去，但係始終佢都肯番。。
但係之後唔知點解我跟左一班壞人去玩，原來佢地仲偷運毒品。。
我都俾人拉埋，仲要警司警誡添。。
之後唔知點解我發緊夢，但係我知自己喊緊。。

神既祝福真係好重要，你又得到左未？？
你有無接受呢份祝福？？

p.s.
1. 細佬今日考常識，有條時事題問之前邊間航空公司倒閉。。
我細佬答：國泰
笑左我地幾耐呀！！

2. 你叫我小心既時候，我覺得唔好feel。。
係因為我一直都唔願意接受呢個世界既黑暗面。。
所以我既文先作得咁開心，我個人先可以唔駛咁悲觀，願意相信人。。
我寧願你暗中保護我，好過你響我面前揭開晒生活中黑暗既事實。。

今日同小麥出左銅鑼灣行街。。
嘻嘻！！好開心呀！！我都係第一次單獨同小麥去咁遠行街咋！！
我地今日都有好多奇遇，同發生左好多野。。

一、底底
我同小麥去一間鋪頭，入面有好多靚底底。。
我同小麥一人買左一條，好靚架！！
我番日文果陣仲係咁俾其他人睇。。
哈哈。。

二、影相
我地小麥響銅鑼灣地帶行行下，有兩個人無啦啦搵我地影相。。
話佢地係一本網上雜誌既，俾人知道香港既人點樣著衫之類啦！！
嘩！！真係發夢都無諗過呀！！可能遲d有星探睇到，睇中我地呀！！
哈哈！！！！（雖然我到宜家都係覺得佢地一心搵小麥既）

三、義順牛奶公司
小麥帶左我去呢間野度食通粉，人地話好出名架！！
我就唔知喇！！我淨係知我分左小麥一隻蛋。。
好好味。。因為我好鐘意食蛋。。

四、羅志祥鋪頭
我同小麥步過我最害怕的馬路，想去搵小豬間野。。
點知搵唔到。。算啦！！下次再去囉！！

五、蘇玉華
我地之後見到蔡瀾、蘇玉華同Amanda S。。
蘇玉華好靚呀！！咁既年紀黎講，佢個樣都算後生喇！！

六、民族裙
我同小麥話一齊四民族裙。。
最後雖然後我一個買，但係我都好開心。。
小麥遲下再買啦！！

之後我遲到，要小BUT響無冷氣既KFC等我，唔好意思呀！！><

響今日仲剩番15分鐘呢個時間。。
我真係想恭喜阿liu，因為阿liu今日受浸呀！！
唔知點解，我好開心呀！！
哈哈。。但係又唔係我受浸喎。。^^
同埋今日有好多人，見到好多好耐無見既人。。
好似阿金呀！！阿mew呀咁。。
好啦！！無咩好講，post下相啦！！


呢張係小麥叫我咁整架！！
因為佢地唔知點解響一面自己影相，自己傾偈，另有一個小天地。。


親愛的Miss Ng。。

喂！！又好耐無見喇！！
哈哈。。越黎越懶寫日記。。
明明時間多得很，但係就係好懶寫。。
但係一睇小BUT個xanga，我覺得自己還可以吧！！

唉呀！！其實要我寫，我都唔知寫乜。。
最近真係無乜特別，每日十點半左右起身。。
咁早起身做乜呢？？就係睇電視喇！！
睇完《人魚小姐》，再睇《衝上人間》。。
之後食少少野，就睇下小說，上網睇下西片。。
之後呢，逢一三五去補習，二四去學日文。。
就係咁就渡過左我呢兩個禮拜左右既暑假。。

有無咩特別野呢？？umu......都有既。。
我諗緊等其他朋友仔考完試去邊玩。。
我地諗住去camp呀！！好緊張。。哈哈。。
仲有，七月我會番公公度，睇下我條老人腰。。
八月如果成功去到北京就好喇！！
不過呢樣就唔到我話事！！
仲有我生日會去迪士尼。。哈哈。。
想去既同我講呀！！我地齊齊去。。
諗起都開心，因為我嘈左好耐話要去架喇！！

post下相啦！！
最近有位成員加入我既包包團。。


大家睇下張單個LV logo個位，見唔見有個印。。
我必須要講一講呢件事。。
話說果日同爸爸出去，架車泊係海港城。。
咁我地買完個袋就去吸車飛，因為有泊車優惠。。
我去到個counter，拎住張單，問個阿姨，呢個吸唔吸得架？？
佢望一望：「吸得！」就對住我個LV一「chap」就「chap」左落去。。
><苦笑了一下。。



