最近甘多人去台灣既...

不過... 唔... 我諗應該... 就快... 又或者可能... 好難講...

唔... 但係... 呢d手信... 叫做...

引我嗎?...

今日有人拎左幾包黎...

唔會好油,食落口唔會乾憎憎, juice呢....幾好食

今日一起身冇耐,kaman就打黎叫我快d返去幫佢地影相,點知返到去個場比人霸左

又冇場地比我地影相,加上琴日玩到好夜,佢地又一大朝早去睇戲,kit同kaman佢地就去左梳化訓~訓足2個鐘,我冇野做只好睇佢地訓吧..

今日教會個主題.我都忘記了係咩...只知今日有我最不喜歡玩的集體遊戲,仲要係榮提議的,今日真係大整古囉...好暴力呀d遊戲

今日玩左2個games,第一個係類似獎門人猜拳,猜輸就要彈開,佢地係路途上加插左好多指定既野要做,中間要趨地捐櫈底喎,杰就"精"啦...推我代佢玩,我寧願玩慢d都唔捐櫈底

另外一個game係玩起塔攻城,分2 team人,一team人攻,一team人防+起塔

防禦那方搵2個人用報紙起塔鬥起得高,其餘既人手拖手圍圈唔好比攻擊方搞事

而攻擊方只可以由上面攻擊(防禦那方的手以上的高度),掂到起塔既人有得分

嘩...到我地防個時就慘囉,史提夫同kaman攻擊力極高又狼死,kaman仲玩到變左另外一個(好多人都指出kaman個樣玩到變哂),甘強烈既攻勢跟本就防唔到,好彩我冇認真好頂著佢地炸,個d認真去防既人手手腳腳都紅哂...

我地個隊最慘就一定係杰囉...杰同麗珠姐慢慢坐係到起塔,正常人都唔會打女仔先既啦,杰就不等係甘比人拍佢個頭,好似仲有報告話杰比人扯衫,杰真係唔好彩...

最後我地座塔高d,但對面team又得分多d,但佢地又玩得好狼,最後好似冇決定到邊個贏

我地座塔

kaman個team座塔

個塔底幾設計得幾得意-.-

之後又陪kaman佢地上什麼新生命與新生活堂,今堂由朱生代課

做客席上堂是非常自由的,唔知上得多呢堂會唔會由客席變正式組員呢...

之後例牌上完堂走去食糖水,途中發生一件有趣既事

其實每次我地食糖水,都會一齊行一大段路返屋企

但我地今日幾乎返唔到屋企呀,我地有人驚狗驚到傻左,明明隻狗係好遠,佢驚到唔敢行,jack飛又昆佢後面有狗,又嚇到佢,搞到好耐先繼續行...

我自己都驚狗,但邊有人驚狗驚成甘,而且呢種狗又甘細隻邊會咬人架...

今日嚇親人的品種

件事要由前幾日講起,杰佢地有一位我唔識的朋友生日,杰佢地想今個星期六教會完左之後直接去慶祝,但突然榮星期六要返大陸幫他祖母慶祝生日,星期三那天就臨時決定改星期五晚,但星期四去睇完fashion show後經過一番談論,想改做下星期六,但點知通知kaman時先知道他一早準備好整蛋糕的東西,那就唔好煩了,就決定星期五慶祝

睇完以上一段字,好像不關我的事,本來我都不太想去(我又不認識主人翁,去黎是在自己make fun for me嗎?)

但是kaman同杰都搵東西威脅我只好去吧

既然答應了他們,好歹自己都準備一些東西

還記得我自己有一部photo printer,除了本來是買來有時得閒印一兩張,另一用途就是用在一些party,時機正好適合了

好在自己的相機背包夠大,下層放相機,上層放printer,岩岩好~

見杰在他的blog中有一段提到"我為他們影相及印相作紀念.我帶了滿多工具,好像滿重的,第一次跟他們到這類型活動就要麻煩我這麼多""

在這裡有些話想說,其實那部printer算很輕了,而且就算還有其他重物我都可以很輕鬆,我那個背包卸力很好所以是很舒適的,所以請放心

而且我有一個想法,現今一些party人們總喜歡即影即有的,而且是慶祝生日呀,最緊要大家開心麻~加上可以即場大家在照片上簽名,拿到照片的人滿喜歡的,自己也有一點成功感

