喂！！又係我喇！！
我決定出現得頻密少少，所以我又打日記喇！！

今朝同思敏傾電話，好耐無同佢傾偈喇！！
希望神祝福佢啦！！
唔好貪玩啦！！乖啦！！

今日我去左沙田行街，買左好多之前未過買既野。。
原來muji咁多得意野買，得意野玩架！！
我今日係入面玩左好耐。。
應該有半個鐘喇！！哈哈。。

我星期二晚就會番我公公到喇！！
其實我好唔想番，因為d交通工具好恐怖。。
不過無計啦！！要醫番條老人腰。。
為我禱告呀！！希望成功啦！！

我會一個星期左右先番黎。。
換言之，我有一個禮拜打唔到日記。。
遲d見啦！！

hihi...係咪好頻密呢？？
我今日post既第3篇日記呀！！
好忙呀我。。哈哈。。

今晚岩岩同完班大同開會，係有關點樣同班freshmen迎新既。。
我決定今年開始唔做摺摺大學生喇！！
要參加下學校既活動先得。。嘻嘻......

我同小麥好似聖誕節咁，今日交換禮物。。
佢送左盒Hello Kitty咖哩俾我呀！！
我好開心呀！！你地係咪都好想要呢？？
但係唔好意思，無喎。。哈哈。。

我最近買左對波鞋呀！！
本來我都無打算買架！！係果日行開波街，見到好靚，就買左喇！！
我諗我應該有5年左右，無買過波鞋喇！！
好誇呀！！我試波鞋果陣，都唔知應該咩感覺先岩。。
到底應該緊好，定鬆好。。
我見響街又好少有人著呢隻款，所以就更加鼓動到我想買喇！！
我都估唔到自己會買對咁既鞋架！！
哎呀....................

點呀？？你地覺得靚唔靚呀？？
點呀？？小麥姐。。
呢對o唔ok呀？？o唔ok呀？？

你睇。。連入面既花都唔錯架！！

俾其他既相你地睇啦！！

呢張係小BUT上日文堂訓著左，我係佢本簿度寫架！！
佢真係係我面前，「中」左一「中」。。
好搞笑架！！佢想擦左佢，毀屍滅跡。。
哼哼！！無咁易。。

呢個係我日文老師呀！！
佢好潮架！！我好鐘意佢。。
就算我好「支力」，見到佢我就會開心晒。。
不過我諗佢見到我就調轉喇！！哈哈。。

呢個係舞動奇跡番外篇。。
哈哈。。我央求左我細妹好耐，佢先肯俾我post上黎架咋！！
係佢著住我條長長既民族裙影架！！

呢個係中三果年坐我隔離既同學仔。。
宜家人地出書喇！！
話說果日書展，我見到一堆人圍住佢既書。。
心諗：「唔係下嘛？？咁好賣？？」
點不知，行埋d，見到原來d人係圍住隔離阿江若琳既書。。

呢係我拍於大埔間中國銀行門口。。
果日d人好擠擁咁等緊紀念鈔。。

今日我有一個秘密......

P.S.
你地有無留意到，下面篇日記既日期呢？？
無錯喇！！就係30/7。。
係因為我果日就打完，但係save左個草稿，無post到。。
因為我未整d相，所以未post住。。
所以佢係一篇遲遲遲......遲大到既日記。。

Sorry and Sorry Again......（簡稱：SASA......哈哈）

點解個PS仲長過內文？？

最近發現最懶寫日記既人係我呀！！
噢！！！太BAD喇！！
連小麥都話我呀！！哼！！

長洲
之前同小BUT、琪琪、豆豆、我細妹同埋善勇去左長洲玩。。
我地行程非常緊湊。。又游水、又踩單車、又BBQ......
總之玩左好多野，但係睇得好少野啦！！
小BUT一玩啤牌又變左第二個人喇！！同埋真係好邪架！！
你都咪話唔信。。哈哈。。講笑姐。。
希望下次仲可以咁開心出去玩啦！！

