新德里．．．即係印度．．．

佢地出名身上面會發出一種“獨有”既味道

仲有．．．佢地唔知點解明知自己係要問我拎４樣既，但係偏偏要分開４次黎問．．．搞到我o係架飛機度好忟同埋好似行左２０公里咁

仲有一件超經典既事，你有冇試過搭飛機會有屎味？？

回程既時候，有一個婆婆帶住個ＢＢ．．．個ＢＢ一上機就開始喊，原來佢賴左屎，個亞婆本身有塊布包住個ＢＢ既，當亞婆一解開個尿片，就用返本身塊布包返住個ＢＢ個ｐａｔ　ｐａｔ，即係成塊布都係屎啦，條充滿左屎既尿片就咁放左o係地下啦．．我地已經冇人敢行埋去喇．．之後到飛行既途中，原來個亞婆又好耐冇幫佢換，我個同班同學仔話見到Ｄ屎同埋尿已經開始破屎片而出,，o係Ｄ邊位到走緊出黎既時候個亞婆冇幫佢換片啦，即係個ＢＢ已經成個身都係屎，理所當然地成個機艙都充滿左屎味！！

最搞笑就係唔知點解所有人都可以接受到，冇人投訴，可能因為成架機都係印度人，佢地慣左一向都係咁臭，過除左一個鬼佬之外，佢同我個同學仔講：會唔會有一個ｓｐａｒｅ既位可以俾我換？因為後面陣味好似有人死左6個月咁既味．．．．ｗａｋａｋａ笑到我死咁滯

不過我都真係幾唔鍾意呢個地方，因為酒店附近完全冇野行，即係咁：

好彩我醒目帶左杯麵過去食下ｊｅｋ，不過都叫左一個漂亮既ｒｏｏｍ　ｓｅｒｖｉｃｅ：

我星期五去悉尼啦，到時再ｐｏｓｔ多Ｄ相

１ｓｔ　ｆｌｉｇｈｔ：

馬尼拉ｔｕｒｎ　ａｒｏｕｎｄ

－＞　因而由香港去馬尼拉只須個半鐘，要做晒所有野，對一個第一次飛既人黎講，真係超ｒｕｓｈ，都唔知自己要做Ｄ咩，好彩亞姐幫我地準備好晒Ｄ野，不過都未收晒Ｄ　ｔｒａｙ返黎，機長已經話降落緊．．．．．．做到暈暈地

２ｎｄ　ｆｌｉｇｈｔ：

東京ｔｕｒｎ　ａｒｏｕｎｄ

－＞　因為第一班機太ｒｕｓｈ，好多野都係亞姐已經幫我準備好，根本學唔到Ｄ咩．．．．所以呢班機，仍然有少少唔知自己做緊乜．．．不過好彩都叫做學到野

３ｒｄ　ｆｌｉｇｈｔ：

大阪ｏｖｅｒ　ｎｉｇｈｔ

－＞　ｙｅａｈ～今次順利好多啦，而且仲有同學仔一齊飛，３ｒｄ　ｆｌｉｇｈｔ要俾張ｐｅｒｆｏｒｍａｎｃｅ　ｆｏｒｍ亞姐填，好彩佢寫得我都幾好ｊｅｋ～～不過去到酒店，好驚呀！因為我地個ｉｎｓｔｒｕｃｔｏｒ講左好幾個有關呢間酒店既鬧鬼事件俾我地知，再加上我咁大個女第一次一個人住一間酒店房，搞到我成晚都o係度亂諗野

因為落機都已經係夜晚９點，食完個飯之後，淨係得返Ｄ便利店未收．．．所以就o係便利店買左Ｄ新奇有趣既野食俾細佬同四眼哥做手信

第二朝，早ｄ起身，因為機場入面有一個小小既ｓｈｏｐｐｉｎｇ　ｍａｌｌ，又買左ｄ食得既手信．．．咁樣買下買下，淨係買野食都買左四百幾蚊港幣，好彩一晚有成八百蚊ａｌｌｏｗａｎｃｅ　ｊｅｋ

要自己磨既芝麻醬：

對上一次剪短頭髮，已經係１１歲既事，呢１１年，我都係長頭髮，但係我為左唔想成日晨早起身紮一個國泰ｓｔａｎｄａｒｄ既髻（ｓｔａｎｄａｒｄ係要ｇｅｌ到一條ｂａｂｙ　ｈａｉｒ都唔可以彈出黎），我決定剪晒我ｄ頭髮

