祝大家：

今次既感冒症狀係眼同喉嚨好乾、痰多、打噴嚏、頭同頸痛，尋晚頭痛欲嘔，由十點訓到今朝十一點，起身頭唔痛但其他症狀依舊，食左必理痛傷風感冒(特強)，今晚早d訓，睇下聽朝情況點，唔得都要睇醫生啦……

今天下午去了會展聽于丹教授主講的「閱讀經典感悟人生」的講座。于教授旁徵博引，穿插古今事例，深入淺出的用了很多例子解釋人生一些問題。這兩個多小時的聽講真是獲益良多，她講了很多論語裡的內容，這都是自己以往讀過的，可是今天聽了于教授的演講，才知道自己根本沒有將所學實踐到生活上來，想起來自己真是有些汗顏，古人所謂：「聽君一席話，勝讀十年書。」真是很有道理。這次的演講真是很有啟發性，希望以後有機會聽到中央電視台「百家講壇」其他學者的演講。

後記：于教授全程用普通話發言，台下觀眾也用普通話發問，台下觀眾有些是中六或大學生，但他們的普通話都很流利，提出的問題亦很有體會、見地，看得出他們都是深思好問的。我想，儘管香港有很多學生不思進取，不願自我提升內在修養，只知道打機、追求異性，對自己的未來完全沒有願景、沒有承擔，但總還是有一些學生是優秀的種子的……

24號中午，我和家人先去沙田美心皇宮飲茶，再去玩具反斗城買禮物，跟著去粉嶺禁區通行證辦事處拎禁區紙，因為我要去某位家人的女友家中BBQ，而她的家就在打鼓嶺，這是我第一次入禁區呢！

去到x女友家中，嘩，原來她家族龐大，周圍很多屋都屬於她的家人和親戚，有些屋更是互通的，她家還有很多果樹、菜田、更有個魚塘呢！一路BBQ，一路有人來，都是他家的表弟、表哥、舅父、X姨之類，足足二十多人，這時我才明白為什麼準備了這麼多食物。吃完的玩，後來的吃，足足鬧到十二點，X女友弟車我們去羅湖過關，由於走禁區居民通道，沿路靜悄悄的，如入無人之境。

過了關，一行六人殺去按摩，先修腳、按腳、再按摩，已經是午夜四時多了，睡了一覺，再按肩頸，連貼士都是一千六百多，超值啊！

25號中午，我們飲完茶，會合X女友父，一行七人先打了一會桌球、乒乓球，然後再玩保齡球，每人打了三至四局後，X女友宣佈她的契媽晚上又開BBQ，於是我們從落馬洲通道過關(原來落馬洲通道出口是深圳福田區，哈，我真是孤漏寡聞呢！)，去了上水BBQ。

一去到，我才明白X女友說她家的BBQ不算甚麼的意思，這家人的BBQ設在後院，後院是兩間丁屋(橫向)後面開出來的一片土地，有錦鯉池、果樹，田園FEEL韆鞦搖椅，先前見過的X女友其他家人都來了，還有主人家的朋友，應該最少有五十多人(因為有人遲來，有人早走，來來去去，十分自由)。食物比前一晚的更豐富，除了常見的BBQ食物外，還有羊扒、蝦、荔枝蟹、三點蟹、扇貝、花甲、聖子、乳鴿、龍俐柳、放滿三張長檯，三個三呎長的發泡膠內放滿了冰凍的啤酒、汽水、各式飲品(主人家不斷添放)，還有紅酒、拔蘭地、威士忌等酒類，再加上兩大煲西洋菜湯、竹蔗茅根水，吃得我這個亞洲鋼胃也要投降，大叫吃不消呢！結果回到家，已經是26號凌晨了。

本來以為這個聖誕假要做「孤獨老人」，誰料連續兩天的節目如此豐富，真是想不到呢！

後記:在按摩院收到MGDL的祝賀聖誕短訊，我覆他短訊，順便提到自己在大陸，誰知他說自己在北京，原來這個失蹤人口生意興隆到聖誕都要出差，好可憐啊！(為什麼猜他是出差？因為我覺得他如果要去旅行，一定不會揀旺季，而且不會去大陸，他會去日本，大家說對嗎？)

尋日係一年一度聖誕聯歡日，係禮堂既抽獎我又有中獎(去年中過一次)，禮物係宜家傢俬既座墊，但都已經好開心，因為我一向無抽獎命，想不到連續兩年有獎拎，真係happy呢！此為一喜。

由於學生會今年除了搞個xx廚房之外，仲有個比賽叫美食大比拼，各班將自己煮既食物送到學生會那裡一較高下，我將我煮的鹵水牛腱、鹵水火雞腎、瑞士雞翼、桂花糕拎去比賽，結果贏左，我已經很多年聖誕茶會沒有整野食，想不到寶刀未老，真是很大的鼓勵呢！此為二喜。

番到上房開始茶會，各人當然是努力食食食，突然主席熄晒燈，企上凳，大聲宣佈，原來班仔準備左份神秘禮物(係個按摩腰墊)送俾我，仲有張寫滿各人祝福字句的聖誕咭，(今年亦收到很多聖誕咭，有些都寫了些令我很高興的字句，已經有四、五年沒收過如此多聖誕咭啦^^)，真係又感動、又高興呀！此為三喜。

十一時半，是office聖誕抽獎的時間，我走過時，見人頭湧湧，搭訕一問，原來已經抽到最後兩份禮物，我見二獎抽完，於是大聲在涼茶耳邊吼叫：「12、12、12……」我想他一定俾我嘈到幾乎耳聾，結果他抽到既頭獎就是12號，哈哈，想不到我的念力咁強，咁就俾我贏左個百靈牌風筒，此為四喜。

和同事飲完茶，出席保齡球隊搞既九瓶制師生保齡球賽，雖然我技術平平，但可以同d細路玩下，都係幾開心既事，但番到屋企就累到食緊野都訓著左(因為前一晚整野食，只係訓左個幾鐘)，醒既時候已經係午夜3點多，收拾後爬上床，訓到今日兩點先醒，真是訓到飽晒。

今年既聖誕真是開心(我已經四、五年未曾有如此開心既聖誕聯歡日啦)，但係今年既聖誕假就無得出去旅行，要留在家中執屋改野，因為之前兩個多月，忙到天昏地暗，一來要去進修，二來自己工作又忙，所以少了上網之餘，家裡又堆放了很多雜物，這個聖誕假我一定要執屋、批改功課，所以我這個聖誕節，一定會很「充實」呢。

每日開電郵信箱，都係見到d乜hug u、x me 、ur fd send u a ? 之類既facebook電郵，真係好討厭呀！ 呢d所謂既訊息同垃圾電郵有乜分別呢？ 就算係話可以知道d朋友既近況，都無理由逼人收埋d咁既無聊野 ，我覺得大部分人都可能好似以前收「幸運信」咁，隨手就send出去俾list上面既朋友(因為有d人同一樣野連續幾日、每日send三、四次俾我)，點fd都好，使唔使你日日都俾我知你add左乜呢？我覺得咁樣點算係send d 「關懷」俾d fd？直情係為d fd製造麻煩，我覺得呢d郵件，似係d病毒咁周圍擴散多d，我想知大家d野、睇大家d相，我會上facebook睇，大家有野同我講既話，咪send facebook message、send email、打電話或者msn我囉，send me a beer，不如約我出去啤啤佢仲好啦，使唔使日日send埋d咁既野黎炸我mail box呢？唔該唔好再send d乜野hug u之類既垃圾電郵俾我，唔係反面呀！