行行下路, 都可以拗柴

再次觸動舊患，我估又要抖兩個星期了...

我做錯咩事? 定解隻腳咁易傷?

已經大大減少了打籃球的時間 . 唔通個天連跑步都唔俾我跑????

好灰...

上上星期 同何頭影畢業相

四人幫各人終於都入晒社會大學。

看見何頭同其他畢業生係校院影畢業相, 心中有點可惜, 當日自己為何不請假回學校出大學畢業禮?

一生人無幾多次... 況且小弟暫時未有讀MASTER 的時間表呢

影完相去左食好野, 話明四人幫GATHERING, 緊係要食餐好, 同大伙試左高流灣...COMMENT : 正、鮮

雖然貴左D, 但係以佢既出品, 算係咁喇

--------------------------------------------------------------------

再上上上個星期六同同事去左坪洲玩, +食海鮮, 第一次JOIN IT COMM. 的活動，感覺良好。

坪洲之後一日同弟兄姊妹行山

風景原來都唔錯, 仲有野玩添:P

下次再去影相

感謝主, 賜俾大家一個愉快的下午

-------------------------------------------------------------------------

同佢去左睇{BURN AFTER READING} 中文名是{CIA XXXX}

BRAD PITT 做得好好, 打從七宗罪開始已經迷上BRAD PITT, 他影技到家, 而且係有著說不出的型。

我身為男仔都鍾意佢, 哈哈

-------------------------------------------------------------------------

同同事打夜波, 有益身心。

======================================

今晚同何頭同尹耀佢地打左40MINS BADMINTON + 10MINS BASKETBALL = FUN！！！！！！！！！！

多謝何頭的ＡＲＲＡＮＧＥＭＥＮＴ　！

－－－－－－－－－－－－－－－－－－－－－－－－－－－－

最最最重要是：　ＡＩＲ　ＰＥＮＮＹ　ＩＩ　再度回到我家了！

今年香港出年復克，　雖然講明只會出白色，　但係我都將它買下，　當年黑色的ＡＩＲ　ＰＥＮＮＹ　ＩＩ　，　正正代表我們中學時間最開心，　最寫意的日子，　著住佢星期六／日出街場打波，　由八號打到太和，　有時去富善有時運頭塘，　我們總會搵到無人的地方俾我地打波。

今次有幸再度擁有ＡＩＲPENNY II, 我會好好珍惜的

正如我一向都好珍惜莫壽增的朋友仔, 沒有你們, 我總的撐不住!

謝謝四人幫兄弟, 肥朗, 林力, KEN CHAN !仲有宏記 等等...

你們總會在我失意的時候撐住我

民建聯同民進黨一樣使人討厭

民建聯同民進黨一樣使人討厭

民建聯同民進黨一樣使人討厭

民建聯同民進黨一樣使人討厭

今晚同姊,爸吃飯，飯後同姊姊回家。

經過某大地產的分店

眼見一有趣的樓盤廣告

內容大致是: "大大件抵食..."

大佬, 這是樓盤廣告, 唔明點可以咁有創意

竟然會係"抵食"

...

另外仲有一些似圖畫化的字

容許小弟失言：

從他們的文字可以反映該行的從業員的文化水平

大家唔覺得我地８０，９０年代的一班人是讀屎片，在文代沙漠長大嗎？

－－－－－－－－－－－－－－－－－－－－－－－－－

１）　反對永久撤銷外傭稅　－　影響本地工人係家務助理業的前景，　影響培訓本地工人的開支收入

２）　金融不是香港的全部，　唔該曾暗權開開眼！

可能好多人都聽過SIX SIGMA, 無論是大學生，從事生產的人士 ,PROJECT MANAGER 等等...

小弟可算是一隻井底之蛙

U GRAD 兩年先第一次聽到SIX SIGMA

本身可以理解成SIX, SIGMA

SIX 在這裡是第六層的意思, SIGMA 是STANDARD DEVIATION 的意思...

