因為hompy要汁...呢排都唔想寫hompy,但係我堅持寫hompy最主要係因為比自己回味下同比朋友知道自己既近況,近呢排都睇下有咩地方岩自己

在好友極力推薦下,決定左用xanga,整左2日對佢既介面同功能都唔係太認識,感覺好難用

下面係我新既blog link

http://kamei-blog.xanga.com/

好友告知:

聽講10月呢到要汁喎,網上行真係垃圾,呢排上網d質素又差到成日上上下網cut,唔係因為個hompy,我轉左isp九世啦,由佢一開始用到呢加真係有d唔捨得

呢幾日諗下轉咩寫blog先,到時再通知大家

另外,今日有一個謎語...上下左右前後都望唔到,甘可以望邊到呢?

如果你d野用得好地地,冇需要既,唔好手多走去更新...

本身琴日我電腦用得好地地,就係手多更新dispaly card既diver,搞到張卡神神地

舊卡裝新diver感覺係怪怪,但理論上係支援既喎...不過nvidia d 新diver出名多問題,要用就最好用死一個最穩定既版本,一個新diver搞死張卡唔值得...

就甘樣我就駛左差不多成千銀去買新

經過買電腦既地方,順便買了一個新鍵盤,感覺手感好差冇咩力,但打字好靜

簡簡單單既設計同,有層膠保護,可以拎層膠出黎洗,令我非常喜歡

但唔知咩牌子黎,總覺得買貴左好多

最近成日出街,想話睇下d衫...出左幾次幾次都係做左其他野搞到唔夠時間,10:30好多地方都開始收鋪,如果收遲一個鐘就好....時間總係唔係用,下次要去真係要預早6點好開始行

另外最近杰好似好有興趣想周圍行,本來想上星期去,但時間太急plan唔切就改下次有時間,其實得閒行下山係好的,我都好耐冇行,順手影下相都好.....記得搵埋我呀~杰

今日買左本書"我的30分媽媽",不過未睇~

推左勁耐先捨得買,真係好貴,唔係今日得閒去換証,我都唔會買

高木直子呀畫到自己細個時好得意

救命...今日行左成日,最衰著錯鞋,對靴實在太重,唔岩長時間行走

未試過行街行個拎鐘要搵地方坐一坐,再行個拎鐘又要搵地方坐一坐

行到9點,10點...真係好累,返到屋企一坐低,已經發唔到力企起身

今日行下行下同朋友行左去尖咀睇衫,係偶然之下,行左去鐘樓個面休息

可能自己係香港人,對得多會覺得香港地方冇咩特別,不過休息途中...平時都唔多覺,但望下望下又覺得對面海個景幾靚

另外仲見到好多人影相,一見到自己都想影埋一份,只可惜以前總有一機防身既習慣已經改走左...不過電話都影著幾張過下手癮先啦,如果可以真係想衝返屋企拎機再約多幾個人出黎

前日約kaman出黎食晚飯,但要等佢放工~所以就同kun行下商場

都有一排冇行書局就順便行下

我從來都只喜歡買圖文書同d古靈精怪既書,睇睇下突然發現一本書拎上手睇兩睇覺得幾有趣,其中一段內容係顏色可以影響生理...好辛苦好累個時可以睇綠色,想開始新事物可以睇紅色,想笑想開心可以睇紅色,抑制食慾可以睇藍紫色

除此之外仲有好多日常生活出現問題,點樣去幫助自己去解決,好似平時出街買衫決定唔到之類...

最近成日做既野?

釣魚,釣魚同釣魚

好耐都冇行街,同返教會囉(對上次返是聖誕節...)~今日終於一次過做哂

由於太耐冇返,今日講既主題都唔係聽得太入耳,平時有人問我就一定會答到,因為我會消化團契上所講既內容,但我今日完全口啞啞...不停講冇意見,冇野想發表...

另外得覺團契既模式好似同以前有d唔同,而且今日仲好小人tim

團契完左,收到kaman整比我既生日蛋糕,kaman話可能整得太甜,不過有朱古力甜d都係正常,而且我事後返屋企試食覺得個甜味都岩岩好呀,唔會話甜到流

係教會,張姑娘已經走左好耐,黎左個楊姑娘,需然第一次見,但傾落覺得佢幾好人

臨走時,朱生竟然問我聽日得唔得閒返黎...星期日個d應該係主日學個d野,唔係甘搞我下化...

難聽d講句,我返團契係純粹見見朋友,返去玩...其實應該好多人都知我唔係好信呢d野,點解佢會甘突然問我呢

多謝kaman的蛋糕,蛋糕細細~但料真係足到爆,出面買唔到甘多料的,個面已經多水果,蛋糕內裡仲有好,好味道~

之後約埋kun出黎玩,買下野~今日都算叫做玩得盡興,只可惜kaman太早走

是日收穫:老鼠仔一隻,儲齊一大一細lu~(好想要藍色...)

成日聽人講有時d野開頭太順利,係唔正常既表現,可能往往後尾出現好多問題

今日我就完全體驗到,搞到成日覺得硬係差d野甘

今日岩岩去到碼頭邊釣,set好哂野坐底冇耐,一放線落海,一扯就釣到一條

我每次釣魚都希望3條就夠數,1點前又釣多條,之後去lunch加搵人,諗著下半場甘多時間實可以3條

一返黎d水退得好勁,全程亳無手感,食左餌都知咩事,又成日勾石,又落雨,最後釣到7點左右,天都黑決定放棄...

需然冇咩魚運,但d運氣好似去左推銀機到~40$代幣推左個幾兩個鐘,平時冇一百幾十好難推到甘耐

不過今日甘多人一齊去釣,成條樓梯都係我地既人,都幾過癮,本來就冇諗過有甘多人會釣魚,希望下次杰都黎埋就完美啦

差不多7點時的海邊...

[特集]在雨中釣魚的kun