剪之前，髮型師問：你會唔會喊架？我唔理你架

剪之後，髮型師話：你睇下個地下！剪出黎o個ｄ仲多過o係你個頭o個ｄ

想唔想睇？

燈燈燈．．．鄧

超爽～！

唔知邊個叫我ｐｏｓｔ下ｄ著住制服既相俾佢睇，

再黎燈燈燈．．．鄧

雖然仲ｔｒａｉｎｉｎｇ緊，星期一先正式完結，但係尋日已經有一型ＯＪＬ　Ｆｌｉｇｈｔ，即係ｏｎ　ｊｏｂ　ｌｅａｒｎｉｎｇ．．主要目的係俾我地Ｏｂｓｅｒｖｅ下真正上到機既情況會係點，睇下人地點做野，我呢班機就係去名古屋

尋日，係三號風球既日子，我都估到梗會有ｄ出乎意料既事會發生．．．

９：００ａｍ　ｃａｔｈａｙ　ｃｉｔｙ　ｂｒｉｅｆｉｎｇ，ｉｎｓｔｒｕｃｔｏｒ叫我地早半個鐘返到去會好ｄ，我８：００ａｍ已經返到去，坐埋一邊自己冷靜下，８：３０ａｍ就開始搵我班機既ＩＳＭ（即係Ｉｎｆｌｉｇｈｔ　Ｓｅｒｖｉｃｅ　Ｍａｎａｇｅｒ）介紹我自己，話佢知我會o係佢班機度ｏｂｓｅｒｖｅ．．．．

已經８：５０ａｍ啦，仲未搵到佢，好緊張呀．．．．好彩８：５５ａｍ佢終於都出現，個樣都好好人喎，咁都定Ｄ

入到房，慣例就係我要去逐個人面前介紹自己（就算你入到房全部人都已經坐晒o係度都好，都要逐個介紹，感覺有少少ｓｔｕｐｉｄ）

每一次Ｂｒｉｅｆｉｎｇ　ＩＳＭ都會逐個問一條關於ｓａｆｅｔｙ既問題，試過有人因為唔識答呢條問題，就即係返屋企冇得飛，之後仲要去再上過ｔｒａｉｎｉｎｇ．．．好緊張呀！好彩到最後佢只係問我o係呢班機會希望得到Ｄ咩ｊｅｋ

１０：３０ａｍ起飛，去名古屋o個程都冇乜特別事，Ｄ同事都好好人，好肯教我野．．．但到左返香港o個程，首先就係有人“砰”一聲暈低左o係廁所門口，接住落黎就係差唔多返到香港既時候因為太大風，機長話唔適合降落，話如果３０分鐘後都降落唔到就要降去台北．．．

３０分鐘之後機長話佢會o係香港降落，不過我地就好似坐緊過山車咁（直到著地前一刻，好似足足坐左４５分鐘過山車咁），咁我地就開始收ｈｅａｄｓｅｔ同埋檢查ｄ人有冇扣好安全帶，如果正常情況呢段檢查既時間應該有成１０分鐘，但係我尋日只係收到３行ｈｅａｄｓｅｔ之後，就突然間有廣播叫我地即刻坐低，咁我地就放低晒我地手上做緊既野即刻返埋位扣好安全帶．．．

一坐低就感覺到ｄ離心力好似玩緊跳樓機咁，嚇死我啦！不過最好笑既就係我坐o係機尾位置，聽到前面一大堆乘客不斷嘔，Ｄ“ｅｒ．．ｅｒ．．”聲可以話係此起彼落，有另外３個同事同我一齊坐o係後面就一齊喪笑，因為據我地估計應該有成３０人嘔緊