再簡單D講, SIX SIGMA 其實係由MOTOROLLA 將佢發揚光大, 先成為一種類似QC 的SYSTEM

原意是希望透過SIX SIGMA 的實現, 做到每一百萬件PRODUCT 只有3.4件MALFUNCTION.

現在已經套到各行各業, 各個層面.

通常是PROJECT TEAM 特別係PM 所需俱備的技能

今日的我, 暫時未有考帶的需要, 一兩年後, 再向GREEN BELT, BLACK BELT 進發

世事有得必有失，問題是自己怎樣取捨。

得: 工作滿足感

失:健康,家人相處時間

得:物質享受

失:金錢, 與神疏離

得:既得利益

失:潛在利益

對不起大家，凡事我都搞到一敗塗地(一塌胡塗)

得:某些人的喜悅

失:某些人的失望

與魔鬼對弈

神請提醒孩子

每次踏入教會是做什麼, 是為什麼

----------------------------------------------------------------------

識到一D人, 以為自己讀完大學, 搵到錢又或者某方面好有才能

就覺得自己好把閉。大學生通街都係, 如果你地係我面前都繼續扮大枝野, 我一定炒到你反艇。

唔該你地收皮, 係收起你地既面皮

從前的社會，"SALES" 是站在一個了解產品，滿足客人需要的崗位的人。

酒樓的部長如是，電器鋪的SALES 如是，銀行職員如是，地產經紀如是。他們大多可放自己的主觀而客觀地為客人提供服務。

可是金錢利益，都將他們的眼蒙了。

為何我說他們已死?

今天的部長，不再是那些介紹你是日最新鮮菜式，廚師最滿意菜式的人。 今日的部長, 只會硬銷一些貴夾唔飽的套餐，最好是檯檯都是一樣的餸菜。 如果客人叫唔到佢心目中款式的時候, 黑面/唔好聽的說話都隨之而來。大佬, 依家係我俾錢入黎食野, 定係你分配我食咩 ?

可幸是, 一些小店還可以食出那出細心服務, 為客人精挑菜色的服務。 如: 金利來

電器鋪更加是問題重災區，供應商的利益輸送，鋪頭的喜好, 令到呢一行好唔健康。

簡單D講, 買電視, 你可以試試行遍唔同公司, 每間公司都有自己的HOT ITEMS, , 而每一部同一MODEL 的電視, 係唔同的公司都有唔同的"表現" 是下最HIT 的兩隻韓國牌子, 唔知點解咁好賣, 因為兩地CHAIN SHOP 都好幫手推銷，大家又可以上網看看人家的REVIEW, 無論是本地/外地的REVIEW, 都有好多人投訴那兩隻韓國牌子的電視一點都不耐用，可惜仍然有好多人都因為"大圍因素" 白白放棄了自己選擇的權利

情況同食酒樓食野一樣, 你買唔到SALES 心目中的品牌, 佢會面黑, 因為你正在阻止SALES 去"LAM" 佢自己的一份。

地產經紀，最近聽到一個有趣的案例, "受害人" 成了經紀要賺取最大回報下的犧牲品。不過呢件事都係唔好寫係度, 因為"受害人" 我識佢 佢又識我。

雷曼兄弟事件, 某程度都反映到依家金融業界的操手如何。

總之小弟的態度是，買一件貨前, 要自己搜集資料, 去親身看看, 上網看看(網上都可能有打手, 所要要去多幾個網, 最好是唔同國家的網) 先好決定自己買咩...

有樣野係我呢世仔都絕少做, 可能因為出左黎做野, 覺得"事必關己"

就是講價,  熟我既朋友/ 家人都知我係點既一個人

但係最近我都開始講價了

大家生活在錢(瑪門) 作怪的亂世, 除了靠著我們的主外, 自己都要打醒十二分精神