我為左要架粉紅色既單車，勉強自己要架細size。。
你睇！！我同小BUT果架同size架！！哈哈。。

呢間野係豆豆帶我地去食架！！
間野既豆腐花真係幾好味既。。
相中既係代言人---阿ling。。

蕉 BUT？？

琪琪超叻呀！！
因為呢架車真係好難踩。。
我踩到撞車。。><

（如果想睇多d長洲既相，可以去我facebook睇。。
    我post晒上去架喇！！）

教書
之前一直都係番學校教書，無時間打日記。。
仲見識到所謂「五虎」，真係好幼稚，好煩。。
點解可以咁架？？到頭來，佢地到底得到d乜野？？
聽日同後日我又要番去喇！！真係好唔想見到佢地。。

相入面既係我其中一個學生。。佢超曳呀！！
呢張相入面影既係佢既背面。。
因為佢點叫都唔「攝」衫，所以我就用膠紙黏起佢。。

打邊爐
上星期五，小麥最後一日番工。。
我陪左佢出旺角拎帽，仲行左一陣街。。
之後我地仲一齊打邊爐，好開心呀！！因為好耐無打喇！！
之後佢個咩放工，我係咁叫佢過黎。。
人多開心d呀嘛！！我仲用傳說中既「美人計」令唔知果位係咪經理既人，加鐘俾我地。。
哈哈。。。佢地仲見到果個人係咁瞄我。。
係真唔係呀？？真係超白痴。。
但係多謝阿邊個啦！！因為佢請左我食飯。。
其實我真係超唔好意思。。。我其實講下架咋！！
直到第二朝起身，都依然覺得唔好意思。。
多謝晒！！！

神做野喇！！
翌日，我同小BUT、小麥番教會。。
出門口之前問我細妹去唔去，佢話唔去。。
我冷冷咁留下一句：「乜你咁架？？神咁錫你，你都唔錫神既？？」
因為我早左出去，就自己係大中行左一陣。。
心入面係度諗：「唔通我今年既生日願望就係要細妹主動話番教會？？
唔啦！！應該係要屋企人信主。。」
點知過左一陣，我細妹打黎話：「家姐，如果我番，係咪宜家出門口？？」
哈哈！！！神真係做野喇！！哈哈。。。
雖然最後佢都因為！八達通無錢而無出到黎，但係都有進步。。

小麥爸
呢度特登開一欄多謝小麥爸爸。。
話說番教會果日，即係上面講緊果日。。
我自己係大中行，仲煩緊要行番教會，好遠好熱。。
點知小麥打俾我，仲話佢爸爸肯過黎車埋我。。
嘩！！太好喇！！好開心呀！！
之後番完教會，佢爸爸仲邀請我去打Golf。。
哈哈。。我玩得好開心呀！！
小麥苦練左好耐。。。
之後佢爸爸仲車埋我去搵細佬。。
我真係超唔好意思呀！！因為本來佢地可以快d番到屋企，搞到佢地要兜路。。
Sorry and thank you!!!

呢個就係小麥爸喇！！
佢打波既背影係咪好有型呢？？
哈哈。。

細佬生日
今年細佬生日好特別，佢自己邀請左一位朋友黎陪佢。。
真係陪左差唔多一日呀！！
但係疼錫我地既爸爸就唔係度喎。。
番到屋企，佢仲因為一件事好感觸，好唔開心。。
唔好咁啦！！爸爸。。我地已經好幸福架喇！！唔駛內疚。。

呢張空櫈就係留俾爸爸架喇！！

Jupas放榜
恭喜Simpson同思敏，知道你地既消息，我好開心。。
希望遲d小麥都有好消息啦！！！
同埋好期待我個系今年會有咩人入呀！！
我23號o DaY就會見到佢地架喇！！好緊張。。^^

