各位請注意!!  我個人的hompy已於今日正式改了在以下網址, 以後將會用自己身份去登入Hompy啦!!  請大家繼續支持!!  

http://hompy.now.com.hk/id/fishyfishb

首先唔好意思, 因為我好耐無寫hompy啦, 懶到死, 又病o左, 加上又有新歡 NDS同miniworld 個新diary, 所以好少係度留言.  不過公司又有o野發生所以忍唔住又要發洩下.

第一樣o野係我o既好同事兼好知己Daisy走o左轉o左另一間分行, 令到我o係公司好悶同好慘, 平時有佢o係度我做o野會無咁驚, 因為有佢會幫我, 就算唔識o野, 或者有o的客講唔掂, 佢都會出手相助, 宜家要靠自己了.  又少o左個人同我傾計, 雖然我地都會講下電話, 但始終唔可以即刻講始終差o的.....  

第二樣o野係Daisy走o左o黎o左個新同事, 係男仔o黎ge, 佢個人怪怪地, 第一日o黎已經覺得佢唔去主動介紹自己, 好似唔係好想o黎呢間分行, 唔想做.  輕挑浮躁??  用完人地張枱又攪到亂七八糟, 唔收拾好, 尤其係佢成日用我張枱!!!  我病o左一日半返到去就唔同哂, 一個字.........亂!!!

第三樣o野係我地分行又改番五天開門, 星期六唔開.  咁就慘, 我地星期六係最忙最多人, 宜家話唔開, o的客又投訴, 又講粗口, 有o的就日日係咁哦, 又話要取消哂o的戶口......  今日就係第一個星期六唔駛返工, 但係我地o的經理就要返, 我都唔知佢地要返去做乜, 俾人鬧, 經理話其實好似正式開門咁, 都差唔多做o左幾十個客.  真係登佢地慘.......  其實我都想星期六開門返工, 因為我想放平日假多過星期六放假, 仲有可以做多o的生意嘛, 我唔夠數呀!!

仲有最後一樣就係因為五天工作我地分行唔駛咁多同事, 有一個o黎o左唔係好耐o既新丁被調走, 不過啱哂佢啦, 呢個人一早已經講話唔想係呢間分行, 佢可以一o的都唔經大腦咁, 係經理面前話好想走.  咁啱呢個就係一個機會, 經理其實都唔鍾意佢啦, 咁咪好囉, 大家終於得償所願.  但禽日宣佈呢個消息時, 個新丁竟然會喊!!   都唔知佢係開心到喊, 定係假扮唔捨得呢??   真係可以咁好戲??  我老闆都唔輸蝕, 佢都講 [你終於等到啦!!  你開心啦!! o個邊有人睇住你.]  不過成件事我覺得老闆始終係好人, 因為本來呢個同事要調去遠o的o既分行, 係老闆佢不斷打電話幫佢問, 新丁先唔駛調到去咁遠, 佢都算係咁!!

唉!!  工作真係實在每日都有好大轉變, 要懂得去適應同配合, 如果唔係真係好辛苦!  Daisy走o左之後, 我覺得壓力大o左, 開頭個日直情壓力大到透唔到氣, 個心壓住, 好辛苦!!  希望我可以頂得住啦!!

勁正!!  昨晚去了王力宏蓋世英雄演唱會, 今次只係睇$100, 去到竟然係最後o個行!?  算了, $100係差不多!  未開場已經feel到佢o既震撼力, 佢o的fans已經勁high.  其實去睇之前, 我已經買o左佢係台灣開個場演唱會dvd, 睇o左一隻, 都大若知道會唱咩歌.  不過應該唔睇好o的, 因為會有驚喜多o的, 但我諗住聽熟佢o的歌去睇會好o的, anyway, 都有驚喜呀!! 

嘩!  一開場全場已經超high, 好有氣氛.  佢舞動旗幟, 著勁閃唐裝, 掂!  跟住唱一輪情歌, 又講o的唔咸唔淡o既廣東話, 都唔知佢講乜, 好攪笑!  佢好識攪氣氛, 成日叫全場一齊叫, 一齊唱, 而全場果然有反應地一齊做.  全場最high係佢請o左個特別嘉賓, o係台灣演唱會都無, 個嘉賓係張學友, 係佢o既偶像!  學友勁攪笑, 成日都講同一番說話, 就係成日讚佢又靚仔又有才華, 全亞洲得佢一個.  咁又係真wor!!  

