12:00 銅鑼灣join 搖搖 , Queenie 同埋台灣o黎o既朋友 Mivi ,之後就去登龍街坐小巴入淺水灣

12:30 淺水灣 , 好正o既陽光 , 可惜太熱 , 同埋只係o黎影相唔係游水有o的可惜 , 果一刻令我想起我隻殺人鯨威威 , 我今年都無帶過佢出街tim  

13:15 赤柱大街 , 無咩特別 , 可能香港人唔會對果度o的o野有興趣吧

14:00 入左個唔知咩地方諗住涼下冷氣 , 又無啦啦有人同我地講有唱歌比賽 , 跟住無啦啦又入左去聽 , o的歌手唔知係緊張定點 , 竟然唔記得歌詞 , 聽左兩首走人

14:45 美利樓附近影相同睇風景 , 跟住就上去間德國餐廳食tea buffet , 不錯o既自助餐 , 魚好味 , 腸仔好味 , 同埋我勁勁勁勁鍾意o既意份 , 係可以自己揀材料嫁 , 我覺得食左個意粉已經回左本啦 haha  但好可惜我如果唔係之前果晚飲太多, 個肚仲有o的唔舒服 , 我諗我仲會拎多幾碟

17:30 H&M 今次無咩特別o野睇啱 , 我覺得佢地都係買左o的唔等洗o既o野

18:45 蘭桂芳 啤酒節 , 果一刻見到o的啤酒已經想嘔 , 行左個圈走人

19:45 成功搵到上山頂o既纜車 , 但係勁多人 , 仲要排左好耐隊 , 不過好好彩次次都搶到靚位 , 之後上到山頂先知 , 原來無左以前睇風景o既(零燒角) , 反而變左影相要去個亭 算啦

21:00 排隊落山 !! 肚餓想食o野  , 但可惡o既搖搖同我講山頂有burger king , 出面食唔到 , 叫我自己去買, 佢地唔餓所以唔食,  我先唔恨食咁貴o既m記餐 買枝水都貴3倍 , 所以忍住落山 , 忍到返屋企先食o野

21:30 返到中環 , 送左佢地去MTR , 我就同Queenie 行去碼頭坐船返尖咀, 可惡 !! 行到碼頭先見到 seven , 又話緊有一間o係附近 , 攰爆呢

12:30 出旺角朗豪坊 , 搵左好耐枝gel 都搵唔到, 可惡 , 之後上無印買定o的零食等陣睇戲食 , 有蝦餅同我最鍾意o既泡芙

13:15 等埋Queenie 就一齊上戲院join yoyo 睇哈利波特, 好彩我早幾日買定飛咋, 如果唔係就要坐握手位   , 套戲我覺得唔錯 , 雖然唔係好記得之前果集講咩 , 但都無咩影響 , 同埋我最鍾意最後o既魔法大戰, 終於o的魔法唔係淨係識發光啦 , 正正正

16:30 去左間cafe 度食o野 , 換左幾次位 , 因為有o的位比太陽曬住, 好熱呢 , 跟住我就叫左個焗飯但係唔好食o既  , 大家樂一哥仲好味過佢 , 之後仲一路食o野一路玩波子棋tim , hehe 正常結果 我係唔會包尾o既

17:45 旺角至太子周圍遊 , 佢地就買到o野 , 而我就咩都買唔到 , 可惡呢 !!

20:15 同屋企人去左黃埔食元氣 , 不過勁多人排隊 , 等位途中我又走左去周圍遊 , 返到去啱啱好有位 hehe , 4個人食左3百幾蚊 , 算抵呢

今日見到人地hompy 寫, 我又忍唔住

1997 - 2007

讀書

1997 唔知點解好幸運咁原校升上中四 , 但玩開果班fd 都留唔到原校 , 我仲要唔知點解好揀唔揀 , 揀左文科讀仲要係主修歷史 , 可能果陣覺得歷史死背就得 , 但我又無諗過 , 我記性唔好 

1999年會考 , 成績同想像中一樣唔見得人 , 我明白到我唔係讀書o既材料 , 見到好多同學都話要重讀一年, 我心諗今年你考得1-2分 , 下年你有可能考到十幾分咩 = = , 所以我就決定出o黎做o野, 攞工作經驗

