有看過一個平時滿多人的商場的另一面嗎?

基乎全部都收鋪了,沒人行...每一層都熄了燈,只餘下最低一層有一點燈火

感覺幾特別便拍下來

本來琴日搞到自己好累,今日冇返教會留在家中休息

突然jack飛叫我聽杰電話,杰話去食壽司

一路食一路吹水,吹到人地清場收鋪先肯走~今日真係吹得非常開心

難得kaman放左工仲特登抽時間飛過黎,搞到佢甘夜先返到去,佢聽日仲要返工呢-.-

聽日父親節佢實勁多野做,希望你今日可以訓餐好既,聽日精精神神有氣有力去做野~下星期教會見!

今日係約埋一齊打保齡既日子,點知今日又落雨...

仲有琴日傾時間時,杰由1:30推到2:00,再推到2:30...有d無奈-.-

由於今日既活動要成2點半先開始,杰又另外約左d我應該唔識既人食飯,搞到我冇野做,甘我就另外約左kun食飯

食飯前先上一上sony個show room睇野,個姐姐都唔識招呼人既...問佢有咩功能佢又好似唔係好識答我,佢地個到又冇規格表我睇,好彩我自己一早上網睇左d資料大約知道部機有咩野玩

甘既然係showroom自然大把野比你試下玩啦,問佢可唔可以試下,睇睇出黎既效果,佢就插左佢自己條手指落去,點知讀唔到佢條手指...佢就up左句"點解讀唔到既,上次都得架",之後佢就走鬼左去...但最後都買左想要既野

出到黎mk好自然唔知食咩好,kun話好耐冇去過茶記,就陪佢去~

點知又有怪人出現啦,個落單呀叔就話"食咩講抵啦",再叉著條腰眼超超,一直成個人定左係到聽我地講

kun就講食呢個午餐,但又講d唔講d,個呀叔就忍唔住出聲幫kun...

呢個落單呀叔真係有性格~我喜歡

因為杰都係黎左mk lunch,所以事後約埋一齊係mtr等

開頭去左觀塘行倉,以為jack飛會黎啦,點知冇黎過-.-

觀塘區比我既感覺好唔舒服,可能因為係工業區,周圍好多冷氣水...

行左入d商廈搵野,十幾樓行到一樓都冇咩野睇...由於呢d商廈真係焗到痴線,行左幾棟就去左附近m記飲野等呀屎提芬

點知榮同杰又講人是非-.-...

因為琴日訓得唔好,全日都好眼訓,係m記叫左杯咖啡提提神,不過飲完都冇咩用

另外我決定唔會再幫襯m記cafe,d咖啡難飲到呢...唔係人飲的

吹左好耐,屎提芬黎左~佢就帶左我地去佢家姐屋企樓下個會所碌保齡

不過只係book到一條line...

一條line得兩對鞋,要不停要交換鞋著,之後煩得濟著返自己鞋碌~

之後唔夠喉,又去book左張台篤波

中途發生勁多搞笑野

kun,jack飛個d又發神經,張用黎磨q棍頭粒野放係地下,好似鑽木取火甘係到鑽,鑽到勁入

之後臨完場又不停亂甘篤鬥入,成班人都痴哂線

又碌保齡,又篤波,成日又拎著d重野周圍行,返到屋企隻手好似比人廢左武功一樣...

開箱時間又到啦~今日上show room買左d咩呢

登登登~

成袋都full哂~睇下個袋幾型仔~

原來係熱昇華相片打印機同幾盒相紙(連墨帶)

canon與sony,最後都係買sony,因為canon cp系列既色水同埋d性價真係...