８：３０ｐｍ終於成功安全降落，比原定時間遲左１個鐘．．．乘客落機之後，果然不出我地所料，成地都係有料既嘔吐袋，仲係一個位有幾個

正當我地以為可以收工既時候，原來仲有一個女人o係個位到暈左．．．

原來o係架飛機度真係會有好多事發生，呢份工都幾好玩

話左會ｕｐｄａｔｅ我ｔｒａｉｎｉｎｇ既情況點知又冇ｕｐｄａｔｅ到．．．．連去日本既相都冇張，真係唔好意思．．．

因為我個ｔｒａｉｎｉｎｇ實在係太ｔｏｕｇｈ啦

差唔多日日都有ａｓｓｅｓｓｍｅｎｔ，考急救啦，考救火啦，考游水啦，考ｅｖａｃｕａｔｅ啦，考ｆｉｒｓｔ　ａｉｄ啦，考ｌｉｖｅ　ｄｅｍｏ啦，考英文啦，考派餐啦，考ｓｅｒｖｅ　ｃｏｃｋｔａｉｌ啦，總之就咩都考餐死！

假如有其中一樣ｆａｉｌ，就有一次機會ｒｅ－ｔｅｓｔ．．．．假如ｒｅ－ｔｅｓｔ都死既話就執包袱走，真係好鬼死太壓力

不過咁辛苦都係值得既，因為我今個星期六就第一次試飛啦！跟住星期一考埋個ｆｉｎａｌ　ａｓｓｅｓｓｍｅｎｔ，ｔｒａｉｎｉｎｇ就正式完結ｌｕ～～～

其實上個月尾就已經收到４月尾既ｒｏｓｔｅｒ，雖然全部都唔係去好遠，但係已經有莫名其妙既興奮

等我公佈下我個飛行時間表先：

１９／４　名古屋

２４／４　馬尼拉

２６／４　吉隆坡

２８－２９／４　大阪

１／５　胡志明市

４－６／５　新德里

９－１２／５　悉尼

１５－１８／５　倫敦

２３－２４／５　臺北

２７－３１／５　阿姆斯特丹

＊＊超級期待倫敦同埋阿姆斯特丹之旅＊＊

真係唔好意思．．．實在係太耐冇ｕｐｄａｔｅ過．．．

因為我過去幾個月好努力咁朝住我既夢想進發，

簡直係廢寢忘食，

不過我既努力冇白費．．．

夢想終於成真啦！

而家呢份爛鬼工，做埋２月就唔洗再做啦．．．

３月就開始為我份新工ｔｒａｉｎｉｎｇ

之前一路都冇講，因為未成功，唔想講出黎住．．．

而家終於都成功左，

我會密切地ｕｐｄａｔｅ我ｔｒａｉｎｉｎｇ既情況俾你地知～

死啦～最近我隻左耳真係聽到怪野呀！

第一次，o係酒吧，我背住所有人o係張檯度整整下野既時候，突然間聽到有一把女人聲o係我左邊耳邊嗌：「Ｆｉｏｎａ～」

咁我即刻拎過去啦，但係所有人都距離我最少五呎，仲要o係度傾緊計，而且o個幾個係男人．．．

第二次，今日o係巴士上層，我坐尾三o個排，我望望下窗，左邊耳仔聽到有人咳喎．．．D聲好明顯係o係我左邊傳o個黎架，但係我左邊同後面都冇人坐架，坐得最近我o個個人都前我４行．．．

點算？

講開鬼，我今年去左好多間鬼屋喎！

海洋公園（其實去左兩次）

迪士尼

連九龍灣展貿o個間流到要死既鬼屋都去埋

又講開鬼屋呢，聽我個同事講，日本Ｄ鬼屋好癲呀，係成間起好左擺o係度，即係一年３６５日都有得玩既，起到成間學校咁，有班房呀，音樂室呀，操場呀咁．．．

仲要唔同香港o個Ｄ，佢係冇一條特定既路線，成個迷宮咁，每次淨係會放兩個人入去，有時又會成地都係一Ｄ唔知係真人定假既死屍喎．．．嘩～！如果我入去玩，嚇到標尿都似呀～！不過最搞鬼就係你可以求救，但係如果你一投降既話，你個樣就會被記錄，之後俾人ｐｏｓｔ埋出黎大大隻字寫住“ＦＡＩＬＥＤ”．．．真係羞家囉～不過我諗住二月拎埋份雙糧之後就即刻辭職然後飛過日本玩幾日，仲要玩埋呢個日本鬼屋！有冇人有興趣同我一齊去探險呢？