好長既一篇日記，唔好意思呀！！
下次盡量唔會一次過post架喇！！
太長你地都無心機睇啦！！係咪？？

好耐無打日記喇！！有無掛住我呀？？
尋日睇新聞話msn、blog令到學生語文能力下降。。
雖然我都覺得呢個係事實，但係係呢個社會，要同朋友維持聯絡。。
我諗呢個係最好既方法。。

今日同王群老師、partner、高佬、斯慧姐出左去食飯。。
傾左好多野。。好開心，因為見到好耐無見既朋友。。
大家都交流左大家既狀況。。^^
Miss一見到我，就話我好似一個公仔、洋娃娃。。
哈哈。。好開心呀！！起碼唔係一句：「你都係咁既樣啦！！無乜變喎。。」
我最唔鐘意呢句呀！！咩無乜變姐？？
有d超耐無見果d，都話我無乜變。。拜託。。
你自己唔識形容就話唔識形容啦！！><

今次打日記最想分享既係同Miss Wong既一段對話。。
最近真係好多人走黎同我講，我應該做老師，我適合做老師。。
我好驚，因為我一d都唔想做老師。。我好驚神會安排呢條路俾我。。
但係我最近越諗就越覺得詭異......

果日，同楊家韋傾完偈，先知道原來佢對我CE數學好大期望。。
我呢份人走過既路就算，好少會再回頭望番。。
(可能都因為咁，所以我無乜記性。。)
但係同楊sir傾完，我回頭一望，我發現左神一路既帶領。。
我CE既成績真係有少少出奇。。
我唔係話我一定會好高分，但係我確實令唔少老師跌晒眼鏡。。
（佢地講架！！）
就係因為CE，有三間大學既門就係我面前明明咁關上喇！！
到左AL，就算我考得唔錯，我都只係得四間大學選擇。。
我既成績，係我第一志願既果科，明明已經高過個mid好多。。
我諗住穩入架！！我第二志願（即係我讀緊果科）明明in得好差。。
但係偏偏我入左宜家呢個學系，令我有教書既機會。。

我有同Miss Wong講呢件事，都有講出我唔想做老師。。
但係佢同我地分享，神會安排唔同既人係唔同既崗位上做侍奉。。
就算係老師都可以係侍奉。。就算一個老師唔係帶一班學生番教會。。
佢只係好盡心咁教好一個學生，咁都可以係侍奉。。
因為老師面對既係一「群」年青，等待人塑造既...「生命」。。

但係就算我認同Miss Wong，我可以嗎？？
我自問，我應該沒有資格做一個老師吧！！
但係當我有咁既諗法果一刻，腦海中突然閃過：「神可以」

好奇怪呢？？我突然好似同神好親近咁。。之前都唔係咁。。
係因為我之前睇左《卡斯柏王子》喇！！
唔知點解就咁喇！！連好耐好耐無翻開過既聖經，都再次番黎我既手入面喇！！
嘻嘻！！！

睇完上面果篇咁......唔識點講......之後。。
等我交待下近況啦！！

之前番聖道監考，宜家教緊保底班。。
唉。。唔好提。。俾學生激到噴血。。

同我比較熟既人都應該知我好鐘意買野。。
我咩都鐘意睇、鐘意買，當然衫褲鞋襪袋就佔戰利品中既最大部分。。
其次Hello Kitty呀！！得意架！！果d都買唔少。。
但係......我前日決定左，我唔會再亂買野喇！！
起碼呢一季入面，我應該唔會再買野喇！！
因為我發現最近買野，我唔係咁開心。。
以前鐘意買野，係因為我覺得shopping令我壓力盡消。。
同埋又唔影響人，又推動經濟，幾好？？
起碼，我買完我鐘意既野，見到佢地我都會好開心。。
尤其有人送俾我，我仲開心。。
但係近買完野，我見到佢地，我好唔開心。。
我覺得買一樣野都好有壓力，一d都唔輕鬆。。
算啦！！我將我呢個最大既興趣放棄啦！！反正，我根本唔開心。。