還掂sony都可以做到1.5$一張4R,只係上網買耗材冇得即日送貨姐

一開箱,可以見到有一d說明書同配件

主機,火牛,紙夾同清潔工具

相紙同墨帶

全相

新機落地點少得試機?點知又幾好玩喎

總結:
優點
介面簡單易用
打印速度比說明書所講既速度快好多,可能係卡既問題吧
打印質素唔錯,相紙質地都好好

缺點
個mon有點難睇
每按一次按鈕都好似要load一load,但算係可接受的

首先係到再一次多謝杰,影左甘多相同我分享,同埋特登幫我甘遠水路行去油麻地睇價錢

似乎舊款既sony fp-60性價比好過canon cp740

但我仲煩緊耗材方面,canon 4R 1.5$/張,sony 4R 1.6$/張,一pack買sony都可以做到1.5$/張,但canon好似大路少少,甘多代都用同一型號既相紙同墨帶

機我偏向sony,但耗材我偏canon,canon個網上訂購耗材服務真係太好

其實琴日搵資料時仲睇中左fuji部pivi mp-300,去旅行搞派對咩都好,呢部機真係一流,又可以氹得人開心,但得2R同相紙太貴不作考慮

真係唔知買唔買好,如果買又買邊部好呢...又或者不如暫時留錢睇下i phone 3G跟埋台點計法

唔再講甘多廢話

去相先~杰真係好型仔

佢地幾位都好耐冇見啦,杰~有得燃燒青春真好呀,青春既証明呀~

左手面,睇落真係好似肥左,肥得好呀,一個人幸福自己肥

右手面,甘耐都好似冇咩點變喎

wa~!

杰話好多人都話佢似陳法拉,呢D野就見仁見智啦

講真我最初第一眼都唔覺有咩野,但愈睇又真係愈似喎

(相片已回收,睇唔到既朋友真係唔好意思)

杰左一件右一件

喂!點解同一個人有兩件衫換甘好?

明明同一個人黎,但事後杰話返我知佢地係twins...

當堂笑左笑~究竟平時d人點認邊個係家姐邊個係妹?

天氣開始好左d,本來約左今日去碌齡,但係有人話今日紅日會貴d喎,所以改星期5等大家得閒d再去

甘就改左陪杰去買西褲,順手借部相機比佢,希望佢唔好好似上次甘連人地結婚借左我部相機去又唔記得帶去影,我要睇相呀...聽日切記要記得帶呀!甘大日子都影唔到相帶番黎比我睇,我會死架...

今日一齊去左九代食飯,為左食滑蛋天婦羅定係食芝士海鮮焗飯煩惱,諗左好耐都係食焗飯

見佢焗得幾靚,,應該幾正,但食落似食抄飯多

d飯得d芝士既鹹味,芝士味又唔香,海鮮又冇味,似食緊有唔同質感既鹹味抄飯...

仲有呢到d麵豉湯唔好飲既,早知食番拉麵啦

唔知係米今日紅日特別多人呢,食完飯陪左杰去mk間g2000買西褲,試褲都要排隊,條龍好長...

正岩到出黎mk,順手過一過去油麻地搵我既joby八爪魚,搵我係搵到既,joby既八爪魚腳真係好實淨,最平要410$

杰問我買黎做咩,不過我講得唔清唔楚,其實我買黎去旅行,我唔想比人知我亂甘洗錢...

不過搵八爪魚途中係mk one見到呢加d 細細部既photo printer幾平喎,買八爪魚不如加多一倍錢買printer玩好過啦

之後又行返去mk周圍搵格下價,到到都係得d大部printer,得國美正常返少少,不過牌子唔夠大路,但係我想買d大路d既牌子(最好係canon同sony),第時買相紙唔駛煩嗎

原來呢d photo printer都幾難搵,諗著黃金會多d,點知連高登都搵埋都係得幾檔有

仲要只得canon...