本來約了8點在信和等,但又突然又提早半小時

見杰通知我的時候時間都差不多,便早一些出門,先到油麻地整一些東西,然後到mk看一看單腳架,時間岩岩好

約埋kaman一起去搵杰吃點東西打底(去了好耐冇去的雲吞城)

之後就出發去唔知咩丁咩堡大廈既11樓既cafe

估唔到搭升降機都會排長龍...中途d 樓上cafe既人不停sell自己間cafe,其中有一個傳單男知我地幫人慶祝生日用一些"有甘好既服務,你一定要黎"既語氣同我地講野,佢地有生日蛋糕,又有專業攝影師幫你影相...

kaman立即同我講呢到有一個蛋糕師傅(佢自己),甘我又答佢我雖然唔稱得上專業,但我假假地平時玩開攝影,今日又帶哂工具,仲可以流動印相,唔知佢地有冇呢...而且我地book左第2間cafe,我地咩都齊係差一個場地姐...

之後搭升降機又有一些趣事,我們終於明白為什麼要排長龍,有一些波樓跟cafe都按停了我們拉客,層層停不慢才怪

先看一下今日的cafe"皆屋"的格調,去相!

格調比較日式,可能因此杰特登不簡卡位坐,要我們跪地下

知道要跪地下後,我立即跟杰說"我是有一點祟日,但我不慣日本人的坐法"...

由於主角要10點半才到,我們先來一點遊戲

玩"7級豬"時,因為一些特別規則,杰不可以跟別人說話

這隻在cafe的爛公仔陪了杰聊天聊足整場遊戲

主角到了便開始點東西吃

咖哩鴨胸一點都不咖哩,全是白汁

海鮮鏍絲粉

飯後還點了一杯拖肥朱古力(因掛念拖肥糖的味道才點),點知杯野甜到流

之後大家一起玩猜猜畫畫(好耐未玩過)

抽象派名畫

呀榮嫂,麗珠姐的作品"接待員"

講真邊忽似接待員呀?

之後仲有更多名作比我地無情地恥笑,仲比佢話我地串佢...

玩到甘上下係時候切蛋糕啦~

裡面個層朱古力好足料,出面買個d蛋糕邊有得比

之後吹完蠟燭,就梗係開始影相啦,係人都知我唔喜歡入鏡...我幫手影相算,點知比又杰迫/_\不過算啦,今日大家玩得甘開心

之後搵左一個服務生幫手影,要慢慢教佢...之後睇番d相郁左

再搵另一個服務生幫手影,又要慢慢教佢,點知又郁左...只好算數

衰冇腳呀,如果今日睇單腳時有收穫既話,今日幅相應該可以影得幾好,起碼唔會郁先~

帶左甘多工具黎只為一刻大家開心,梗係即場印相啦,一人一張人人有份(好彩岩岩好夠相紙,我之前用完冇補相紙)

其實諗返轉頭之前既想法有點無謂,問心個句自己又玩得好開心呀,總知比預期中好玩好多啦~

wow～！一寫就寫到5:14am,個天開始光,要快d訓聽日返去幫人影証件相,good night~

星期六有份job 幫人影証件相,所以今日汁一汁試一試d工具,搞到成地都係箱,中途發現部fp-65既列印格式同我想像中有點唔同,睇黎印之前要用電腦搞一搞先得

正當周地都係箱之際...突然杰搵我,話jack飛有塊展板係會展展出,仲有睇fashion show喎,見jack飛自己人,即管去睇下~但臨出門口前冇時間比我汁好d箱,甘鬼趕一打黎就叫我出,返黎實比人話既啦...

去到會展,我地冇咩點睇野,因為睇fashion show要排隊,所以我地就去左排隊

之後jack飛搞好手頭上d野就過黎借左我部相機去,所以今日完全冇掂過部機,不過借比jack飛都好既,我地實坐到好後一定影唔到野

本來同我地估計中一樣坐到好後(尾二),但好在有jack飛既幫助換左個位,我地都叫做坐得幾前,起碼個台都睇得幾清楚

但jack飛個位好似仲靚好多好~非常近,因為佢去左勁前坐(條天橋左右兩則)

貼下今日一小部分既fashion show相

名模呀!

