今日外出購物,見還掂都係去mk,順手去新世紀睇睇個奧運lego城

非常之多人,好難影,有個位可以比你企上去睇個LEGO城,但好多人搶要排隊先企到上去

排隊入LEGO城途中,我同個FD好似得罪個小妹妹,事源係我地排左係個小妹妹後面,冇啦啦個小妹妹係甘眼望望我地,原來佢想叫佢媽咪企上黎,但我地一直唔知佢媽咪企係我地後面,之後我讓左個位比佢地,個妹妹就係甘扯佢媽咪上前,但佢媽咪叫佢唔好失禮人,又話佢點解唔過黎一齊排...之後個妹妹一直係到扭計

之後因為趕著去買野,係入面求其怒影數十張就走人

影完相就去左買燈,去左百記問,但百老匯明搶錢既~咩都賣得貴過人

再之後走左去星仔睇燈,支燈真係好鬼大支呀...完全唔襯部e510比人的的骰骰既感覺

今次真係大出血,支燈個價加多幾百夠買一套kit set,勁貴...好彩有小肥係到炸

開箱去相~

又一個同上次一樣樣既大紙袋

內裡有一盒野係到,支燈已經夠大

初頭個店員拎盒燈出黎時我都嚇左嚇~心諗個盒甘鬼大既...

睇一下下圖,用一支長鏡黎對比下個盒就明白到有幾大盒...

olympus E-系統中最頂級的一支閃光燈"fl-50r"

本來想買平平地買支36r算,但比d網上既師兄放毒,閃燈下出黎既相已經夠毒,估唔到佢地d說話仲毒,佢地問我想唔想因為回電個6~7秒失去一個捕捉畫面既機會,仲有佢地講到個14GN差距好大...

就係甘比佢地挑起左我個癮去買...毒海無崖呀...

開盒先~

除左支燈,有柔光罩~有反光板~又有說明書

對比起36r又冇柔光罩又冇反光板,仲要自己慢慢出去配,柔光罩+反光板都用左一舊左右

感覺上50r好似著數d,但睇返個價錢就...

另外我覺得支燈好似隻雞仔甘~好得意呀

又黎睇睇支燈背面~好似幾正甘

總結:

相機係一種用黎捕捉光既工具,影一張好相主要有2個因素,一係除左有好既構圖,另一樣就係有適合既光源,所以你地話支燈重唔重要? (不過我都唔知支燈日後個使用量,其實支燈係米真係對重要呢...)不過最難學既亦都係構圖同光源既控制同使用...

所以我呢加用極都唔係好掂,仲睇緊說明書...但大致上都算係支好燈,色溫都好準

是日奧運LEGO城照片...

今日是某某club的成立日(詳情可看回前幾篇),我被抽中出席下午的人像攝影講座

事前我在網上約了數位有邀請信的師兄11:30到大聯邦飲茶,點了很多東西...吃了540多元...

然後便過對面的酒店集中一起活動,先到微距區拍一拍香港的特式,交流一下攝影心得(我非常喜歡那些細細件,的的骰骰的物件)

之後就各自搶位拍女模特兒了,不要忘記今天下午場的主題是人像,當然我都要"落場"試一試影一影

然後2:30左右便開始聽講座

一開始有一位外籍人士介紹一下4/3系統,然後就邀請了一位職業攝影師主持人像攝影講座

我只覺得他教的東西完全沒用而且太基本,全是介紹一些基本知識和一些攝影上邏輯性的東西,和看看他的作品...何來介紹人像攝影技巧,而且很多時候都趕時間powerpoint不停飛...(事後在網上查問其他有出席人士都覺得這不是一個攝影講座,而是一個搞笑show....)

是日講座金句:

1.呢張相表面睇起黎平平無奇, 其實裡面暗藏殺機 !

2.依d野好重要架,不過冇時間我就唔講啦

3.喂!講起呢個芝士火鍋好好食喎

4.兜頭兜面打落去(閃燈打光)

5.photoshop 拉 curve 攪掂

6.你拎支tele,又冇大光圈1.4~1.2,我都唔知你點影,影到d咩出黎,你不如返屋企訓啦

7.成日冇腳架,"埃"埋牆深呼吸,數1,2,3 就黎喇

8.我份人就好貪玩,SET好個位,一見到有人一閃甘就影左...我好多相都係甘偷拍返黎

9.呢張相,行家一睇就知勁,你唔識睇都冇辦法(全場大笑...)