其實我只要印到相就得,唔駛太多"花神",本來睇岩左cp740簡簡單單細細部幾抵玩,但都係聽杰講睇定d先

好彩冇急著買,返到屋企搵搵資料原來sony個d好得多

搵日落show room睇下先

最近成日落雨,搞到個人心情都唔係太好

聽返杰講今日朝早6~7點好似係黑雨

諗著今日可以訓耐d既啦,不過比d雷聲整醒左,不停係甘打雷轟轟聲連床都震埋...之後就訓唔著

本來kaman話呢3星期都有野做返唔到教會,我都諗著3星期後再同大家見面,加上今日又黑雨紅雨都冇諗著出街

但我又答應左今日要借部psp比杰玩,自己又想出街睇下d八爪魚腳架,自己搞完d野就同杰出左去,好彩既係停左雨~落雨行街好難行架

行左幾間都係得d平價八爪魚,d八爪魚腳冇咩力,萬一用長鏡唔夠力甩左機都冇~我要joby八爪魚呀!邊到有呀

行完之後就陪杰落mtr搵榮,點知比佢地兩個捉左返教會

中途杰話要幫幾個係教會看門口而未食飯既教友買野食

落到7仔又要買魚蛋買燒賣買抄面,又要叫個呀姐左分右分搞到好似係到玩緊個呀姐,所以幫人買野真係好麻煩

之後臨上去教會,個看更又啤著我啦...佢見到杰同wing係我身邊就冇理我做返自己野

其實我返左教會都好耐既啦,佢以前都唔會問我野,最近返親教會成日都比佢叫停低,問我上幾樓搞咩=_=咩野事個看更會突然間搵我黎煩呢?

講番教會,今日主題係靈修

一開始有兩位教友先做一些分享

其中有一位講佢近排安裝機頂盒比人昆左錢,佢話知道比人昆左之後好嬲好想打人,見番昆佢位人兄一定出手打佢,我當時就諗你夠唔夠人打呀-.-...

佢又話佢最近唔開心,佢本身份工要接下電話,但成日比d客罵,佢試過去報仇玩人地電話幾次

又話佢最近成日咒人,仲要咒得好毒個隻...

但佢一諗起耶穌就覺得自己做錯左好多,點解當初有事唔第一時間去祈禱呢

見佢平時係個乖乖囡,聽教聽話個種,但佢竟然講埋呢d野我真係嚇左嚇,年紀輕輕已經可以甘毒,所以話平時真係唔好亂得罪人

之後就比左d時間我地靈修,然後再分享(不過係人都知我返左甘耐都仲未信教,仲有專人黎教我點靈修...-.-)

唔好以因為我未信教就唔專心呀

我仲記得今日段經文係大約講如果你去信主,主就幫你背起你既十字架,如果你自救,就必失去生命,如果係經主同福音,你就會有生命...之後個段就睇唔明,但大約係講信主就會擁有主既榮耀

其中分享時,佢有十條問題要你諗,我就對第9條有d感覺

佢條問題其實我都唔係太明(佢d用詞太深),但大約係問你生命中有咩係唔可以失去,我就答佢地係人與人之間既關係

其實今日有人講過人出世時冇野帶黎,死後亦冇野帶走

好多時好多人都會問自己生存既意義係邊?

既然每個人有佢自己既存在,甘樣間接就會創做出人與人之間既新關係

試問你一直以來係米完全唔需要人幫?

試問你人際既關係鏈係米完全冇其他人既存在?

或者生存的確係冇什麼特別意義,但你既生存係會影響到其他人,好似d層疊式推銷甘1變2,2變4~甘就足以証明你存在過既証明同價值

人與人之間既關係就係甘,一值以來互相幫助,互相支持

所以話呢個關係幾甘重要

就係甘今日既團契好快就完左~唔知點解今日d時間過得特別快

團契完左同杰搵uno玩,冇啦啦張姑娘行埋黎送左本野比我睇,叫我返屋企試下靈修

不過搵唔到uno,就搵左副啤牌玩mc killer,點知愈玩愈多人加入

需然我唔識玩,不過玩左幾round都識識地

的而且確mc killer呢個game真係太刺激太好笑

教會米王不停比人kill,kill到佢自己到痴痴地,不停係到幫自己辨護,講足幾個字希望d人唔好kill佢,點知最後都比我地成班舉哂手和議~燒佢！燒佢！

不過我發現張姑娘同杰都玩得好勁,好鬼奸呀~

杰玩得勁都正常既,佢平時都心水清,好易睇穿人

不過我做killer都唔差呢~雖然我差唔多場場做賤民,但做過兩次killer都未死過,雙killer仲好玩

最後個場玩雙killer,killer2號好快死左得番我一個killer,d人估都估唔到我原來就係killer

玩到7點就行左去食糖水,好鬼大雨呀...