力宏真的好有才華, 所有樂器都識玩, 首先係彈吉他, 要全場一齊和唱, 好正, 好似合唱團咁.  之後係鋼琴, 佢彈到成日彈起身, 坐唔定, 隻手又好似摩打手勁快.  彈彈下琴無端端又突然打鼓, 仲要一路行一路打, 跟住o的助手幫佢set好成套鼓俾佢solo.    仲有一part係小提琴solo, 勁型勁利害.  一路跳舞一路拉.  最後二胡都有, 好掂!!  

佢除o左唱歌勁, 跳舞又勁, 成場有一半係佢要跳舞, 不過佢今晚有一次走o左少少音.  有一part好得意, 係唱 '不可能錯過你' o既時候, 唱唱下要我地全場唔好出聲, 佢自己就好細聲咁唱, 佢話成個紅館咁多人都可以好靜, 佢就細細聲咁唱好似o係你耳邊唱歌咁, 佢仲唱到趴o左o係地下度.

而演唱會必備o既握手位, 就唔似香港o既演唱會咁定o左某個位先握手, 但佢成場每一個位都可能係握手位, 成日都行去觀眾度, 突然同你握手, 攪到o的fans超high同全場企, standby衝出去握手.

最後encore, 佢唱唱下又倒立行走1/4個場, 你話佢係咪hyperactive呢??  不過如果唔係佢咁high, 我地又點可以睇得咁high呢??  我諗香港o既歌星都無一個可以咁!!  全場癲o左咁!!  真係好正, 好後悔無睇$400, 因為要坐到咁近先睇到佢真係有幾靚仔.

上次講完我會開班教新同事, 都過o左一個禮拜, 究竟個情況係點??  其實只係上o左三堂, 點解過o左成個禮拜都係上o左三堂??  因為有壓力!!  咩壓力?  就係manager俾壓力我, 佢問我究竟要教幾耐!!??  我都真係答唔到佢, 因為工作o既知識係好難去界定, 加上佢地呢班新丁, 新到好似無上過traning咁, 我覺得至少教哂最basico既o野先算ok.  佢問呢個問題其實背後係想話, 因為o的新丁會因為放工要上呢個班而claim OT, 咁一claim OT要俾$$ 咁manager更係唔想俾啦.  我都明o既, 但係班o野真係唔教唔得.  好啦!!  咁我唯有要定開班時間同限時一小時, 不能超時.  我定o左17:15開始, 18:15完.  仲要一個星期不可以超過三次. 

呢三堂教o既o野都係最基本要識, 原來佢地真係唔識......  點幫o的客呢??  教完希望佢地識啦, 不過最大問題係唔記得, 其實教o既時候已經叫佢地mark低o的main point落notebook度, 但睇佢地一o的organization都無, mark完都搵唔番, marko黎做乜??!!   仲有教佢地o既時候, 唔知係咪宜家o的後生仔求知慾實在太強, 係咁問我問題, 仲要有o的係唔關我教緊個topic都要問, 我話佢地, 佢地就會話番你轉頭 [又係你問我地有冇問題?!!]  真係"腰心腰肺"!!   

咁多個新丁, 個個資質唔同, 有o的聰明, 好醒, 有o的就講極都好似get唔到我講乜咁, 有o的就明明係學過又扮唔識.  無論係點都好, 我都係希望佢地怏o的學識多o的o野, take up o的工作可以順利o的, 唔駛驚俾客鬧.  因為有一日有個客o黎開戶口開o左成個鐘都未開完, 好唔滿意要投訴  呢個客就係由兩個trainee負責幫佢開戶口.   我地呢區o的客特別要求高, 慢少少都唔得, 答得慢又唔得, 所以唔想o的新同事咁慘要俾客投訴.

我覺得我自己都算有心機教佢地, 我每次都會準備定notes俾佢地, 俾我以前o既notes, 搵齊資料, 希望佢地唔記得都可以睇番.  我做咁多o野希望幫到佢地啦!!  大家一齊努力加油呀!! 

