點解咁耐唔ｕｐｄａｔｅ呢？因為ｒｏｓｔｅｒ冇特別ｐｏｒｔ，二來ｄ美國機好悶呀．．．去到又冇特別名勝喎，淨係勁ｓｈｏｐｐｉｎｇ，洗晒我ｄ　ａｌｌｏｗａｎｃｅ．．．．仲要行一個ｍａｌｌ行到ｍｉｓｓ左兩班ｓｈｕｔｔｌｅ　ｂｕｓ（兩個鐘一班都ｍｉｓｓ兩班）

洗ａｌｌｏｗａｎｃｅ個感覺真係好，勁疏爽，硬係覺得好似唔係洗緊自己錢咁，不過其實都係我既．．．

今朝岩岩o係ＬＡ返黎．．．o係ＬＡ酒店既時候，勁悶，所以就o係酒店玩無聊野．．．ｓｏｒｒｙ，四眼哥，我要出賣你啦！

講返去卡拉其（巴基斯坦）班機先，首先，要講個統計俾你地知，巴基斯坦既女人係全球女人自殺率最高既地方，而且，佢地選擇自殺既方式係自焚！

點解？因為重男輕女既情況嚴重，而且巴基斯坦佬極度大男人！

而我做o個班機，有九成半都係男人．．．死梗！

我初初奮力地死忍，佢地變態既程度係以為我地係佢地國家既女人，不停呼喝我地！算！我照忍！

到飛機開始下降前既１０分鐘，有個死佬禁鐘問我拎左杯凍水，５分鐘之後，我行過佢身邊，佢叫我一聲然後指住佢著左燈o個個鐘，我咪問佢咩事囉，佢話佢想買ｄｕｔｙ　ｆｒｅｅ，但係因為我地講到明降落前既２０分鐘已經唔會再賣ｄｕｔｙ　ｆｒｅｅ，咁我都好有禮貌咁話幫佢ｃｈｅｃｋ下仲有冇啦，因為１５分鐘前已經停左架啦！點知佢發爛，佢話自己禁左個鐘３０分鐘都冇人理佢，搞到佢買唔到ｄｕｔｙ　ｆｒｅｅ．．．

注意，呢個死佬一上機冇耐已經用粗口慰問過我ｄ周事架啦．．．即係態度極其囂張既人！

o係佢一輪咀咁發緊爛既時候，我用左一把比平時稍為大聲左ｄ既聲線同佢講：你禁左３０分鐘？真係３０分鐘？我５分鐘前先俾左杯水你咋喎，凍水喎？你唔記得左啦？我記得喎！我拎俾你架喎！點會有３０分鐘呀？你唔認得我啦？

ｗａｋａｋａｋａ！我今次簡直係大獲全勝啦！佢本身一副囂張到不行既樣即刻跳機走左．．淨返一個啞口無言既樣！佢完全答唔出我一個字．．．而我，決定唔會幫佢ｃｈｅｃｋ啦！因為我已經夠鐘坐低扣安全帶啦！總算幫俾佢問候過既同事出返一口氣！

９月ｒｏｓｔｅｒ：

１－２／９　－－＞　新加坡

３／９　－－＞　馬尼拉

７－１１／９　－－＞　洛杉磯

１５／９　－－＞　吉隆坡

１７－１８／９　－－＞　台北

２０－２４／９　－－＞　倫敦

２８－２９／９　－－＞　曼谷

初初見到個ｒｏｓｔｅｒ，見到有檳城，以為又係爛機一班，後來聽同事講，原來做呢班機可以搭船去到浮羅交怡，成個人開心晒！

我會留o係檳城兩日，成班機得我同另外一個同事會出去玩，咁我地就約好左第二日先出游水啦，當我地第一日諗住ｂｏｏｋ　ｔｏｕｒ既時候，佢話俾我知ｆｕｌｌ晒！嘩～！晴天霹靂呀！咁我留o係度兩日有咩好做呀？？？？？？本身係冇ｗａｉｔｉｎｇ　ｌｉｓｔ呢樣野既，因為個個都係ｂｏｏｋ既時候俾埋錢，所以好少可會有人唔去．．．跟住我就抱住死ｌｕｒ既精神，叫佢擺我地入ｗａｉｔｉｎｇ　ｌｉｓｔ，總之有人唔去就打俾我地啦！

本身都預左冇得去架啦，點知第一日既夜晚又真係突然間打電話黎話有４個位多左出黎喎．．．呵呵呵，真係皇天不負有心人！

咁大個女，第一次玩浮潛，真係好靚架！！！好似成個人o係海洋公園個海洋館度游下游下，超爽！o係海底見到好多珊瑚啦，七彩顏色既魚啦，蘇眉都有，仲有毛仔同基哥添呀！靚到o係個海度死浮唔捨得上岸！