呢位d動作勁似機械人,不過中途有一位唔係好識扮機械人,搞到呢part失色左好多

非常有壓迫感既衫

榮話個小丑好似小儀

最左面成隻馬甘既,同佢個設計師個look一樣,臨完場佢地一齊出黎有d想笑

教王look...件衫幾靚,個背隻個設計都好正,不過似乎冇影到

完場~

之後同大家一齊去左食野~再之後我就另外有d野做

想去睇d相機玩具,點知睇睇下仲買埋

本來我覺得其實自己都暫時唔需要買著,但我就問左人地叫佢拎黎睇下,佢show完之後放返上架,之後問我係米想買,我就好順口答左係...

原廠唔出只好買副廠啦,唔買都買左~買黎旅行用

入電位做功都幾好

安裝後的樣子,新版直倒個look都幾好睇

用後感:

需然冇防滑膠但手感極好,重量又非常輕,又有搖控用(個搖控比原廠正好多),副廠黎講功能都ok

副廠野都冇咩缺點既啦,唯一既缺點米要我用錢買囉…

之後返到屋企,已經又熱又累,仲有成堆野等緊我汁,聽日突然又要去人地個party,累死啦...

前排成日落雨~好耐冇見過藍天白雲啦

好藍呀

似唔似有一個帶著眼鏡既人趴左係到睇風景?

呢張d色調最靚

今日一早就飛左去青衣搵kaman,點知時間上出現一d問題,原來搭mtr都幾快到,因此早左勁多去到,只好係青衣城行下...不過青衣城真係好細,時間又甘早~部分商店未開門,所以冇咩野好行

之後人齊就一齊食d野再上kaman屋企~(出到去搭車突然落大雨,5個人兩把傘...)

點知...架巴士由起點到總站又係甘鬼快既(我搭248m),呢部車既路程算唔算太短?(不過如果要我行上條長命斜真係會死人)

不過正正香港人生活節奏快~岩哂

但係上到kaman屋企,有d借用電腦整野,有d就係出面玩wii

玩左幾場wii杰就頂唔到個癮叫開台

係人都知我唔係好識打麻雀的,之前杰佢地拉過我係yahoo玩,成日同我講玩玩下就識...不過我想講我只知道要不停儲d一樣既花既...電腦比我出我就出,電腦唔比我出我就唔出,所以之前係yahoo都係靠運氣亂甘玩,我真係完全唔明點叫贏

好在今日有5隻腳,多出黎既可以教我玩

kaman一路幫一路教左我兩鋪,之後我就開始自己試

玩多幾場開始覺得其實都幾易玩,仲好過癮tim

開始時覺得kaman好勁,但玩落就覺得榮原來好心思細密,榮玩得好勁,有一場又唔知咩大三元又海底撈月加埋d花,搞到杰輸左勁多coin

杰今日就似乎冇咩運氣,成日都比人截又比人扣起d牌,最後仲輸哂d coin

而我運氣都唔差~有一場我副牌好正,一開始東南西北中發都各有一隻,之後抽下碰下,比kaman知我差隻"東"比佢扣起隻牌,最後好彩有人打左隻2筒出黎比我碰,2隻東做眼~岩岩好自摸,每人3個coin比我入袋~之後到臨尾一場杰話好有決心要贏返鋪,點知又比我自摸收場-.-

最後今日既大贏家竟然唔識玩既我...一人10個coin,我到完場時有23個係袋,我覺得只係今日手氣好d同另外係kaman教導有方姐

打左甘耐麻雀有d累,返到去到7點幾,今日要早少少上床訓~

再見了~長亨村,有機會下次再黎玩(應該係長亨吧,甘近個巴士總站)

#巴士已開出,只影到隔離學校

返到屋企收到第40期會刊~正呀,但今期全部日文黎既...另外佢亦提起我會籍就到期要續會,又要駛錢...

p.s:題外話~Change今集超正,睇到我勁頂癮,好想睇下集加長版呀

全力支持朝倉總理,推到大結局

青馬大橋真係幾靚

不過呢張相係kaman呀哥影既

總覺得3:2睇落怪怪地,應該係我用慣dc同4/3出黎既相都係4:3既原故吧

係到順手恭喜埋kaman可以"黐"機用,希望你可以因此喜歡上攝影呢個興趣

仲有希望聽日唔好落雨呀,聽日要上kaman屋企打麻雀呀!