工作

1999 - 2000 做過part time m記 , 波鞋街 , 日本料理 , 鱷魚恤 , 最後到電腦

2000 - 2007 由一個唔識電腦o既人 , 變成一個識sell 電腦o既sales , 再由一個唔識裝機o既人 , 變成一個識維修電腦o既師父 , 就係而家o既我 ,仲記得我見工 , 老闆問我唔識電腦點解o黎見ar?? 我就好老實咁答佢, 我就係唔識電腦所以o黎學

再諗返當年一部電腦要成萬蚊 , 到而家千幾蚊已經有部 , 咩都cheap 曬 , 就連人工都係 , 有時真係唔明 , 點解要做呢份工做咁耐 , 人工唔係高 , 又唔係舒服  , 仲要收得夜 , 攪到想約朋友都難 , 不過都係一句啦 , 條路係我揀o既唔怪得人

運動

我真係好鍾意打籃球 , 由讀書到而家都有 keep 住同o的朋友打波 , 但令我最記得o既就係 , 18歲打adidas 街頭3人籃球賽 , 而種子球隊o既身份( 種子球隊唔洗抽籤 ) , 辛辛苦苦打到入16強 , 結果輸左比果年冠軍 , 我仲好記得當時o係亞視講nba o既主持 ( 好鬼串 ) , 無啦啦叫左成場o既人o黎睇我地打 , 仲介紹我地 , 攪到我果刻勁緊張 , 但果場輸係因為對手真係好勁 , 仲要係大炒 haha , 之後我同ar隆都好希望下年可以打多次19歲而下 , 因為下年果班勁人都過曬19歲 , 但好可惜打埋今年之後我都無fd 係19歲而下啦 v_v

其實我好羨慕ar 隆佢返朝9晚5 , 所以可以keep 住打比賽 , 至少第時老左睇返o的獎牌 , 就會諗返起當時比賽果種緊張o既心情 , 仲有情節 , 同埋好多好多o係球場上o既回憶

家庭

由細細間o既屋企 , 變到而家大間o的o既屋企 , 我同ar 妹由讀書變到出o黎做o野 , 但爸媽都係要6點幾一早起身返工到夜晚 , 做o野之後同屋企人見面時間少左 , 但間唔中放假會一家人出街食飯 

幾年前婆婆過身 , 其實我同佢唔係特別好感情 , 因為細細個聽媽咪話佢唔好, 又成日要錢 , 仲有我同ar妹細個果陣又唔肯幫手照顧 , 跟住到我出o黎做o野之後 , 我地一上佢度 , 爸爸就會比500蚊我叫我比婆婆 , 之後就會話我出o黎做o野所以比錢佢買o野食 , 我心諗洗唔洗ar 你地平時每個月都會比錢佢嫁啦 , 直至婆婆入左醫院 , 我去探佢果陣都無咩感覺 , 只係覺得佢瘦左好多 , 就係咁一星期左右婆婆就過左身 , 出殯果日, 好多佢o既朋友出席 , 佢地一見到我就同我講 , 原來你就係佢果個男孫啦 ?? 你婆婆成日o係我地面前提起你嫁 , 話你好乖又好孝順 , 出o黎做o野之後又成日比錢佢買o野食wor , 果一刻我諗起好多o野 , 諗起佢o係香港果陣一上佢屋企 , 佢就會話希望我地多o的上去玩 , 多o的陪佢 ,有時仲講到喊 , 仲有佢過身前o係醫院果陣 , 因為唔係o係香港 , 所以佢叫爸爸帶我返大陸去見一見佢 , 我果陣仲諗仲咩淨係叫我wor , ar 妹又唔叫 , 而家我終於明白點解 , 之後忍唔住對住佢張相喊左出o黎 ...

