24號中午，我和家人先去沙田美心皇宮飲茶，再去玩具反斗城買禮物，跟著去粉嶺禁區通行證辦事處拎禁區紙，因為我要去某位家人的女友家中BBQ，而她的家就在打鼓嶺，這是我第一次入禁區呢！

去到x女友家中，嘩，原來她家族龐大，周圍很多屋都屬於她的家人和親戚，有些屋更是互通的，她家還有很多果樹、菜田、更有個魚塘呢！一路BBQ，一路有人來，都是他家的表弟、表哥、舅父、X姨之類，足足二十多人，這時我才明白為什麼準備了這麼多食物。吃完的玩，後來的吃，足足鬧到十二點，X女友弟車我們去羅湖過關，由於走禁區居民通道，沿路靜悄悄的，如入無人之境。

過了關，一行六人殺去按摩，先修腳、按腳、再按摩，已經是午夜四時多了，睡了一覺，再按肩頸，連貼士都是一千六百多，超值啊！

25號中午，我們飲完茶，會合X女友父，一行七人先打了一會桌球、乒乓球，然後再玩保齡球，每人打了三至四局後，X女友宣佈她的契媽晚上又開BBQ，於是我們從落馬洲通道過關(原來落馬洲通道出口是深圳福田區，哈，我真是孤漏寡聞呢！)，去了上水BBQ。

一去到，我才明白X女友說她家的BBQ不算甚麼的意思，這家人的BBQ設在後院，後院是兩間丁屋(橫向)後面開出來的一片土地，有錦鯉池、果樹，田園FEEL韆鞦搖椅，先前見過的X女友其他家人都來了，還有主人家的朋友，應該最少有五十多人(因為有人遲來，有人早走，來來去去，十分自由)。食物比前一晚的更豐富，除了常見的BBQ食物外，還有羊扒、蝦、荔枝蟹、三點蟹、扇貝、花甲、聖子、乳鴿、龍俐柳、放滿三張長檯，三個三呎長的發泡膠內放滿了冰凍的啤酒、汽水、各式飲品(主人家不斷添放)，還有紅酒、拔蘭地、威士忌等酒類，再加上兩大煲西洋菜湯、竹蔗茅根水，吃得我這個亞洲鋼胃也要投降，大叫吃不消呢！結果回到家，已經是26號凌晨了。

本來以為這個聖誕假要做「孤獨老人」，誰料連續兩天的節目如此豐富，真是想不到呢！

後記:在按摩院收到MGDL的祝賀聖誕短訊，我覆他短訊，順便提到自己在大陸，誰知他說自己在北京，原來這個失蹤人口生意興隆到聖誕都要出差，好可憐啊！(為什麼猜他是出差？因為我覺得他如果要去旅行，一定不會揀旺季，而且不會去大陸，他會去日本，大家說對嗎？)

尋日係一年一度聖誕聯歡日，係禮堂既抽獎我又有中獎(去年中過一次)，禮物係宜家傢俬既座墊，但都已經好開心，因為我一向無抽獎命，想不到連續兩年有獎拎，真係happy呢！此為一喜。

由於學生會今年除了搞個xx廚房之外，仲有個比賽叫美食大比拼，各班將自己煮既食物送到學生會那裡一較高下，我將我煮的鹵水牛腱、鹵水火雞腎、瑞士雞翼、桂花糕拎去比賽，結果贏左，我已經很多年聖誕茶會沒有整野食，想不到寶刀未老，真是很大的鼓勵呢！此為二喜。

番到上房開始茶會，各人當然是努力食食食，突然主席熄晒燈，企上凳，大聲宣佈，原來班仔準備左份神秘禮物(係個按摩腰墊)送俾我，仲有張寫滿各人祝福字句的聖誕咭，(今年亦收到很多聖誕咭，有些都寫了些令我很高興的字句，已經有四、五年沒收過如此多聖誕咭啦^^)，真係又感動、又高興呀！此為三喜。

十一時半，是office聖誕抽獎的時間，我走過時，見人頭湧湧，搭訕一問，原來已經抽到最後兩份禮物，我見二獎抽完，於是大聲在涼茶耳邊吼叫：「12、12、12……」我想他一定俾我嘈到幾乎耳聾，結果他抽到既頭獎就是12號，哈哈，想不到我的念力咁強，咁就俾我贏左個百靈牌風筒，此為四喜。

和同事飲完茶，出席保齡球隊搞既九瓶制師生保齡球賽，雖然我技術平平，但可以同d細路玩下，都係幾開心既事，但番到屋企就累到食緊野都訓著左(因為前一晚整野食，只係訓左個幾鐘)，醒既時候已經係午夜3點多，收拾後爬上床，訓到今日兩點先醒，真是訓到飽晒。

今年既聖誕真是開心(我已經四、五年未曾有如此開心既聖誕聯歡日啦)，但係今年既聖誕假就無得出去旅行，要留在家中執屋改野，因為之前兩個多月，忙到天昏地暗，一來要去進修，二來自己工作又忙，所以少了上網之餘，家裡又堆放了很多雜物，這個聖誕假我一定要執屋、批改功課，所以我這個聖誕節，一定會很「充實」呢。