但係真係好靚，好想同人分享，但係我又冇潛水相機喎．．．．咁點算呢？無畏無懼既我就將個相機放左入個密實袋度再陪我一齊游水，呵呵呵！

俾個心理準備大家，始終都有個膠袋隔著，所以ｄ相都幾矇：

下面條魚衝埋黎咀我個相機：

我多人會好似我咁ｄｕｍ　ｄ麵包落水餵魚，所以當我一落水既時候，ｄ魚誤以為我個大脾係麵包，一野啄落黎，都幾痛架：

其實仲有段ｍｏｖｉｅ添架，仲靚，不過我唔識放上黎，所以唔擺ｌｕ～～

有人話我個ｈｏｍｐｙ已經變左旅行日誌，冇晒Ｄ寫日常生活既文章．．．咁人地真係除左飛就冇乜野做過丫嘛．．．一係寫我今年既遊船河次數啦！

呵呵！我今年已經遊左３次船河啦．．．完全上左癮，邊個有得遊船河記得問下我去唔去呀！！

第一次：

第二次：

第三次：

講完．．．．其實我而家o係檳城既酒店．．．半夜三更訓唔著．．．因為好興奮呀，我後日就會去浮羅交怡陽光與海灘呀！！！

雖然之前已經飛過悉尼，但係今次所有ｃｒｅｗ都好好人，好好玩，好到連亞姐，甚至Ｃａｐｔａｉｎ都紆尊降貴，可以同我地打成一片呢～

第一晚，八點幾落機，同另外５個同事出去食飯，食飽飽行緊返酒店既時候，Ｃａｐｔａｉｎ提議去飲野，初初以為會去酒吧飲，不過又有人提議不如買酒返去酒店房飲啦．．．

跟住就買左２枝紅酒，１枝Ｊａｃｋ　Ｄａｎｉｅｌ，１枝Ｂａｉｌｅｙｓ，同埋半打啤酒去左Ｃａｐｔａｉｎ間房飲．．．o係玩樂途中，仲嘈到俾人投訴．．．我o係我班酒肉朋友入面，通常都係做輸o個個，不過同佢地玩，我就變左最勁o個個，呵呵呵，勁有滿足感．．．結果，玩到凌晨４點，直至所有酒都飲晒，大家先肯返房訓覺～

到左第二朝，就約埋一齊去Ｆｉｓｈ　Ｍａｒｋｅｔ食早餐．．．ｗｈａｔ　ａ　ｈｅａｖｙ　ｂｒｅａｋｆａｓｔ？！

不過食完之後返酒店，我就開始發燒ｌｕ～原本諗住一個人上Ｂｌｕｅ　Ｍｏｕｎｔａｉｎ行下，影下相．．．不過o個邊而家係冬天，我又發燒，一陣死左都冇人知，所以就留左o係酒店休息，夜晚出去食左一個ｐａｎｃａｋｅ～

雖然今次冇乜特別地方去過，不過同事們真係好好呢，簡直係一個完美既組合呀！

上次去完巴黎囂張完一輪，俾比佬咀咒我之後，果然．．．

去印度班機，連０．１分既浪漫都冇．．．

先係５日ｐａｔｔｅｒｎ但係有６次升降，由香港去曼谷再去孟買，休息一晚，第二日飛一飛去杜拜再返孟買，再抖兩日再返香港．．．．

今次唔再講印度機有幾辛苦，總之就做到想喊啦！今次講留o係印度既事．．．

o個邊而家係雨季，成日都水浸，ｄ印度人又污糟喎，行行下街如果一急尿就拎轉身除褲向住個牆痾，當街當行都係咁！又周街都係牛屎羊屎狗屎喎，咁一水浸，ｄ屎屎尿尿就會浮起晒！我著住對拖鞋，唯有夾實晒ｄ腳趾黎行，好驚ｄ腳趾會唔覺意“跌”左落地！！

不過，有同事帶我去一間餐廳食晚飯．．．嘩～！仲好食過重慶大廈o個ｄ　５０倍呀！

講完印度，講法蘭克福！

第一日去左有舊城堡既海德堡，雖然冇乜特別野做，不過都幾靚

夜晚就同同事們一齊出去食飯，飲啤酒

第二日，同Ａ小姐o係萊茵河邊踩左５個鐘頭單車（呵，浪漫始終要返黎我身邊）

不過踩完５個鐘，到第二個個蘿柚有Ｄ痛呀 >.<

８月Ｒｏｓｔｅｒ：

８月個ｒｏｓｔｅｒ，爛到不能再爛．．．．．

３－６／８　－－＞　悉尼

８／８　－－＞　吉隆坡

１０－１３／８　－－＞　檳城（原來好近浮羅交怡架，咁都好ｄ）

１６－２０／８　－－＞　紐約

２４／８　－－＞　台北

２６－２９／８　－－＞　曼谷＋卡拉其（大家知唔知卡拉其即係邊度？即係巴基斯坦．．．完全覺得公司o係度挑戰緊我既底線，睇下我幾時會ｐｏｒｔ　ｓｉｃｋ．．．不如下次俾我去盧旺達啦！）

