朋友　我當你一秒朋友
朋友　我當你一世朋友
奇怪　過去再不堪回首
懷緬　時時其實還有

朋友　你試過將我營救
朋友　你試過把我批鬥
無法　再與你交心聯手
畢竟　難得有過最佳損友

從前共你　促膝把酒　傾通宵都不夠
我有痛快過　你有沒有
很多東西　今生只可給你
保守至到永久　別人如何明白透
實實在在　踏入過我宇宙
即使相處到　有個裂口
命運決定了　以後再沒法聚頭
但說過去　卻那樣厚

問我有沒有　確實也沒有
一直躲避的藉口　非什麼大仇
為何舊知己　在最後變不到老友
不知你是我敵友　已沒法望透
被推著走跟著生活流
來年陌生的　是昨日最親的某某

生死之交　當天不知罕有
到你變節了　至覺未夠
多想一天　彼此都不追究
相邀再次喝酒　待葡萄成熟透
但是命運入面每個邂逅
一起走到了某個路口
是敵與是友各自也沒有自由
位置變了各有隊友

問我有沒有　確實也沒有
一直躲避的藉口　非什麼大仇
為何舊知己　在最後變不到老友
不知你是我敵友　已沒法望透
被推著走跟著生活流
來年陌生的　是昨日最親的某某

早知解散後　各自有際遇作導遊
奇就奇在　接受了各自有路走
卻沒人像你　讓我眼淚背著流
嚴重似情侶　講分手

有沒有　確實也沒有
一直躲避的藉口　非什麼大仇
為何舊知己　在最後變不到老友
不知你又有沒有　掛念這舊友
或者自己　早就想通透
來年陌生的　是昨日最親的某某
總好於那日我 沒有沒有遇過某某

今日行沙田, o係間cd 鋪, 發現英皇再版d 舊碟
終於都俾我搵到隻趙學而啦
好開心...

朋友 或許我只是你們眾多朋友之中的其中一位
但是... 你們郤是我的全部 我的唯一...
我不開心的時候 你知嗎? 你會懂我的不開心嗎?
會抽一點點時間去嘗試了解我嗎?

我承認 我是一個貪心的人...
我貪圖你們 給我更多更多的友情感情...
好讓我感受到 你們也同樣地愛我...

對 我永遠都不知足..
所以再一次承認
我不配擁有朋友!

唔再寫hompy 喇~ 
唔駛擔心, 咩事都無發生~ 只係想有自己o既秘密花園~
新日記網址: http://xxxxxxxxxxxxxxxxxxxxxxxxxx
haha~ 唔好掛住我~ 忘記我吧~ 再會了~ 多謝大家~ 

上個禮拜o係yahoo bid o左餅傅珮嘉, 今晚終於寄o左來喇~
第一次bid o野, 居然俾我搵倒呢餅碟, 雖然係二手, 不過包埋郵費$32咋~
乜都無諗危唔危險就bid o左, 俾地址佢寄來...
不過個盒中間個圈爛o左, 套唔住餅碟... 但係$32 咋喎, 算係咁啦
但係依然搵唔倒趙學而o固餅
依家聽緊傅珮嘉o固餅, d 歌都幾特別呀, 好有個人獨特o既唱腔~

病o左幾日, 喉嚨痛足幾日, 返工一有空檔就訓訓訓...
乜我唔似病咩? 我覺得自己好病喎.. 成身都無力咁
病起來就咩都唔想做, 開電腦都係開來聽歌
唔知點解覺得d 新歌無咩邊首入耳, 越來越鍾意聽返d 舊歌
近排好想買返兩餅舊碟, 一餅係
趙學而2000年最後出o既"最好慢慢來新曲+精選"
入面有首國語歌叫"難懂", 我好鍾意o架, 想當年不停咁repeat聽..
不過三年前部舊電腦壞o左之後就無哂d 舊歌了..

另一餅係傅珮嘉03年出o既"maggie fu"

好鍾意佢首"一支煙的時間" (即係林一峰唱o固首)
呢兩餅碟真係好難搵, moov 又無, soundbuzz 同eol 都無得dl
我真係好想買返呀
如果有人見倒邊度有得賣, 話聲俾我知呀, thank you!
(剛剛發現原來“難懂”係傅珮嘉填詞o架喎,haha)

琴晚訓覺發o左兩個傷心夢
第一個係夢見我老豆今年又賭波, 借埋好多錢, 我同阿媽都好傷心
其實今年世界盃一開始, 我就已經不停咁擔心佢會唔會又賭波
四年前佢所做o既事, 所發生o既事, 到依家我都仲好傷心, 耿耿於懷
係佢攪到屋企家不成家, 六十幾歲人, 仲要我地出錢幫佢攪破產
o固陣日日都好唔開心, o係度喊..
我成日都諗四年後會唔會歷史重演...
可能真係日有所思, 夜有所夢
我發夢傷心到真係喊o左出來, 張開眼, 發覺hei 訓o左o係我隔離, 一切都無事發生
第二個夢係夢見hei 鍾意o左第二個女仔, 夢見佢點樣對個女仔好
我好傷心好傷心.. 又係傷心到喊o左出來
張開眼, 依然係見到hei 成隻豬咁訓o係我隔離
一切都無事發生... 但係兩次張開眼o固刻, 都有d 分唔清現實同夢境o既感覺..
不過我發d 夢, 夢見o既o野次次都係同現實相反o既...
但係真係唔想成日都發埋d 傷心到喊o既夢... 無覺好訓...

無論出面幾多風風雨雨, 生活幾咁唔如意幾咁唔開心都好
返到屋企, 見到某某惡貓同某某男人, 見到佢地個可愛樣
摸一摸佢地個頭, 搓一搓佢地個肚腩
乜o野唔開心都會掃清, 心情又回復平靜了.

今晚放工去o左彩虹, 同daisy 食飯, 但係d 鋪頭都關哂, 唯有食m記
daisy琴晚12點幾先o係台灣返來香港, 我地本來係約聽晚食飯o架,
但係因為佢唔想丟低佢老公o係屋企太耐o既關係, 唔想出來官塘食.
咁我就決定走去彩虹搵佢, 我都算唔話得喇o卦~
又因為佢後日就要飛返去台灣, 所以臨時臨急今朝先msn 改今晚食.
我lunch o固陣去o左行apm 諗住買禮物
去到trendyland 一眼望到個mickey & minnie o既結婚音樂水晶球好靚, 就買了!
佢拆開唻睇o固陣, 個樣好開心呢, 我諗佢都好鍾意份禮物呢
佢好衰女包呀, 原來佢五月o固陣已經o係台灣註o左冊結婚喇
又唔話我知喎! 早知佢結o左婚就唔送禮物俾佢呀~ 哼~
不過佢話佢都係今日先同佢屋企人講佢結o左婚, 我係第二個人知, 算你啦~ 原諒你~
其實都係講笑o者, 禮物係我o既一份心意, 代表住我對你o既祝福呀...
無論你結o左婚未, 我都會送俾你o架... 希望你明白我o既心意啦..
佢後日就要飛返去台灣喇...
我其實真係好唔捨得你呢... 唔知大家幾時先會再見喇...
但係睇住你個幸福笑容, 時刻都為你老公著想o既心情
我知道你o既決定並唔係一時衝動的... 望住你個幸福樣, 我都好開心..
祝福你地永遠幸福快樂啊! 一定要永遠幸福快樂, 白頭到老啊!! 好好保重!