回到現實世界~~

不經不覺, 已經去完四日三夜的旅行, 雖然唔係去左好遠的地方, 也不是去左多地方, 但印象好深, 有時一覺醒來, 都唔知係真定係發夢…不過, 能夠真係放下工作, 和喜歡的人在一起, 真係嘗心樂事。

雖然話係河源山區探訪之旅, 但係真係一啲都唔辛苦, 重好好玩…

29/11: 深圳灣 ->河源 ->探訪黃砂小學 ->家訪 ->入住御臨門溫泉酒店 ->浸溫泉+宵夜
30/11: 浸溫泉 ->回程深圳 ->大梅沙
1/12: 東部華橋城
2/12: 小梅沙 ->深圳書城 ->落馬洲

其實, 如果要寫真係好多野寫, 但係都唔知點寫 (我表達能力唔好呀…。去年九月尾, 第一次去河源, 可以話係工作 (見去年的日記)。今年, 身份不同, 角色不同, 做的事也不同。去年, 回程途中, 家輝哥話我講野越來越有層次, 第一次覺得自己真係有少少進步。今年, 責任變得少了, 但我有更多機會去觀察, 去感受, 去細味, 我也享受著角色的轉變, 下次角色可能又不同。

完左河源之旅同大家一齊返深圳, 之後就係另一個旅行。一波三折的旅程, 先前又話幾個人去, 去吓去吓, 又變得越黎越少人, 跟住又話加多個朋友 (咁點分房… 之前幾日重要話都係取消…連邊度出發都唔知, 真係好難安排…

咁於就快天黑, 都係搵車去大梅沙先…但我竟然將非常重要的東西留下…去旅行, 如果無相機點得…但都無辦法…去到大梅沙, 明知唔夠錢都要走去問吓sheraton幾錢晚, 之後再問左幾間, 睇完樓, 租左間沁茗泉酒店, 二百一十八蚊一晚, 有露台有海景, 都幾好的~不過要行六層樓梯…之後出左去食飯同行沙灘, 全程都係無乜人。

起身已經十二點…放下行季, 食左有中藥未的米粉, 之後去東部華橋城。這個地方係主菜…但係…去到門口, 一個遊客都無, 工人就好多, 因為好多地方都未整好…重要收一百八十蚊位, 但係專登過黎又無理由唔去…入到去第一個場區, 大俠谷(無打錯的..), 得小貓三四隻…連可以去邊都唔知, 好似好大又乜都未整好, 想玩激流(唔記得個名… 又唔知點入去玩…原來要行上去先有得玩…跟住包起架火車, 重要包起啲纜車上山, 係咪好豪~~上到山, 指住另一個山頭, 果邊係唔係呢?!!原來真係勁大, 去到另一邊山, 先知咩叫大, 果然欲窮千里目, 更上一層樓。真是一個非常值得去的地方 (重點係當整好之後…

之後搵左另一間雅蘭酒店, 三百七十幾一晚, 雖然係靚啲啲, 但係價格比就係沁茗泉好啲, 夜晚hea一聲又過左。起身又十二點幾, 兩日都瞓左成十個鐘, 但都仍好累, 可能係一時唔慣可以瞓咁多掛。重要比酒店罰半日房租…之後去左小梅沙同海上世界, 海上世界都要收百五, 咁華橋城真係好抵…唸住去小梅沙大酒店食個lunch, 點知都係令人好失望。hea吓hea吓, 返深圳城都已經七點, 去左書城, 鋸完扒, 就返去。

重有好多做的事未做, 叉完電, 係時候重新整理一下, 再努力。

好耐無update, 更加好耐無認真咁update…

到底…係咪真係病左先有得休息吓, 真係好累, 老爸上星期去完上海返黎, 我都未見過佢…一係佢瞓左, 一係我瞓左。有啲野係可以放棄, 有啲野係唔可以放棄…

今日又係返工, 早上已經係咁包雲吞, 成個垃圾筒都係我啲雲吞, 好誇張, 一個唔夠, 重有第二個…中午食飯瞓左一陣都唔得, 下午不斷被啲同事叫我快啲走, 唔好傳染佢地….咁下午清好啲野, 就被迫走左…其實, 啲同事對我真係好好~多謝, 聽日應該就會無事~

星期六就係出發去河源喇~雖然到而家未知會去幾多日 (最多咪三四日), 但係都係要準備吓, 機會~係留給有準備的人~
真係要快啲好返, 我要去探訪啲小朋友呀, 唔要比人探訪呀~