完場後,拿過入場禮物便順手一起到mk和ssp看攝影裝備,有人看攝影包,我看我的單腳

聽說單腳架不需買太"靚",最主要單腳用途不同三腳,要買"靚腳"不如留錢買"靚三腳"

買完東西便趕回教會,本來今天想不回去的,最主要是團契和上堂時間都過了,但kaman叫我回去有東西做...

誰知...上到去跟他們一大班人玩"大話啤"

看看今日的戰利品

一個大紙袋

內裡是...

一堆小冊子(e520,e3,dc資料,介紹4/3,數本4/3鏡頭資料)

入場禮物~日本限量版相機帶(應該不算是限量版啦,我很喜歡這條皮質的相機帶,很有味道,mk星仔賣280至300多元呢...)

一支單腳

還有是日所拍的照片喔~(相片數量太多不能盡錄)

香港微距篇

人像篇

今天又有人要慶祝生日了

例牌臨出發前,先去看一看東西,去找單腳架以用作旅行之用,好可惜不合心水,原因是花多眼亂...都是在網上找找資料看

平時的我都可以準確預計自己額外"行街"的時間,再剛剛好在預定時間到達目的地

今次竟然遲到了很多,是買單腳累事呀...

現今工作的人真努力去sell人客,開了5~6支腳架給我看....我不好意思走

好在kaman因為弄蛋糕也遲了,我們一起遲了一小時到達...

今次的主人翁是榮,原班人馬再次來到上次的cafe同一個座位,事前杰精心安排了許多"好"東西

再一次欣賞這間cafe的特色

這是一塊類似民主牆的東西,現今的年輕人,未來的棟樑...現今的年輕人開口埋口都是粗口

左手面那杯的是赤根(邪留丸的角色),右手面的是跳跳虎(小熊維尼的角色),多麼有趣的名子

整杯紅紅的赤根(玫瑰+士多啤梨)色水滿漂亮~

開左出來又沒玩的妙探尋兇...

因為杰途中說玩什麼黑魔術玩了很久...感覺很無厘頭

晚餐點了咖哩帶子意粉

即食的日式甜咖哩...兩粒雪藏帶子...無言...

又是猜猜畫畫的時間~看看今次印像派的名畫

似貓還是似老鼠?

其實是狗來的

這又是什麼來?

臨完場時大家開始分蛋糕吃(紐約藍莓芝士餅)

分蛋糕時同一時間進行杰精心計劃的活動"死亡之吻",榮真是幸福

由於事後連主人翁都不知道給誰kiss,那我就不方便公開了A_A

各位團友,今星期我又返唔到去團契啦~所以或者要下星期先見到大家,最緊要kaman好似話會整餅帶返黎 !

身邊有好多人投訴,我唔影人...就好次上次旅行,連自己同埋一位同行既都冇入過鏡

唔怕講多次,最主要原因係因為我唔喜歡被攝,亦唔喜歡主動去影人,另外我覺得影人係難過影風景,一唔自然張相就大打折扣

甘樣我下次去旅行唔通一張人相都唔影?

所以我最近有機會都嘗試下影人,不過都係抄哂...

不過自己主力影景都未掂,何來談影其他野呢...

但為旅行而準備,點都要對人像攝影有一點認識

正好最近有一個活動,非常好彩抽中我有份出席,又多一個練功既機會

我出席的是第二場既人像攝影講座(另外的一個目的係為左一條靚靚相機帶,出面買都要$280~$320)

活動時間表....有一個富有香港特色既微距區,正呀!(我對微距攝影比人像攝影更大...)

另外今日買左本新既閃卡旅行書,話說我想買正文社藍色個本,不過被閃令令既書身吸引,同一早慣左長空所出既旅遊書既格式,所以就買返呢本既UPDATE版

是最新版08~09,不是舊那本07~08

成本書就是那樣子

開始要PLAN定D野,唔知幾時先可以好似舊個本整成甘呢...

總結:

買旅行書都係買閃卡書好,不過本書真係太搶眼,一睇就知你係遊客

新舊兩本頁數差唔多,不過新版的確更新左好多資料

之前(唔知最近仲有冇播)電視廣告上經出現呢句說話,講呢番說話正正是蔡瀾

未講今日我想講既野之前,先係到恭喜我花打又上電視(連自己老豆都打格好似怪怪地...有朋友都問過我... 我只可以講慣左,你係呢個hompy係唔會搵到任何我所識既人,而又冇加工過野既相-.-...)

講起蔡瀾先生

其實蔡瀾先生曾經係我年青時既偶像

最大原因應該係因為自細都比老豆薰陶...

好似我現在既興趣,小時候既目標...

以前既我如果可以真係好想做到老豆一小部份既成就...

