睇黎我真係要打返日記，記錄下自己既心路歷程。

太懶喇太懶喇！要督促下自己！

起碼就算一個唔該分左手都仲有Ｄ野回憶下！

尋晚打8號風球，唔知係咪因為得自己一個o係屋企既關係，忽然之間又覺得自己好慘！好多感慨！每次就係咁架喇！當夜晚自己一個人o既時候就會咁！好奇怪o既女人！尋日四點半就放左工，跟住仲興高采烈打算去接男友收工，點知佢未走得，所以就連家姐都唔搵打算返屋企擺低Ｄ野先出去！點知返到屋企5點幾，沖哂涼突然之間又好累，加上出面橫風橫雨，都係等男友返黎！點知佢八點幾先返到屋企！沖涼食飯都攪到成九點幾！出面咁樣樣既天氣，唔知係唔忍心定係嬲佢攪到咁晏都仲未過黎，隨口講左聲叫佢唔駛黎！點知佢就真係唔黎！仲話一陣搵阿樂剪頭髮！天啊～點解會咁架？其實好驚咁樣既天氣自己一個o係屋企！Ｄ風吹到顛左！o彭o彭聲！超恐怖！後悔都冇用！但係個心仲仍然希望佢會靜雞雞黎唔話我知俾驚喜我！因為佢其實都知道我驚！點知一個鐘又一個鐘，都最後當然冇黎啦！到左12點幾，我個人開始好火！覺得佢冇理由會咁樣對我！明知得我一個係屋企！但係我男友就係咁既人呀！話唔黎就唔黎！冇其他！冇驚喜！我就send左個sms俾佢，話我好嬲佢！明知我驚都唔黎！要我自己一個人過咁恐怖既夜晚！點知佢都係冇做到我想佢做既事！唉～算啦～我應該接受同理解！係我自己犯賤呀！嗚....

好耐都冇去玩過喇....年中真係好難過...生意差到不得了！年尾我就會返出去架喇！去玩都要有彈藥架嘛～記得上年年尾到年頭o個段時間～大部份時間都玩到天昏地暗～但個心都唔會散～好掛住o個段時間～原來拍拖真係會令到一個人心散！個心淨係不停想見到佢～真係好奇怪～原本一個好獨立既我變左一個痴左線既女仔！有陣時我會諗～其實我係咪真係一定要咁痴身～但係我發現我一唔痴身～個人就會變獨立！變得對咩人都冇哂感覺！我都唔知我呢個奇怪行為幾時先可以好返！我都唔知自己點先可以平衡返Ｄ！奇怪耶！我唔想自己變獨立既時候傷害到任何人！因為我知道我就係個痴線既女仔！需要就需要～唔需要就唔需要！冇中間！

不想回家，卻也沒有任何一個地方可以去……

本來我一個人活著相安無事，雖然沒有甚麼值得喜樂，但至少沒有傷心和痛苦。可是，有你照顧我的日子，我意識到自己的懦弱和位賴，你讓我必須承認自己不能一個人活下去，我了解到自己的處境才懂得害怕……

我真的很愛你，我絕對有把你留下來的決心，以後對你更好，讓你永遠沒有機會後悔作了留下來的決定。

我知道為了你，我可以付出更多。

好耐冇見呀...因為之前一直處於情緒不穩既狀態，所以就一直冇打過blog！而家因為慢慢穩定左，所以就可以上黎認真Ｄ咁打blog啦！呵～今日放假，出左去成個下晝，行到累死！返到樓下是但買個飯盒就返屋企食食食住上網喇！有野做就唔覺得等我嘔輝返黎咁難捱啦～啦啦啦～呢個禮拜各方好友稱為勁正常既我冇發過顛呀！因為日日都見到嘔輝嘛！見唔到佢就會亂諗野痴線兼醉酒鬧事，係爭在未打人！(不過我冇試過架～)好多人都話過我痴身痴到離哂譜呀！但係我因為同嘔輝返工時間極度唔夾呀，佢返工同住既地方都係同一區，次次都要特登出黎搵我/接我收工！我返12放9，佢就返9放6，一係就返夜更，返2放11，佢放假就放星期日，我就放星期三，你地話我有咩可能唔爭取所有見面既機會先？對唔對先？俾Ｄ支持我嘛！come on～加上我本身已經係一個十級痴身既女友，咁樣唔見法你不如叫我去吊頸！(淨係吊咋..唔想死呀...)不過對我黎講，同嘔輝一齊，真係要好好好好好有緣份先可以做得到！所以佢係我最最最最最x 1000000000000000珍惜既Lover！而且，佢對我真係超好超錫我(不過有時都會俾自己Ｄ負能量蓋過，咩都唔記得哂，事後要乖乖認錯哄返佢呀...)，雖然有時都會激下我呀，但你會即刻做好多野哄返我笑，我相信呢Ｄ係對住我你先會做得出既行為！諗起都覺得好攪笑好sweet，所以我決定要好好地把你保存o係身邊，艾粒ＵＵＵ嘛～！！！

好耐都冇update過喇，因為過左去yahoo寫，但係突然又想返黎寫下....哈哈！

呢排好忙呀，日日勁多野做！但係得閒o個日又嫌太無聊！黎緊新年放到17號先返工呀！勁痴線！咁多日都唔知做咩好！個個都要返工！但係又太多假未放，仲有7日未放呀！不過要等暑假先放到！二月Ｄ comission死硬呀！所以要趁返工狂抓銀呀！唔係三月都唔知點過！12月玩得太瘋狂啦！所以想新年都玩得瘋狂呀！冇得玩好落寞....

做咩都會諗起你！星座話當我每次去玩都想見到一個人，係因為呢個人已經o係我心裡植左根！我都想你會成日諗起我....但係太多回憶...呢Ｄ回憶令我唔敢再接近你....

我只係想講我呢度Ｄ衫你出面搵到周街有，而又平過我呢度o既，你就死出去買！唔好搗亂完仲要嫌三嫌四嫌衫貴，你唔識野係你既事，淨係識得睇價錢o既女人我至憎至不屑，唔識野你就"冷"…

火滾呀.....一巴二巴打死你....

今日去左睇第一場，雖然冇乜唱舊歌，大多數都係快歌，但係反而氣氛超好，好多人都企o係度郁身郁勢，我都冇蝕！呵呵！雖然好多歌都唔記得歌詞，有Ｄ仲未聽過，因為冇返學o個陣咁得閒日日狂聽Ｄ歌，但係點都記得最勁o個一兩句，所以都投入到架！哈哈！我唔知點形容好呀，咩樂器都識呀佢，超級驚…同埋佢跳舞真係超型超攪笑，最深刻係佢連支雙截棍都俾人搶埋，o岩o岩耍左一陣咋佢，一行埋去台邊就俾人搶左，佢淨係識得傻笑，冇哂計咁既樣…超可愛呀呀呀！成日唱唱下歌o係度陰陰嘴笑…勁想錫佢一啖呀真係！仲有同台北o個個好多都一樣，可能係巡迴，所以好多part都就咁搬過黎！但都好正！仲有仲有"功夫灌籃"預告，新年上呀，正正正！有型到震震震…仲有佢今次唱呢首廣東歌，太驚喜喇！只能夠講溏心風暴真係超級hit，佢居然唱"講不出聲"，笑爆全場，Ｄ人尖叫爆笑左勁耐，全場一齊唱，仲有好多歌唱既時候後面大大大螢幕包埋mv齊齊播，太正喇太正喇太正喇…抵你咁紅架真係！多謝！