每日開電郵信箱，都係見到d乜hug u、x me 、ur fd send u a ? 之類既facebook電郵，真係好討厭呀！ 呢d所謂既訊息同垃圾電郵有乜分別呢？ 就算係話可以知道d朋友既近況，都無理由逼人收埋d咁既無聊野 ，我覺得大部分人都可能好似以前收「幸運信」咁，隨手就send出去俾list上面既朋友(因為有d人同一樣野連續幾日、每日send三、四次俾我)，點fd都好，使唔使你日日都俾我知你add左乜呢？我覺得咁樣點算係send d 「關懷」俾d fd？直情係為d fd製造麻煩，我覺得呢d郵件，似係d病毒咁周圍擴散多d，我想知大家d野、睇大家d相，我會上facebook睇，大家有野同我講既話，咪send facebook message、send email、打電話或者msn我囉，send me a beer，不如約我出去啤啤佢仲好啦，使唔使日日send埋d咁既野黎炸我mail box呢？唔該唔好再send d乜野hug u之類既垃圾電郵俾我，唔係反面呀！

本來以為踏入十一月就可以鬆一口氣，誰料之前申請的課程全部獲批 ，結果直至聖誕假前，我都要過著每週進修十二小時的生活，下半年的課程申請批准與否，尚未知道，但我知道今年上半年我已經可以達標了。之前本來想取消其中一個課程，但取消了又不知道將來甚麼時候才可以有機會再修讀，暫時來說，還覺得可以應付到，所以決定三科一齊讀。但這星期我們科被大老細「照肺」(只是因為中三TSA合格率不是百份之百(97%)，而且比去年少了一個人合格，…… )，涼茶更明指我們初中太寬鬆，否則沒理由低班及格而中三不及格(其實他之前也提過是顧客的態度問題，而不是能力問題) 。我知道我的上司一定會將壓力轉卸下來，她一定會要求全部初中的售貨員「做好些」、「做多一些」、要達到100%合格率……，加上我高中今年正式計算校本評核分，所以可以想像到未來的日子都很難熬(現在已經是每晚八點多才回家……)，看來我都要去買六合彩，看看能否早日脫離這種日子呢(但我怎樣才會記得去買和對六合彩呢？)

番左黎啦，食夠買夠，係時候要想下減肥既問題……

尋日運動會，我地社又贏左啦啦隊冠軍。我地社已經雄踞左啦啦隊冠軍超過十五年啦，一直無人贏到我地。但呢兩年，有一兩個社開始威脅到我地，所以我地更加小心，每次都全力以赴，不敢怠慢。今年其實都有d壓力，因為每年坐鎮看臺既老師請了日半假，看臺無老師跟，今年既低班學生又好曳，玩到癲晒，我見勢色唔對，即刻同幾個同事合力分工，由於我地都有職務在身，所以佢地三個輪流上看臺幫d幹事手，我就係下面用電話遙控。請假既老師只係番左第一日既上午，但就指示左d幹事點樣係第二日變招應敵，加上d幹事好落力咁帶班師弟，所以第二日既形勢大好，新既打氣板掛左出黎，金光閃閃，瑞氣千條，班啦啦隊亦都「脫胎換骨」，軍容大整，皇者之風重現。

第一日校長同兩個副校已經俾左分，但最關鍵係第二日家教會代表既給分。係家教會代表逐社給分時，我地社簡直轉左turbo自動波，班啦啦隊簡直判若兩人，將小宇宙發揮到極限，佢地一表演完，我就知道我地又掂左啦！

有同事話我地社霸左咁多年冠軍，唔使博咁盡，應該俾人贏下。佢地咁講對我地都好唔公平，我地每年無論對手係強係弱，我地都絕不欺場，一樣盡力。我地社係運動方面唔夠人好，啦啦隊既勝利成為我地社既驕傲，所以個冠軍對我地好重要。我地社員既歸屬感係六社之中最強既，我地每年都有社員自動組閣，從來唔使老師煩惱，師兄亦會幫師弟忙(上屆社長今年就一直都係看臺幫手)，我地每個老師會出錢出力，年終時慰勞社員(箇年成績好就叫慶功宴，成績差就叫慰勞宴)，我地一早同社員講左，如果佢地輸左，我地都會多謝佢地既付出，我地重視既係大家有無認真盡力，而唔係名次獎牌，我地亦都知道無可能永遠贏，但即使係輸，都要輸得體面，唔會不戰就認輸，我地唔會讓個冠軍出去，但真係輸左，我地會恭喜對手，然後一定會係下一屆再贏番黎。

我好高興自己社既同事都有相同理念，我地一向都好和洽，大家群策群力，完全唔會介意邊個著數蝕底，最可惜既係我地既其中一位好老師係暑假逝世，希望新接手既同事都會一樣咁支持就好啦！

尋晚同d朋友食飯，居然收到生日禮物，但係收到既唔係d乜，而係herbal life(康寶萊) 既減肥奶昔餐……，嗚……太過份啦！未食飯就叫我減肥，人地只不過係比肥左更肥左一d之嘛，使唔使出到代餐先？咁咪即是叫我無晒d人生樂趣？我跟住呢個星期仲要上雅居樂玩四日，已經plan定左到時要去灣仔食海鮮，澳門食自助餐，依家我究竟食唔食代餐好呢？