可能手震朦朦地，覺得呢張相好靚：

我公司個皇太后，佢實在太唔鍾意人請假，就算係病假都黑面！

皆因佢自己病到甩碌，咳到個肺都差Ｄ跌出黎佢都唔會請假．．．

佢足足咳左三個星期，都唔請假，只係開始咳既第一日戴左個口罩，之後就冇再戴．．．

佢都要理下人感受架？！我對住佢仲多過對住我亞媽，你病又唔休息又唔戴口罩，傳染左俾我，我請假你又黑面，咁你想我點？

話說上兩個星期既某一日，我實在係太眼訓（因為之前o個晚返通宵）決定左請一日“病假”，估唔到呢一日“病假”就係惡夢既開始．．．．．

因為我夜晚要趕住返酒吧既關係，所以唔可以O太耐Ｔ，好多時最遲７：００就要就，其實佢已經唔係咁滿意，再加埋我請左病假，佢就開始針對我！（其實係老屈！）

個案Ａ：

話說我１０月８日先收到客人資料要訂物料Ａ，咁我已經即日落單訂，咁開左張單就要俾皇太后ＣＨＥＣＫ完簽完先可以出，咁我就成個Ｆｉｌｅ放左o係佢台面等佢ＣＨＥＣＫ啦！一個星期之後，我仲未收返份野，咁我入去提佢啦，佢就話：「你仲未訂？！我一早簽返俾你啦！我連埋物料Ｂ o個張單一齊簽返俾你架嘛！你整唔見左呀？」－－＞語氣其差！

我即場冇出聲，當我走返出去ＣＨＥＣＫ既時候發現物料Ｂ已經一早o係１０月４日訂左！佢真係亂咁黎！

個案Ｂ：

一塊布既顏色唔批，客人嫌太藍要再跟色辦再做．．．咁我就完完全全引述返俾間布既供應商知．．．過左差唔多一個星期，皇太后問我：「個客咪話要供應商跟面布色再做既？你有冇叫呀？」

我心諗：「下？乜唔係跟色辦咩？」

但係我仲未黎得切反應，佢已經一輪嘴咁鬧：「你有冇搞錯呀？我叫你做o個Ｄ野你有冇做架？你布冇尊重我架？我叫你叫供應商跟面布再做你又唔叫（其實佢從來冇叫過），而家再用咁多時間做出黎既野又係錯，我自己做好過你做啦！我對住你想吊頸死呀！」

洗唔洗呀？．．．．．．

我又唔出聲，等佢鬧夠又走出去ｃｈｅｃｋ，原來佢自己睇錯左第二個ｅ－ｍａｉｌ，我拎返入去俾佢睇，佢即刻冇聲出！佢根本就係有妄想症，如果唔係點會以為自己同我講過咁多野？成個故仔作埋出黎呢？！其實我咁樣俾佢屈，真係好好好好炆！！火都黎埋．．．．算！我忍佢！鬼叫佢係皇太后咩？

個案Ｃ：

又亂鬧．．．兩個星期前佢叫我跟個ａｇｅｎｔ　ｓｅｎｄ俾個美國客既３個ｒｅｐｏｒｔ（ｔｏｔａｌ有５個，但係有２個唔出得街）再ｓｅｎｄ一次俾個香港客，咁呢個一定唔可以出錯嘛，我已經金睛火眼ｃｈｅｃｋ左３次冇錯我先ｓｅｎｄ出去。過左兩個星期之後，佢一打黎就鬧：「你ｓｅｎｄ錯左ｒｅｐｏｒｔ俾個客呀！同你講左要小心Ｄ架啦！你可唔可以跟好ＤＤ野架？！？！？！？」

今次真係冇得忍，我駁佢：「又係你話跟住個ａｇｅｎｔ　ｓｅｎｄ　o個３個ｒｅｐｏｒｔ　ｓｅｎｄ既？」

佢就好惡咁話：「究竟係邊封Ｅ－ｍａｉｌ令到你誤會，你ｐｒｉｎｔ出黎俾我睇！」

我又拎ｄ證據入去，佢又啞左！

呢兩個星期實在又太多個案，不能盡錄！如果我唔係要儲錢讀書等佢份ｂｏｎｕｓ，我走左１０年．．．不過可能因為咁，個人又大個左少少。識得我耐o個Ｄ都知我有幾易喊，以前你大聲少少話我我都會喊到收唔到聲，但係唔知點解今次一次都冇喊過，可能因為嬲多過唔開心掛．．．

不過我都仲係好想走．．．有咩辦法呀？