各位老死，我o地要入抱抱camp啦，

三日兩夜，出唔到o黎咖啦，

我俾你D錢唔好咁快用晒呀，

 但係你俾我D錢就已經用晒啦。

咁你o地小心照顧自己啦，

哥哥唔o係度你要保重身體呀 ~

飲多D水，食少D煎炸o野，

出Camp見啦，BYE ~

在此要多謝全程偷拍既朋友Sam哥，THANK YOU !!

再見FANSV嘉琳好正
愛似林一峰
除衫+方大同
派對獵物
ABC君-方力申XD
DJ GALAXY*精華所在XD
農夫係你老死
BABY BOY-WIF 仇浩明XD
456WING
音樂大亨
愛似陳冠希又似魯振順

黎緊11月4號Wild Day Out 見 ~

農夫<<音樂大亨>>首日火速售罄，

真係認真多謝咁多位老死一直以黎既支持 !!

而家已經補晒貨，未買既朋友或者想買齊五十隻去搵Galaxy既都可以買返。

因為連日黎奔波宣傳，同買搞官網D野，所以update得比較慢，sorry !

點解今次無boom枝筆？因為boom枝筆大師話D咁矜貴既野要睇live喎，所以大家聽晚730記得準時到朗豪坊12/f，Galaxy將會首次現場boom比你睇 !

p.s. Baby Boy MV 將不日登錄K場 !

農夫全新大碟<<音樂大亨>>鐵定10月20日全面上市。

全碟16 tracks，內有農夫及Galaxy性感 / 感性玉照，售價待定，各大CD舖有售。

封面呢個，唔好買錯 !

另外，10月28日，農夫<<音樂大亨>>簽唱會將於當晚7：30假朗豪坊舉行，屆時有20分鐘簽名環節，仲有多位嘉賓撐場，早D到。

農夫全新官方網站www.fama-color.com將於不日內啟動，所有歌詞一覽無遺 !

p.s.今期Monday有農夫及Edison新碟詳盡專訪，記得買 !

昨天到新城做訪問，認識了新人梁東，話甚投機，今個禮拜日朝出街，大家得閒聽下啦。

大家收唔收到風抱抱camp又o黎啦，快D睇o下仲有無得報名，隨時有可能同我地一齊訓喎，呵呵!

中秋晚(06-10-2006)零辰12點，即係聽晚，o係APM除o左可以賞月之外再賞農夫，

一連半個鐘，陪你由中秋賞到追月，聽晚見 !!

另外，我地大碟已經影好晒booklet，最後一個MV亦都完成，全部歌都mixed好晒，即將進入印刷階段，而家倒數唔夠廿日推出，到時仲有農夫首個正式簽唱會，各位老死，密切留意 !!

多謝大家再一次俾動力我。

尋日愛似林一峰正式登台，So師父播o左，大家得閒留意多D電台，睇下聽唔聽到。

錄碟o個個係感人舒情版，現場唱o既係拉闊激情版，一雞兩味，雙重風味，聽完你會做我老死。

以後大家可以得閒keep住打書釘啦，因為我地會o係Monday寫農夫音樂大亨專欄，將錄碟過程正式公開，仲會披露每個禮拜o既動向，兼且同你一齊玩農夫大碟封面拼圖遊戲，加上今期又有訪問，去望望啦。

至於想搵我地出show o既朋友，可以來貓到famaloveletter@gmail.com，我地再傾詳情。

好多謝澳門及國內朋友支持，我細個都成日去珠海，因為阿麻鄉下o係東莞，咁咪去轉車囉。而家去澳門就要探Solar啦，再同佢地合唱意大利版17年華。

終於有人投訴啦，你o既投訴係我update o既動力，所以決定又講下近況。

上個禮拜四去o左睇MC HOTDOG，個場都幾爆，當晚南拳媽媽就o係正佢隔離做show，HOTDOG一上台就勁串南拳，之後又串爆5566，笑到我地爆晒咀。鬼叫HOTDOG紅o羊，新碟一出銷量已經係周懂o既三點幾倍，仲有張震嶽呢個神台級rock友經理人，唔洗飲支華士佢都可以話事呀真係。

我地走埋去打招呼，HOTDOG話佢都好鐘意農夫，開心死。我仲同兒時偶像張震嶽握手添，十日都唔洗手呀!

禮拜五又做o左場CHIVAS既good show，EO2真係好鬼o岩咀型，先有兩大無聊神Eddie同Oto，Eric又係rehearsal o個時係咁rap我地，Osman仲幫我地排o左隻舞456Wing X ABC君，下次有機會跳俾大家睇。

下星期應該會派新歌上台，大家密切留意啦。

黎緊我地除o左係Now，東方之外仲會有多一個地方寫專欄，firm實再話你地聽。

明天要錄音，講住咁多先，至於錄o羊？遲D你就知!

p.s.好掛住o個家人，你地得閒約齊9男女，無9都要有8啦，食餐飯或者乜o野都好，Call我。