食食下冇啦啦開"調系"會議講人是非,不過最緊要講得開心,笑都笑死呀(唔明咩係"調系"可以睇返前幾頁)

是日糖水:西米豆腐花

我返教會唔係因為我信有神...係因為返去可以同班朋友聚一聚,而且教會之中既人都幾有趣呀,所以其實返去都幾開心又可以減下壓

最緊要呢排返親去kaman都整埋野食帶返黎

今日kaman整左鮮奶撻,杰又冇啦啦打黎話d撻就黎比人搶哂,所以就急急腳返左去為試kaman手勢

隔左一個星期冇返團契,今日一返就搵d甘既野黎搞...

呢樣就係周街去傳福音...似乎連kaman聽到都有小小驚訝...

還記得有年聖誕夜晚周街去傳福音唱聖詩,因為唔想唱歌就自告奮勇去派傳單,點知一張都派唔到...

今次去傳福音唔只派野比人,仲一定要我地講埋故仔

呢下真係死囉,我又唔識講野,我又唔信呢d野,點講得服人呢...

我team人仲要全女班,所以今次成個 team d成績都麻麻,一個都傳唔到...

而我就當然冇傳到啦,我有咩野好拎黎同陌生人傳福音呢...

最估唔到係同張姑娘行行下,佢突然之間問我係米仲未信主...我就答佢係呀...

之後就變左向我傳福音...

跟著完左就返番去教會每個人都要做分享,d人知道左我件事個個都係到笑-.-...

就係甘~輕輕鬆鬆就完左今日既團契

之後就比人拉左去一齊上堂...

今堂主題好似係講肯定自己既信仰

導師一開始就問左一條問題

"你上到天堂,有人唔比你入去,問你憑咩入去天堂,你點答"

好多人都答因為我信主,我就反而諗得比較直接

"唔通有天堂唔去,落地獄受苦咩"

之後位女導師同大ken就開玩笑問我係米需要成班導師同你傾下

甘我當然立即收聲啦...成班人輪著同你講耶穌喎

上完堂都成7點,就大家一齊去左食糖水,行行下又突然落雨,今日冇帶傘呀頂...

西米涼粉好好味~呢種天氣食完成身爽哂

下次見kaman要三星期後: (  佢話d假比人拎哂...

見佢話下次整三隻味既泡芙,甘又唔同講法~非常期待三星期後的泡芙

介紹一下今日用黎傳福音既工具(呢舊野非常好玩,可以不停地摺),順手係到講埋個故仔

喂!有聽過耶穌基督呀?

同你講個故仔呀

睇下~知唔知呢座係咩野黎

呢座係黃金堡壘,簡單d講就係人間天堂

但係人因為犯罪,人同神自此就隔絕左

你只要相信主,主就會卸免你既罪

因為神愛世人,主會願諒你既錯

自此人可以返番去呢座黃金堡壘

<完>

本來星期四個晚處理緊d事,搞到個日有d失眠,不停訓左又醒~訓左又醒~

之後星期五又一大朝早走左去影相,之後又出左去整d野

諗著有個星期六可以休息返日啦...

點知星期5個晚係msn同kaman講整蛋糕

傾傾下kaman又約我出黎聽日去食飯,順手陪佢買d野

出黎大家開心下冇所謂既~

跟著今日一早就出左去

由於上次食飯太多人,搞到多左一個人要單丁坐,所以kaman就話唔好約甘多人,所以計埋我同杰有3個

正當kaman提議左去邊到食之際,不過突然好似搵唔到間野係邊

之後行下行下,kaman突然停左係到睇街邊d餐牌,我仲未比到反應,kaman突然就衝左入去

所以今日去一間唔知什麼co co(好似係,唔太記得個名)既酒吧lunch~

kaman點左個焗牛(唔知係牛利定牛柳黎)飯

睇賣相焗得幾好,應該唔差

杰點左個唔知什麼咖哩雞飯,我用左舊骨同佢換左舊雞,感覺都ok,最緊要d雞肉唔好太老

但杰似乎不太喜歡d咖哩汁既味道

至於我就比個餐牌誤導左,因為道菜個名超長,佢d字寫得又迫又細

我最初以為係一塊扒配沙律

點知原來係燒豬仔骨配沙律

早知係豬仔骨我就唔叫啦...我最怕出街食d多骨既野,由其是係雞翼同豬仔骨呢類,食得好麻煩

不過d燒豬仔骨超正,勁入味~食落又香,衰在係豬仔骨冇咩肉食

算係錯有錯著啦~感覺良好

(將相角度有d問題,加上塊豬仔骨比d沙律頂起左,實物睇落大塊好多的)

食完野就去陪kaman買工具(買左幾個梳乎厘杯,一個焗盤,一把刀...)