感情

好夜唔打住

星期六
晏晝約左搖搖出旺角食lunch 同埋幫佢整埋部notebook , 點知一出門口個天就落雨 , 可惡
跟住我地去左食沙爹王 , 攞位o既時候學左招賤招 , 明明兩個人食 , 就話有3個人 , 咁就可以坐張大枱啦 , 真係好cheap ar 但我鍾意 kaka
我地點左白咖哩豬扒飯, 沙嗲炸魚檬, 蒜容牛油雞翼, 椒鹽豆腐 , 全部都好好味 , 不過兩個人食就多左o的  
食完o野之後就去左星巴克幫佢部notebook 攪無線上網 , o的玩PSP o既人真係可以坐o係果度幾個鐘嫁wor , 攪到我地幾經辛苦先搵到個電制位ar , 跟住我就叫左杯紅豆唔知咩咩 , 一路飲一路整 , 攪左一輪終於成功上到網啦 , funny
玩左一個鐘左右wifi , 就去join 埋搖搖個fd Queenie 一齊去左朗豪酒店 hea , o係咁舒適o既環境之下我都忍唔住訓左陣   hea 到6點幾佢地就出中環同朋友食飯 , 而我就出尖咀join cherry o既生日飯
出到尖咀join 左ar隆 , 仲有生日都遲到o既cherry , 同埋ar隆女友 grace 就一齊去食霸王山莊 , 我今次點左兩個失敗o既菜色 , 一個係火腿津白 , (津白唔淋之餘 , 成道菜仲好淡 )  一個係霸王炒飯 ( 因為發現有另一個炒飯平過佢仲好食過佢 ) , 真失策 , 而好好味o既小籠包就叫左兩籠 , 呵呵 好正
食完o野之後我地就出發join 雲妮佢地飲o野 , 但中段發生左o的小插曲 , 攪到督左成個鐘頭波先至出發去酒吧 , 浪費時間
haha 又一次証明左我係包剪揼高手 , 可能我飲得太wing o既關係 , 返屋企途中竟然同ar 隆玩吐口水 , 仲追左成條街 , 諗起都覺得自己低b

星期六 dayoff  一早去左個客度幫佢set 返部機 , 之後就過九龍灣join lunch k gathering with heidi , yoyo , mandy , vicky , 好耐無同佢地唱k 啦 , 有機會再攪gathering , 順帶一提果度o的喇沙炒意粉幾好味

上星期好衝動咁買左樣o野 , 點知拎左之後先發現唔係好啱我 , 之後sell 左比我個同事 haha 好彩佢幾鍾意 , 如果唔係都唔知點算 , 不過佢要等出糧先比錢我 , 希望唔好賴皮啦

今個星期有個朋友結婚 , 雖然我地唔係好熟 , 但都希望佢會幸福快樂 , 白頭到老

PS : 有無人知道搽o的咩可以去暗倉印嫁?? help help help

星期六 同左成班朋友攪左個釣墨魚活動 , 原本仲好怕唔夠人 , 因為有o的又唔得閒有o的又病  , 不過好好彩到最後都搵得齊人 , 我地一行2x 人o係尖咀碼頭出發 , 去到個唔知咩地方釣 , 雖然夜晚睇唔到風景 , 但o的夜景都好正 , 一離開左市區就睇到天上好多星星 , 同埋個好圓o既8月15 , 之後隻船開到個唔知咩碼頭 , 就有個人拎住成箱食物比我地o係船上食 , 咁就唔怕o的人釣唔到墨魚而無o野食啦 , 大約坐左30分鐘左右就到左目的地 , 跟住個船家就開燈射住海面 , 而我地就拎魚排開始釣啦
頭果幾個字, 個個人都興致呠呠咁 , 但慢慢就開始覺得悶 , 因為都釣唔到 , 同埋o黎o黎去去都係同一個動作   , 但過多無耐ar 豪就釣到第一隻墨魚 , 就係上次爆頭入院果個 hehe , 然後都陸續開始有人釣到 , 反而我就 ... 算啦 !! 我覺得我過多陣一定會釣到o既 , 就係咁轉眼間過左一個鐘啦 , 企我隔離o既grace 竟然已經釣到兩條 , 同埋已經大半人釣到墨魚 , 係我開始失望之際 , 有反應啦 haha ,我都知我一定釣到 , 而最終我係total 釣到3條墨魚嫁 , 男子組中最多 , 而女仔組最多係4條 , 仲有o的人釣到雞泡魚, 我都係第一次見咋 , 一釣上o黎成個波咁 , 好攪笑 haha , 11點左右船家就話要開船返尖咀碼頭 , 同埋幫我地煮o既墨魚 , o的墨魚新鮮就新鮮啦, 不過唔算勁好味 , 唔緊要啦最緊要係玩得開心 hehe , 去到尖咀之後再食埋糖水就各自返屋企啦 , 希望下次攪大型活動可以齊人o的啦


