起身都12點半HAHA食完早餐坐左陣就同小琳去左市中心行, 之後佢就走囉, 因為佢要返屋企食飯~

而我...... 更係返屋企做呀四清潔啦~~~~~~

今朝起身唔係去返工, 而係入左沙田搵CONNIE...... 因為有D文件急住要攪, 平時我又唔得閒, 所以襯星期六入去搵左佢先~

估唔到星期六的一早新城市廣場已經好多人, 就連間大快活都一樣

食完早餐就落去搵佢, 之後重傾左成個鐘先走...... 哈哈, 又蛇左一個鐘先返工~

下午同小琳去左尖咀的CITYSUPER, 我地買左刺身, 重有貴妃蚌... 個師傅話要連埋D海水飲.......... 得唔得架?

話咁快就FRI... 好彩經過尋日的努力清左好多野~

唔知係咪呢牌多野攪, 成日都好累咁, 所以今晚準時收工......哈哈

唔係OFFICE一日, 真係好難想像果到就係我個位, 唔好話枱面, 連地下都有幾包野係到

今朝一早起身, 因為要返大陸開會~

約好左CA姐一齊食早餐, 之後就一齊上去... 忙左成朝話咁快就食飯, 今日因為有客0黎左, 所以要同客食 想休息下都唔得!!!

下午攪埋D野就走囉, 之後返屯門同埋CA姐食飯, 睇0黎今次佢真係好有決心要走~

真係難得今晚6:45收工啊HAHA, 收左工去左荃灣行街, 順便買左D野食比我上面廠個同事... 因為聽日要返東莞開會

收到消息, 6月將會有兩個新同事返工, 但我亦收到個消息, 就係CA姐會係8月走... 雖然某D野我唔係咁認同呀姐的做法, 不過整體上我都好鍾意同佢合作......

過左8月係點? 唉, 到時先算囉~

今日無出街, 下午同呀爸呀媽去左屋企對面間酒樓飲茶... 其實都好耐無同佢地一齊去飲茶囉...

飲完茶返屋企執屋... 以前的我逢星期日幫架車沖涼, 依家的我就每星期係屋企執屋HAHA