應承左媽媽~
我要: 咁早啲休息~食多啲生果~做多啲運動

這個星期…呼一聲….又過左

做應該做的事, 但係最應該做的事, 又好似一路都未做。

向日出的方向出發~~

下星期就去旅行喇~到底…點呢…

病…差唔多好了, 但休養, 都還需要點時間。

放左工山長水遠走左入愛丁堡, 同姨….阿faye慶祝生日, 但走左的時候發覺…唔記得比錢添…今日轉車的次數, 共有八次…都算多了。愛丁堡果然係最好的camp site, 唯一的唔好處係太多鬼…

剛完成了兩天由籃鑽專業培訓中心所舉辦的專訓, 一連兩天的工作坊和課堂, 令我所煩惱的問題都解開了, 失落了一段時間, 雖然主要都是因為受傷, 生病等引致, 也算是很短時間, 但足以令我偏離目標。很感謝各位, 能夠包容我。

正是: 得意勿忘形, 失意勿變形

差點就變形了, 會軟弱的離開。課程中, 讓我重新體會到理想的人格是怎樣, 也提出了第五級領導人的特質(level five leadership), 也同時了解到自己為甚麼好像沒有甚麼領導力。不過, 現在發現也還不遲, 最怕是不知道。我是追求成功的, 希望有一天, 能夠頁獻到社會。所謂修身齊家治國平天下, 如果自身都管理唔到, 做事點令人信服, 咁又點可以有成就。

有人辭官歸故里, 有人漏夜趕科場, 每個人在不同的時段都有不同的追求, 當然生活的基本需要就各人都需要啦。所以我從來都尊重每個人的決定, 我只是想提出, 還有其他選擇, 尤其當我發現某啲人, 在某方面有很強的潛力, 可以加以發揮。

昨晚都傾左成兩個鐘, 希望真係明我講乜啦。對!!我信妳, 雖然在客觀証據中係對妳不利, 但我仍選擇相信。因為…感覺比証據更重要, 在處理某啲事情上。

在晴朗的一天出發~

今早就帶住病樣返工, 真係無乜精神, 不過野都係一定要做, 唔野你有無病, 有起事上黎, 一樣係要面對, 唔理你有幾唔舒服。一放食飯就昏迷左, 醒左又係做野。早啲放工都係睇醫生好啲, 睇左快啲好呀~雖然都有好耐無睇過, 應該差唔多有一年了。途中收到電話, 老爸又入左醫院, 原本只係去檢查, 又突然發現到啲野, 又話要等聽日出報告, 今晚要留院。

其實…我係咪真係投資錯左呢…在我需要的時候, 一點回報都沒有。危機感, 越來越強, 對於回報低的投資, 都係應該唔做咁多喇….資源有限, 比多啲資源去有回報的地方重好。時間…唔等人的, 我唔食, 我家人都要食。

好累…

放工己經累到分唔到方向…

有啲野…係做得唔妥, 咪認囉…解釋都無用。認左, 咪改囉…唔通明知有問題, 都要一直係咁…
改正的機會, 唔係成日都有, 有好多野, 唔係一定會出現的。真係無左的時候, 無論付出幾多代價都搵唔返。

今日去左大埔行山, 係在完全無裝備的清況下行, 行吓行吓咁, 原來己經10k, 真係好耐無行過山, 到底又幾耐呢?應該都有成年幾…。行山…令我唸返好多回憶, 每次行山, 自己都身處不用的角色, 以前學生, 之後ayp, placement, 帶camp, 今次郊遊…對上次, 如果無記錯, 應該係帶day camp。placement, 原來己經三年幾前, 印象仍係好深, 雖然而家已經各散東西。
食到好飽…原來我食野真係好慢…

一路行一路傾一路影相一路唸…其實這個唸法幾個月前都出現過, 所以這個想法只係重覆出現, 所以我係知道的, 不是被蒙閉的。老實講, 雖然我很信任你, 但也不是別人說甚麼我就信甚麼的人, 因為我真係認真考慮過。對於嗰件事, 我都會去了解, 不對..是有的…但係咪故意, 我覺得唔係。不足, 唔適合…有係一定的, 但我見到努力改進中。

下星期又係繁忙的一星期, 其實都有差唔多兩個月無擔當這個角色. 要努力呀~~