我諗都係因為我既問題,所以kaman先要買野...

由於我想食梳乎厘...

平時去餐廳食梳乎厘價錢都好金下,甘我就叫kaman試下整梳乎厘

佢仲要話好易整,甘我就放心哂啦

之後一行三人就入左sasa玩

本來冇諗著消費的...

玩左幾隻味,就有位人兄行過黎sell我...(有人sell你通常都係地獄既開始)

點知又玩多左幾隻味...個鼻已經分唔到味道,佢比我聞d咖啡豆都冇鬼用既,d咖啡豆好明顯放太耐...

不過試到一隻味道清清地都好似好正,反正我之前用個隻木質調太成熟氣味比較濃,換下味都好

不過其實我都好耐冇用,都唔知自己做咩要買...

另外我返到屋企,沖完涼試下用,唔知點解d味唔同係sasa試個時,應該係我冇出街行一圈試清楚d味吧...

一開始前調感覺上d味好鬼甜.如果係果味個種甜都話好少少呀,不過之後陣味都算係幾清既

買完野杰去左幫朱生買飯,我同kaman直接上去教會

今次主題係什麼約拿記同四川地震

今日最精彩相信應該都係特別請左一位外來既人兄黎扮約拿啦,佢不停講有咩野想問想知就問佢

點知比人問到口啞啞

再次係到呼籲一下,未損錢賑災既朋友好去損錢啦,d災民真係好需要我地既幫助,損左既朋友當然歡迎再損

團契完左~kaman同wing個d要去上堂

我同杰,stephen,大ken呢d高手係出面踢毽子(我未踢過...)...等佢地落堂

stephen踢毽搞埋d白痴動真係笑到痴線

因為教會有人book左場,佢地落左堂就一齊坐的士去打羽毛球

我唔識打羽毛球猜唔到波真係冇咩癮,但唔知佢地幾時又帶左個毽黎,冇啦啦又變左玩功夫踢毽

打完羽毛球原來佢地仲book左場打乒乓波

不過成十幾人打一張台呢....

嘩,估唔到原來朱生d技術唔差喎,雙打同朱生一team合作得非常愉快

玩6分,好似頭6~7 round都係我地win

點知有兩位人兄突然發力,又頭帶到落尾...

之後完場係附近食埋dinner就返歸去~今日短短一日做左成幾星期既運動量,真係咩都夠哂皮囉~

本來應該係琴日去,但花打就琴日休息跟左佢去飲茶所以改左做今日去

今次我決定去參觀一下港灣豪庭既花園平台

事源係因為最近愈黎愈多公眾空間被指出變為私用,甘岩見到一輯有關港灣豪庭花園平台既相,覺得環境幾好就決心上去8下順手自己影影相

事前早一兩日我已經上網搵左佢地既開放時間同入口位置,更搵到佢地港灣豪庭業主既討論區,得知佢地非常不喜歡外人進入,更有傳佢地個私人泳池d小朋友成日搵水槍亂射人

不過我已經有哂心理準備,純粹想8下d高檔住宅既地方係點

平台入口位於福利街8號,亦可由商場一樓平台再上,開放時間為朝7晚10

個平台入口的確算係幾隱蔽,你唔留意你唔會知道佢係一個入口

不過上去時要小心d,因為樓梯冇燈比較黑

我上去時都嚇左一嚇,點解突然有位人兄坐左係上面樓梯又食煙又打機~之後急急腳走左上去

一上到去原來係商場一樓平台

仲要再開一道門上去的

一上到去,可能因為我拎著部相機係呢d地方影相怪左d

全程都比d住客眼超超,實q又特別留意我係到搞咩

行左一個圈原來都冇咩特別

唔好睇呢張相d水好似好清,其實污糟都爆又多垃圾

不過由於整個影相過程都非常唔舒服,冇耐就落下面商場間超市掃貨...