因為小時候既目標,間接上對於蔡瀾先生既飲食心得都有幾分認同

由其是係香港人既生活節奏,搞亂左好多野,同埋唔會留意身邊一些細小既事

蔡瀾先生有幾句說話我特別認同

一就是"煮同食既人都要有心"

好多事你唔用心去做好難會做得好,煮食都唔例外

但無論煮出黎既野有幾好,食既人都要用心去食,用心去感受一下味道同煮食物既人既一番心機,不過香港人生活節奏快,只為填飽個肚,就連簡單易來的滿足同享受既機會都放棄,只知道岩唔岩胃口,連味道都不知就吞落肚

另一句就是"保留傳統,有d野冇左就係冇左"

呢句野係最近蔡瀾先生既新節目經常出現

但以我記憶,呢句說話其實唔算係近期,我係好耐之前都聽過差唔多既說話

的確我地係唔可以睇少舊時既人所創造出黎既野

有時新野唔一定好過舊,話明新既就一定有D唔同,舊既野冇左就搵唔返個種味道

但正正好多野又係因為人們既生活節奏同生活上既追求而改變

就用食野黎講呀,現代人追求健康,當然身體健康長命D係一件好事

但呢加食咩都話唔健康咩都唔食得,香港人一定唔少得飲咖啡奶茶,連飲奶茶都話會生結石

甘我健康D飲多D牛奶,但之前又有份報告話飲牛奶反而會引發一D問題

甘我真係諗唔到飲咩食咩好,其實最好會唔會咩都唔好去食呢?甘樣人生真係會冇左好多樂趣,其實最緊要都係食得適量姐,就算係薯片杯面呢類極之唔健康既,偶爾想食食下都冇所謂姐

最近甘多人去台灣既...

不過... 唔... 我諗應該... 就快... 又或者可能... 好難講...

唔... 但係... 呢d手信... 叫做...

引我嗎?...

今日有人拎左幾包黎...

唔會好油,食落口唔會乾憎憎, juice呢....幾好食

今日一起身冇耐,kaman就打黎叫我快d返去幫佢地影相,點知返到去個場比人霸左

又冇場地比我地影相,加上琴日玩到好夜,佢地又一大朝早去睇戲,kit同kaman佢地就去左梳化訓~訓足2個鐘,我冇野做只好睇佢地訓吧..

今日教會個主題.我都忘記了係咩...只知今日有我最不喜歡玩的集體遊戲,仲要係榮提議的,今日真係大整古囉...好暴力呀d遊戲

今日玩左2個games,第一個係類似獎門人猜拳,猜輸就要彈開,佢地係路途上加插左好多指定既野要做,中間要趨地捐櫈底喎,杰就"精"啦...推我代佢玩,我寧願玩慢d都唔捐櫈底

另外一個game係玩起塔攻城,分2 team人,一team人攻,一team人防+起塔

防禦那方搵2個人用報紙起塔鬥起得高,其餘既人手拖手圍圈唔好比攻擊方搞事

而攻擊方只可以由上面攻擊(防禦那方的手以上的高度),掂到起塔既人有得分

嘩...到我地防個時就慘囉,史提夫同kaman攻擊力極高又狼死,kaman仲玩到變左另外一個(好多人都指出kaman個樣玩到變哂),甘強烈既攻勢跟本就防唔到,好彩我冇認真好頂著佢地炸,個d認真去防既人手手腳腳都紅哂...

我地個隊最慘就一定係杰囉...杰同麗珠姐慢慢坐係到起塔,正常人都唔會打女仔先既啦,杰就不等係甘比人拍佢個頭,好似仲有報告話杰比人扯衫,杰真係唔好彩...

最後我地座塔高d,但對面team又得分多d,但佢地又玩得好狼,最後好似冇決定到邊個贏

我地座塔

kaman個team座塔

個塔底幾設計得幾得意-.-

之後又陪kaman佢地上什麼新生命與新生活堂,今堂由朱生代課

做客席上堂是非常自由的,唔知上得多呢堂會唔會由客席變正式組員呢...

之後例牌上完堂走去食糖水,途中發生一件有趣既事

其實每次我地食糖水,都會一齊行一大段路返屋企

但我地今日幾乎返唔到屋企呀,我地有人驚狗驚到傻左,明明隻狗係好遠,佢驚到唔敢行,jack飛又昆佢後面有狗,又嚇到佢,搞到好耐先繼續行...

我自己都驚狗,但邊有人驚狗驚成甘,而且呢種狗又甘細隻邊會咬人架...