我竟然o係呢張大合照度無笑wor  :p kaka

星期六 : 晏晝出左去同搖搖睇珠光寶戲 , 好叻o既搖搖竟然係之前一日搵到平飛 , 25蚊張抵到爛ar , 柯德利塔圖好靚 , 個故事都好攪笑 , 但結局有點美中不足 , 睇完戲就去左麻布茶坊食下午茶 , 但感覺上似食晚餐多  , o的o野食一般 但價錢就唔平 , 有點失望 , 我諗唯一特別o既係個蕃薯雪糕 , 食完之後行左陣街就返屋企啦 , 想買o野但又唔想亂洗錢 , 好矛盾 v_v
星期三 : 今晚約左o的朋友落吧飲o野同埋睇波 , 由於星期四係假期同埋今晚有AC米蘭 對 利物浦 , 所以好多酒吧都爆曬 , 好彩佢地一早book 左 , 如果唔係都唔知要搵到幾時 , 收左工之後就同佢地去左紅螞蟻食o野 , 求其叫左個意粉 , 估唔到都幾好食 , 至少比麻布茶坊好 , 食完o野等齊人就上去間酒吧 , 唔知係唔係特別日子 , 所以價錢都特別貴 , 任飲一位要成250蚊 , 女仔就200蚊 , 做女仔真好 , 間o野勁多人 , 又多人食煙, 攪到又熱又焗 , 頂ar 真係好希望快o的全面禁煙 , 場波2點45分先開始踢 , 但未夠鐘已經攪掂左幾個 , 哈 !! 主要o黎講果度大部份人都係支持AC米蘭 , 不過有o的人偏偏鍾意冷門 ,而我就係其中之一 , 今次係我第一次賭波 , 同埋好豪咁買左50蚊利物浦贏 , 但好失望上半場完之前比人入左粒 , 而下半場再比人入多粒, 唉! 就算最後可以入返人地一球, 都影響唔到個結果 , 最終大熱AC米蘭贏利物浦 2比1 ,  跟住見到佢地成班好開心咁走o黎走去 so funny , 睇完波都成5點 諗住坐的士返屋企 , 點知成條街都係人 , 個個都o係度等的士 ,估唔到竟然有唔夠的士o既情況出現 , 最慘係我呢o的住得近 , 20蚊車程唔通call 車咩 , 唯有等啦... 等左成20分鐘都仲係截唔到的士 , 好彩呢個毛文有個fd 行到去尖東截到的士再返o黎兜我咋 , 如果唔係都唔知等到幾時

今日一收工就趕落球波打波 , 點知臨收工又有o野整 , 所以落到去都差唔多熄燈, 跟住又因為唔夠人 , 所以無得打半場, 攪到要玩射 key , 其實打左咁多年波射key 對我地無咩難度 , 不過今次唔同o的 , 係要掂到板入先計, 其實都唔算難 , 最難就係90度果兩個位, 姐係第一個同埋最後果個 , 如果有打籃球就會想像到有咩特別, 因為只係見到小小快板, 所以要入真係唔係講實力 , 而係講運氣 , 為左等呢個遊戲激o的 , 最尾果個要請曬其餘4個人飲o野 , 幾經辛苦射左差唔多半個鐘 , 終於有結果啦 , 就係ar 豪輸左 , 不過條友最尾竟然賴皮, 叫我地去廁所飲, 頂ar 20蚊睇穿你人格ar , 男人老狗輸左唔服cheap 爆 , 跟住無奈地去左 7仔飲o野, 自費, 原本佢輸左唔請都算, 仲要cheap cheap 咁對住我地奸笑, 仲話廁所大把, 係地唔要咋 ,真係 下次同佢打牌督波都賴皮唔比錢ar, 臨走前 ar 隆竟然偷左佢個銀包 , 咁唔洗講兩個人就搶起o黎la , 點知ar 隆一kick ar豪一仆 , 個頭就撞左落o的貨架度, 流血 , 不停咁流 , 玩大左 , 叫白車 , o的人o黎到就幫ar 豪消毒包頭 , 好彩只係傷到o的皮唔係好嚴重 , 但ar 豪個樣就勁無奈, 無出過聲 , 可能心諗早知比20蚊物唔洗咁o羅 跟住主謀ar 隆就陪佢坐白車去醫院check , 而我地都各自返屋企 , o係路上我地都忍唔住笑左出o黎