登登登凳..........潮啤出場。。
呢隻就係時下最潮既啤啤。。

佢戴住果頂係我下定決心，呢季最後買既一樣野。。
靚唔靚呢？？我想買好耐架喇！！鐘意買到。。
小麥，你係咪想買CHOICE既帽？？
果個人話仲有。。我指其他款。。

好榮幸呀！！可以同潮啤合照。。

至於呢隻係代替之前走失左既多多架！！
所以佢既名都叫多多。。
有一晚我仲為左佢喊，因為我諗起多多。。><

上面既係我買既衣物既其中一樣。。
呢張就見證住我Hello Kitty既戰利品。。

至於呢張係我同細妹係「激氣島」日本食品節買既野食。。

呢位就係上一篇日記提到既楊sir。。

今日出左GPA喇！！今個sem成績算係咁啦！！
真係多謝神「再次」響學業上祝福我。。
雖然拉勻兩個sem，我都係唔過3。。
雖然我見到stat個成績真係好想喊。。
但係整體黎講，已經好唔錯喇！！

我宜家最希望係神祝福我既屋企人。。
因為我真係好想好想佢地信主。。好想好想。。
我尋晚發左個望，見到媽咪主動話跟我番教會。。
雖然佢響兩間教會之間走黎走去，但係始終佢都肯番。。
但係之後唔知點解我跟左一班壞人去玩，原來佢地仲偷運毒品。。
我都俾人拉埋，仲要警司警誡添。。
之後唔知點解我發緊夢，但係我知自己喊緊。。

神既祝福真係好重要，你又得到左未？？
你有無接受呢份祝福？？

p.s.
1. 細佬今日考常識，有條時事題問之前邊間航空公司倒閉。。
我細佬答：國泰
笑左我地幾耐呀！！

2. 你叫我小心既時候，我覺得唔好feel。。
係因為我一直都唔願意接受呢個世界既黑暗面。。
所以我既文先作得咁開心，我個人先可以唔駛咁悲觀，願意相信人。。
我寧願你暗中保護我，好過你響我面前揭開晒生活中黑暗既事實。。

今日同小麥出左銅鑼灣行街。。
嘻嘻！！好開心呀！！我都係第一次單獨同小麥去咁遠行街咋！！
我地今日都有好多奇遇，同發生左好多野。。

一、底底
我同小麥去一間鋪頭，入面有好多靚底底。。
我同小麥一人買左一條，好靚架！！
我番日文果陣仲係咁俾其他人睇。。
哈哈。。

二、影相
我地小麥響銅鑼灣地帶行行下，有兩個人無啦啦搵我地影相。。
話佢地係一本網上雜誌既，俾人知道香港既人點樣著衫之類啦！！
嘩！！真係發夢都無諗過呀！！可能遲d有星探睇到，睇中我地呀！！
哈哈！！！！（雖然我到宜家都係覺得佢地一心搵小麥既）

三、義順牛奶公司
小麥帶左我去呢間野度食通粉，人地話好出名架！！
我就唔知喇！！我淨係知我分左小麥一隻蛋。。
好好味。。因為我好鐘意食蛋。。

四、羅志祥鋪頭
我同小麥步過我最害怕的馬路，想去搵小豬間野。。
點知搵唔到。。算啦！！下次再去囉！！

五、蘇玉華
我地之後見到蔡瀾、蘇玉華同Amanda S。。
蘇玉華好靚呀！！咁既年紀黎講，佢個樣都算後生喇！！

六、民族裙
我同小麥話一齊四民族裙。。
最後雖然後我一個買，但係我都好開心。。
小麥遲下再買啦！！

之後我遲到，要小BUT響無冷氣既KFC等我，唔好意思呀！！><