巴黎好似係個個女仔都好想去既地方，因為好似好浪漫．．．

但係我由細到大最想去既地方好似唔包括法國在內，我最想去希臘，埃及同埋西藏（不過全部都冇郭太直航機去到）

講返巴黎，我原本都以為真係好浪漫，一行落飛機條樓梯就見到好鬼大條彩虹，心諗一定係好既開始啦！

但係一返到酒店，我個夢就開始幻滅啦，因為巴黎間酒店最出名既就係ｄ　ｃｌｅａｎｅｒ會入黎偷野，就算你掛左個“Ｄｏ　ｎｏｔ　ｄｉｓｔｕｒｂ”出門口，佢地都會試下開下度門睇下係咪真係有人o係度，我一入到房就要搬晒ｄ茶几呀，櫈呀去頂實度門（淨係呢個舉動都已經一ｄ都唔浪漫），因為我一個人一間房，好驚架嘛，所以我沖涼唔會閂廁所門，萬一我沖沖下涼有人開門入黎咁點算？

第一日日頭，去左著名既名店商場都行街街

成個巴黎唯一一個浪費既地方就係呢個特別版既巴黎鐵塔，本身夜晚係黃色燈既，但係唔知點解呢排變左藍色燈，仲要識閃既添，美得要死

不過巴黎夜晚治安好差架，當我同另外一個女同事睇完鐵塔準備回程既時候，就目睹一個女仔當街被一群黑人欺凌，嚇到我地兩個ｔｕｒｂｏ腳咁走，我o個晚仲發惡夢俾人追打添呀（浪漫又再一次被催毀）

第二日去到以前皇帝既皇宮－凡爾賽宮

留意下面第一張相，o係佢地個後花園，大到就算如果你想用一條最短既直線行出出口，都要三個鐘（我諗，哈哈哈）

其中一個浪漫既事情係距離我地集合既時間個有一個鐘有多，我同一個同事就去左個花園個湖度划艇，浪漫得要死

仲有去左達文西密碼．．．個門口

（我o係呢度跌左我個戰利品－ｍｉｕ　ｍｉｕ銀包落我身後面個水池，所以我呢張相係面有難色）

夜晚就去左食好野同埋去凱旋門影相，看似浪漫，但係我地要企o係一條汽車稀來嚷往既大馬路上面影，仲有路過既死剷司機不斷刻意地嚇我地．．．真係一ｄ都唔浪漫！！！

與其話法國係一個浪漫之都，倒不如話佢係一個靚仔之都，因為真係好多靚仔，成街都係，就算o係酒店隔離間老麥賣包既都靚仔到令我暈得一陣陣呢～～

林大小姐，你睇下呢個法國買既布丁幾時過期？！

４－８／７　香港　－＞　巴黎（嘩～！好感動呀！）

１２／７　香港　－＞　曼谷　－＞　孟買

１３／７　孟買　－＞　杜拜　－＞　孟買

１６／７　孟買　－＞　香港（嘩～！呢幾日真係搞死人！一啖沙糖一啖屎．．．）

１９－２０／７　東京

２１／７　曼谷

２３－２７／７　法蘭克福（十萬個期待同Ａ小姐２５號一齊遊德國）

３１／７　台北

都唔知點解我每次離開香港，香港都係落雨．．．唔通個天真係咁鍾意我？

今次去左溫哥華．．．終於都有一個地方係冇朋友架啦．．．（其實有，不過完全唔熟），而家加拿大又係一個出左名悶既地方，都唔知點死！

第一日，同ｄ同事出左去，去左一條好牙煙既吊橋，有畏高既我，都幾驚，因為只要有個肥少少既人o係你側邊行過，條橋都會ｆｉｎｇ下ｆｉｎｇ下，嚇死人咩！

之後o個日，就自己一個人出左去，去左水族館（因為發現自己唔係咁鍾意同事Ａ）

下面呢條鯨魚叫Ｂｅｌｕｇａ，唔知好似（記住係好似）係加拿大特有既，成條白色，好得意，仲ａｒｍ　ａｒｍ幾日前生左個ＢＢ

原來自己一個人出去都有一個人既好處，我實在係太鐘意動物，鍾意o個隻野會去睇完又睇，如果有人同我一齊就唔可以咁做ｌｕ！！

本身諗住一個人ｊｏｉｎ　ｔｏｕｒ出海去睇鯨魚架，即係好似拍戲咁，１２個人坐住隻船出海，睇野生鯨魚，Ｄ鯨魚成條跳出水面再躂返落水，十萬個壯觀！不過一個人去，實在好似係有ｄ危險，同埋太貴啦，最平o個個ｔｏｕｒ都要１２０蚊加幣呀！不過我下次一定一定會出睇！