今日嚇親人的品種

件事要由前幾日講起,杰佢地有一位我唔識的朋友生日,杰佢地想今個星期六教會完左之後直接去慶祝,但突然榮星期六要返大陸幫他祖母慶祝生日,星期三那天就臨時決定改星期五晚,但星期四去睇完fashion show後經過一番談論,想改做下星期六,但點知通知kaman時先知道他一早準備好整蛋糕的東西,那就唔好煩了,就決定星期五慶祝

睇完以上一段字,好像不關我的事,本來我都不太想去(我又不認識主人翁,去黎是在自己make fun for me嗎?)

但是kaman同杰都搵東西威脅我只好去吧

既然答應了他們,好歹自己都準備一些東西

還記得我自己有一部photo printer,除了本來是買來有時得閒印一兩張,另一用途就是用在一些party,時機正好適合了

好在自己的相機背包夠大,下層放相機,上層放printer,岩岩好~

見杰在他的blog中有一段提到"我為他們影相及印相作紀念.我帶了滿多工具,好像滿重的,第一次跟他們到這類型活動就要麻煩我這麼多""

在這裡有些話想說,其實那部printer算很輕了,而且就算還有其他重物我都可以很輕鬆,我那個背包卸力很好所以是很舒適的,所以請放心

而且我有一個想法,現今一些party人們總喜歡即影即有的,而且是慶祝生日呀,最緊要大家開心麻~加上可以即場大家在照片上簽名,拿到照片的人滿喜歡的,自己也有一點成功感

本來約了8點在信和等,但又突然又提早半小時

見杰通知我的時候時間都差不多,便早一些出門,先到油麻地整一些東西,然後到mk看一看單腳架,時間岩岩好

約埋kaman一起去搵杰吃點東西打底(去了好耐冇去的雲吞城)

之後就出發去唔知咩丁咩堡大廈既11樓既cafe

估唔到搭升降機都會排長龍...中途d 樓上cafe既人不停sell自己間cafe,其中有一個傳單男知我地幫人慶祝生日用一些"有甘好既服務,你一定要黎"既語氣同我地講野,佢地有生日蛋糕,又有專業攝影師幫你影相...

kaman立即同我講呢到有一個蛋糕師傅(佢自己),甘我又答佢我雖然唔稱得上專業,但我假假地平時玩開攝影,今日又帶哂工具,仲可以流動印相,唔知佢地有冇呢...而且我地book左第2間cafe,我地咩都齊係差一個場地姐...

之後搭升降機又有一些趣事,我們終於明白為什麼要排長龍,有一些波樓跟cafe都按停了我們拉客,層層停不慢才怪

先看一下今日的cafe"皆屋"的格調,去相!

格調比較日式,可能因此杰特登不簡卡位坐,要我們跪地下

知道要跪地下後,我立即跟杰說"我是有一點祟日,但我不慣日本人的坐法"...

由於主角要10點半才到,我們先來一點遊戲

玩"7級豬"時,因為一些特別規則,杰不可以跟別人說話

這隻在cafe的爛公仔陪了杰聊天聊足整場遊戲

主角到了便開始點東西吃

咖哩鴨胸一點都不咖哩,全是白汁

海鮮鏍絲粉

飯後還點了一杯拖肥朱古力(因掛念拖肥糖的味道才點),點知杯野甜到流

之後大家一起玩猜猜畫畫(好耐未玩過)

抽象派名畫

呀榮嫂,麗珠姐的作品"接待員"

講真邊忽似接待員呀?

之後仲有更多名作比我地無情地恥笑,仲比佢話我地串佢...

玩到甘上下係時候切蛋糕啦~

裡面個層朱古力好足料,出面買個d蛋糕邊有得比

之後吹完蠟燭,就梗係開始影相啦,係人都知我唔喜歡入鏡...我幫手影相算,點知比又杰迫/_\不過算啦,今日大家玩得甘開心

之後搵左一個服務生幫手影,要慢慢教佢...之後睇番d相郁左

再搵另一個服務生幫手影,又要慢慢教佢,點知又郁左...只好算數

衰冇腳呀,如果今日睇單腳時有收穫既話,今日幅相應該可以影得幾好,起碼唔會郁先~

帶左甘多工具黎只為一刻大家開心,梗係即場印相啦,一人一張人人有份(好彩岩岩好夠相紙,我之前用完冇補相紙)

其實諗返轉頭之前既想法有點無謂,問心個句自己又玩得好開心呀,總知比預期中好玩好多啦~

wow～！一寫就寫到5:14am,個天開始光,要快d訓聽日返去幫人影証件相,good night~