中環真係好多生果檔，差唔多每一檔都有鮮搾果汁同生果杯賣。仲要平旺角好多，果汁同生果杯都係$10。我每日都一杯，前排就雪梨+楊桃，近排就飲火龍果+士多啤梨。無論溝乜都係$10，所有生果同蔬菜都可以溝埋。不過我都仲未敢試啲特別汁!!

Season 2呀,終於等到喇~ 之前果啲忘記佢啦!! 無比興奮，好想快啲一次過睇晒佢!! 我又多樣嘢追喇!! 朋友們，你哋唔好話我係宅女呀!! 因為我知你哋都會追!

張相係2:00pm影嘅。無咗半楝IFC，唔見咗個海同完全望唔到尖沙咀，之前都望到凌霄閣，lee個禮拜影都唔見。日日早要望住咁嘅view，邊有心情工作呀!!! 一係就唔好比我見到啦。太陽伯伯你快啲出嚟啦!!!

食完飯無嘢做，幾廿人一齊玩涼粉。玩到極嘈，比隔離公司complain!! (最黑人憎係隔離公司用英文鬧我哋!!!) 最醒周老爺，有份玩，但係又一啖都唔食。因為下個patient最少做足幾粒鐘，痾都無得佢痾~ 到最後有份食嘅都無事!!

6月27 初夏 EVANGELION 破

係日本咋，香港未知呀~

心急心急心急，好心急呀!!!!!

http://www.evangelion.co.jp/

八年前基斯杜化送嘅moschino cheap and chic perfume，係第一份情人節禮物。到而家，我都唔記得咗幾多年無收過情人節禮物喇! 不過我覺得其實lee日係無乜特別，只不過係gimmick嘢，比人賺錢日。又要買禮物，出街食飯又特別貴，咁我寧願喺屋企好過喇!!!

Happy Valentine's Day ~

好好好豐富嘅開年飯，個個食唔晒又唔拎，又要我拎。即係我又食又拎!!! 最誇張就係啲扇貝，仲要每人兩隻，個殼有我塊面咁大。食完開年飯喇~ 今年要順順利利呀!!!!

星期日入咗錦田摘士多啤梨。因為賢賢第一次揸入錦田，所以迷路了。唔緊要，行多幾行我哋就入到去喇!!! 不過入村嘅時候賢賢好唔小心咁 "high" 花咗車頭!! 嘩~ 個錦田鄉村俱樂部真係好大，由朝玩到晚都得!!! 我哋餵咗兔仔，餵咗兩隻瘦豬，之後就去咗摘啲青bb嘅士多啤梨!! 即係得個吉，下次都係平日去，就唔會比人摘晒。無得摘就去咗買隻風爭放，真係好多年無玩過。果度有好多狗狗入去玩，人就唔使入場費，不過狗狗就要$10，睇吓會唔會帶到bobo去玩啦!!