呢個就係我個靚靚袋既全相喇！！
有機會帶佢同你地見下面啦！！
我真係要多謝爸爸送呢個袋俾我呀！！
雖然如果俾我揀......^^

最近睇到好多預言。。又一次令我覺得聖經又響度應驗緊。。
因為在末世，呢個世界就會冒起好多異端邪說。。
作為基督徒真係應該清心，時刻儆醒禱告。。
加油呀！！弟兄姊妹們。。我地要作神既口，令更多人信主得救呀！！

又好耐無打日記喇！！有無掛住我呢？？
我好掛住你地呀！！特別係呢個咁優悠既日子。。

尋日下晝同liu、琪、小麥同傅老師食完飯，之後番左學校探老師。。
好可惜見唔到Daddy同Miss Tong。。
但係我地都留低左愛心留言。。哈哈！！
唯有下次再去探佢地啦！！

我地四個之後遊盪左去大中，途中遇到soso。。
好有緣份呀！！我真係好想見下我既朋友仔呀！！
思敏！！幾時先可以再見到你呀？？

去到大中，真真正正咁兜左一圈。。
我地無野做，就去左仙跡岩飲野。。
傾左好耐。。好開心呀！！哈哈哈！！

希望好快可以再見下你地啦！！

響呢度想補記一日。。
就係上星期二，13/05，我同豆豆出左尖咀。
皆因我左事要去一去LV，所以捉左佢陪我。。

我地左左尖咀，第一樣做既野就係左食左個平粉。。
（以尖咀既角度黎講平）
之後我地去左新港中心，行左陣，行左好貴既IT 「Sale」。。
去到海港，我地搵唔到路，調頭過好多次。。豆豆好沮喪。。
最後我地第一間去既係Gucci。。行左一陣。。
無人搔我地。。噢！！
出到黎，豆豆好開心，因為佢話佢第一次去呢d鋪頭。。
其實我地係。。哈哈。。我地彼此獻出左對方既第一次。。
哈哈！！講得好曖昧呀！！其實只係去行街。。

好喇！熱身完左，我地就入左LV。。
好難先搵到個人黎問野，問左之後，試一試個袋。。
我地都走左喇！！
哼！！有個自由人想打我尖呀！！嬲嬲。。
不過sales好好，無俾佢得逞。。
證明呢個世界唔係有錢就得既。。

之後走果陣，豆同學同我好似自由人咁響名店出面影相。。
記錄我地第一次之遊。。哈哈！！

之後豆豆帶左我去一個地方，好舒服，好大風。。
我地仲為左兩隻水母，一時爭持不下。。

由於黃政軒同學仲未老老實實咁send相俾我。。
所以無相俾大家睇。。要怪就怪佢啦！！

呢幾日，我一直逃避去睇四川地震既新聞。。
因為我知我一定好唔開心，我知我一定......
今日，我終於上左Yahoo睇一篇篇關於四川既報導。。
我忍唔住喊左出黎，我正如預期中咁，好唔開心。。

事件發生之後，我一直安慰自己：「我應該有心理準備，神番黎之前既先兆，我應該好清楚，我都應該一早知道。所以我唔應該咁唔開心。」
但係果D係人命黎架！！死亡既人數唔係個位數字，都唔係兩位數字，係萬萬聲咁去。。
佢地同我地一樣，係人黎架！！佢地甚至同我地一樣係黃皮膚，黑頭髮。。
佢地都有家人、朋友。。

我記得尋日響火車聽到一個報導，話有個人響瓦礫下面講：「我俾石『紮』住，快D黎救我。。」
到底有幾多人響同一時間，講緊呢句說話？？
到底有幾多人可以好似佢咁好彩，可以有人聽到佢講野？？
到底有幾多人果一刻已經連講野既力氣都無？？
到底有幾多人果一刻已經永遠都唔能夠講多一個字？？

點解一定要咁？？係咪一定要咁樣？？
我記得之前南亞海潚，我都不斷問左神好多問題，我對自己所信既差D站唔住腳。。
今次呢？？我呢一刻除左唔開心，我唔知有咩心情。。
點解神好似咁殘忍？？點解神好似唔憐憫佢地咁？？

最近唔止四川，緬甸？？美國既龍捲風？？一連串咁發生。。
仲要發生幾多次咁樣既天災先足夠？？
但無論點樣，可以知道既係，神真係就黎番黎架喇！！
天災、國與國之間既爭執、巴爾幹地區局勢緊張、糧食問題、各類變左種既疾病......
聖經講既野唔再係距離我地好遠，而係好貼身，好接近。。

看到呢篇日記既你，你見到嗎？？
神番黎既預警已經響起喇！！