近排屋企發生好多事，搞到無乜心情上網，或者做其他野，其實……到依家都仲未解決到啲問題，但係，我真係好想同所有人講，我有個好好…好好…既朋友……

佢係個講野好直既人，講野直都唔係問題，但係唔知點解﹖佢就係無乜人緣，啲人好似成日都唔鐘意佢，但係我就好鐘意佢，我地中學己經識，以前都只係個好普通既朋友，至從我結婚後無再聯絡，唔知點解我個陣好掛住佢，我有好多野想同佢講，但我又無晒舊同學既電話，所以我就係搵唔到佢。

到上年…舊同學約出黎食飯，佢地幾經轉折，終於搵到我，我同佢又開始聯絡返，我真係好開心，到近lee幾個月，屋企好多事發生，我終於睇清楚身邊既朋友，有啲朋友成日教你點做人，又好始好關心你咁，但係當你有事個陣，佢只係得個聽字，聽完之後就算，近排我好辛苦，我唔係要其他人幫，我只係想有人可以開解下我，或者可以比意見我，但係無…我唔算少朋友，但係就係無一個可以開解我，有幾個我地以前好friend架，有咩都講，如果其中一個有事，幫到既都會幫，就算幫唔到都會比意見，開解下對方咁，可能依家人大左，變晒lu…所以我真係以為無人再可以同我一齊分擔我既開心唔開心，但係原來唔係架，我仲有個Peggy，佢唔係一個好叻既人，但係起碼佢會關心我，佢幫到既，佢一定會幫，就算幫唔到，佢都會同我齊分擔，最少佢唔會聽完就算，就算佢有時唔想聽都好，佢都一定會比回應我……

To : Peggy

我好開心有你lee個朋友，除左我屋企人之外，你就係我最重要既人，我真係覺得自己好肉麻，但係真架，多謝你。

今日係bb三歲生日，不過無去街，全日都係屋企過，因為daddy要開工，成五點幾先到黎，夜晚十點又話要出到去做野，而老爺係下午四點又黎左，所以都無得出去，所以之前講左好耐話今日同bb去海洋公園都無去到，真係有少少唔開心架，話晒bb都三歲生日呀，真係好同佢好好慶祝一番，可惜…可惜…唯有遲啲補返比佢喇。

近排唔知點解真係好攰，訓得少又攰，訓得多都攰，有人話訓覺係最舒服時刻，上一排我都覺既，但係lee幾日就唔係喇，因為天氣涷，所以晚晚都要起身幾次身同bb蓋被，而且lee幾晚發既夢都好攰，成日都要走黎走去，尋晚仲要逃走添，搞到我連訓覺都好攰，再加上天氣涷，所以lee個星期我真係好懶，成日都想咩都唔做，不過我知咁樣唔得既，因為有bb嘛，所以感覺就好似辛苦左咁。

有啲fd話湊bb好舒服，得閒煮下飯，湊下佢，同佢玩下，咁就得，其實都好辛苦架，唔煮飯喎，唔通成日要bb食外買咩，咁我令願煮飯，到依家大左，要返學喇，又要教佢好多學校既野，可況我照顧得一個bb就要照顧埋成個家庭，搞到日日都忙到無停手，唔好見到我得閒上黎打下日記，玩下電腦咁正，其實我一邊打日記之餘，仲一邊照顧緊bb，所以通常一遍日記要打一個鐘先得，一陣打完日記，我又要做幾他野喇，所以真係唔好話housewife唔辛苦，就算有工人既少奶奶，都唔係真係咁好架咋，只不過係咩都唔洗佢做咁解，但係都好多野膽心架。

我成日都覺得自己無用電話影相，點知今日都整左大半日，所以順手換埋近照，尋日先幫bb影架，仲要係屋企上車無幾耐就影，因為佢見到daddy咁樣訓覺，於是學左，初時只係玩下，最後佢真係訓著左，呵呵，仲訓到去到將軍O先起身添。

今日好攰，因為今朝六點先訓，所以今日中午一點先起身，但今日都出左去，因為daddy要換返部NDS，所以3:30pm我地自己搵搭巴士去將軍O，不過我地5:45pm先到呀，嘩~~~兩個幾鐘呀，真係人都癲，我一定唔會再自己係屋企搭車去將軍O。

搞掂後就要等嫂嫂同立，之後就去左青葉食buffet，好耐無食過魚生喇，所以食左好多呀，尤其係甘蝦，不過就夠嫂嫂多，我只係有佢既一半，所以要送個字比嫂嫂……勁﹗

22-2-06

今日好開心，因為係我一個舊同學兼好朋友結婚擺酒，所以見返好多好耐無見既舊同學兼好朋友，有啲最少四年無見喇，有啲直頭中三畢業後就己經無見添，搞到我好似聚舊多過去飲咁，不過唔知幾時又可以咁開心呢﹖

前日係咁大個女第一次煮魚頭，嘩，搞左我一個鐘，香就好香，但係味呢，一食就想嘔，唉…失敗……煮魚又係咁，無次食得既，都唔知點解，都唔知仲煮唔煮魚好喇。

未結婚之前，我煲粥同炒粉麵飯都係最叻，但係唔知點解結左婚之後就失晒水準，前兩日換左啲米，到左尋晚就炒飯食，正呀，都係無以前咁好，但係都唔錯，我自己都食左差唔碗半，bb就食得唔多，因為食飯前佢食左包朱古力餅，不過都食左差唔多一碗架。

另外lee兩日bb好……唔知點講，落街買餸時，經過玩具店，佢走左去睇車車，之後就同我講 "我唔會買車車，你放心" ，可以話佢乖，但係佢又唔係乖喎，因為佢開始識講大話，整爛野，佢會話"唔關我事"，不過都係啱啱開始，所以仲有得教，要趁佢未習慣之前要教好佢先得。