近排分行多o左好多個新同事, 而佢地大多數都係fresh grad o既.  有o的仲係啱啱出o黎做事, 另外都有o的有工作經驗.  佢地會上完大約兩個星期o既training先會落分行attach.  初頭先有兩個o黎係做counter, 之後有一個係CSO, 跟住仲有多兩個counter同事.  Total 係五個全新超fresh同事.  本來開頭o黎o既counter同事唔駛我教佢地o野, 不過宜家有個CSOo黎o左, 我就係負責教佢.  咁教o左成幾個禮拜, 就發現好唔掂, 佢地上完training以為都應該識一o的一般o既knowledge, 點知係好似完全唔知點handling 客人o既enquiry.  好驚!!  都唔知佢地training係教過o的乜??    真係完全唔可以接受!  跟住宜家發現原來連counter新丁都係一樣......    唔掂?!  好多basic o既o野都係唔識, 開個戶口都要refer manager.  點算??  所以我真係忍唔住就決定要開一個補習班俾佢地, 要教識佢地點樣handle人客o既enquiry.  如果唔係真係做死我地, 因為咩都要refer我地.  我就係呢個新丁補習班o既老師, 盡量每一日放工抽一個鐘教佢地o野.  其實開頭淨係諗住教我個CSO, 不過諗諗下一係唔教一教應該五個一齊教.  我同manager講o左之後, 佢好贊成仲俾o左o的idea我點教.  希望我可以handle到啦.  聽日就係第一日正式開班, 不過仲有一個未o黎分行, 但等唔到佢啦, 會拖慢進度, 所以聽日放工就開始新丁補習班第一課, 希望ok la.  

(我o係LONG TIME NO SEE 軟硬天師 個篇文章加o左個photo slide, 大家可以睇多幾張當日o既照片, 希望大家喜歡.     )

我新增了一個diary world, 係miniworld. 好得意ga, 有隻寵物跟住你, 你要照顧佢, 養大佢.  呢度好似hompy咁, 可以post 相上去, 寫下diary.  大家可以click下隻動物, 呢隻好似係剌蝟, 就可以去到呢個新o既diary.

不過我諗我都未必咁得閒寫咁多個blog, 因為每日放工都好夜, 又好累, 都無精神再上網寫o野, 或者每個星期一次啦!!  但都希望大家多o的捧場, 留下言.  多謝蒂同mandy長期o既支持!! 

萬眾期待o既軟硬演唱會爆足十場, 而我就去o左第七場.  咁好彩我偶像梁生都有去睇呢場, 我差o的就影到佢.    

之前聽收音機都有問過o的人睇軟硬演唱會想睇乜, 有人話最好唔好唱歌??  話哂都係演唱會點會唔唱歌呢??  o的人最想佢地做番以前軟硬o係電台做節目, 老人院, 整蠱電話.......  咁佢地都有做到, 不過好多都係聯繫到宜家o既時事, 娛樂等等話題.   同埋可能我年紀又未去到三十幾歲, 有o的歌都唔係咁識, 我以前細個都係後期先有聽佢地節目.  而最正都係睇佢地跳舞, 阿Jan 跳得都幾好, 阿葛竟有驚喜!!   到最後o個part全場起哂身跳舞, 好high!  但今晚o既氣氛就一般, 不過相比其他歌星, 呢o的氣氛已經係最好.

今晚o既嘉賓之前盛傳係郭富城, 但出o黎竟然係楊千嬅...  有o的失望tim.....  同埋都唔係咁特別..... 冇咩笑位.... 

睇完之後本來想買下紀念品, 但太多人排隊, 所以無買到......  好在即場紀念品都有個軟硬面具留念. 

大家有無發現呢個hompy好似多o左o的o野, 首先我加o左個chat box俾大家可以留下言, 等我知道邊過咁識貨上o黎我個hompy參觀.  另外仲加o左o的information 俾大家睇, 好似每日新聞, 財經, 娛樂都係Yahoo 提供ge.  仲有天氣報告, 每日一字, 有中文字同英文字, 還有當年今日英文版, 大家可以click入去link到佢地個網睇資訊.  希望大家enjoy la.  記住留言呀!!