中秋晚(06-10-2006)零辰12點，即係聽晚，o係APM除o左可以賞月之外再賞農夫，

一連半個鐘，陪你由中秋賞到追月，聽晚見 !!

另外，我地大碟已經影好晒booklet，最後一個MV亦都完成，全部歌都mixed好晒，即將進入印刷階段，而家倒數唔夠廿日推出，到時仲有農夫首個正式簽唱會，各位老死，密切留意 !!

多謝大家再一次俾動力我。

尋日愛似林一峰正式登台，So師父播o左，大家得閒留意多D電台，睇下聽唔聽到。

錄碟o個個係感人舒情版，現場唱o既係拉闊激情版，一雞兩味，雙重風味，聽完你會做我老死。

以後大家可以得閒keep住打書釘啦，因為我地會o係Monday寫農夫音樂大亨專欄，將錄碟過程正式公開，仲會披露每個禮拜o既動向，兼且同你一齊玩農夫大碟封面拼圖遊戲，加上今期又有訪問，去望望啦。

至於想搵我地出show o既朋友，可以來貓到famaloveletter@gmail.com，我地再傾詳情。

好多謝澳門及國內朋友支持，我細個都成日去珠海，因為阿麻鄉下o係東莞，咁咪去轉車囉。而家去澳門就要探Solar啦，再同佢地合唱意大利版17年華。

終於有人投訴啦，你o既投訴係我update o既動力，所以決定又講下近況。

上個禮拜四去o左睇MC HOTDOG，個場都幾爆，當晚南拳媽媽就o係正佢隔離做show，HOTDOG一上台就勁串南拳，之後又串爆5566，笑到我地爆晒咀。鬼叫HOTDOG紅o羊，新碟一出銷量已經係周懂o既三點幾倍，仲有張震嶽呢個神台級rock友經理人，唔洗飲支華士佢都可以話事呀真係。

我地走埋去打招呼，HOTDOG話佢都好鐘意農夫，開心死。我仲同兒時偶像張震嶽握手添，十日都唔洗手呀!

禮拜五又做o左場CHIVAS既good show，EO2真係好鬼o岩咀型，先有兩大無聊神Eddie同Oto，Eric又係rehearsal o個時係咁rap我地，Osman仲幫我地排o左隻舞456Wing X ABC君，下次有機會跳俾大家睇。

下星期應該會派新歌上台，大家密切留意啦。

黎緊我地除o左係Now，東方之外仲會有多一個地方寫專欄，firm實再話你地聽。

明天要錄音，講住咁多先，至於錄o羊？遲D你就知!

p.s.好掛住o個家人，你地得閒約齊9男女，無9都要有8啦，食餐飯或者乜o野都好，Call我。

Neway繼首回限定農夫新歌<456Wing>後，昨晚7時許全面加推<愛似林一峰>，仲有一番鬼罕特別嘉賓客串，去唱好K之前先睇o下製作過程。

農夫為藝術而犧牲，無上裝演出，睇住少少先，到時再欣賞。

採排攻擊一峰係最多NG o既一part，因為想打多幾次，唔好嬲啦一峰，愛者打多幾o下嘛。

終於放飯，人物介紹：右起，東昇哥(六永堂弟)，老婆(茶水)，高珊(御用化妝)，全港唯一及最受歡迎二人男子hiphop組合，清新男(？)歌手，cam man同佢背後o既女人，隻腳係導演。

放完飯就要扮你快樂所以我快樂。

最後一個shot，右起，六少，一峰，神秘嘉賓，小弟。欲知咁神秘o既係邊個？去唱好K啦。

路經新城，露芙范震專訪，巧遇失散兄長快bit，即刻捉住合照，此生無憾矣!

各位老死，呢個禮拜又係時候去7記打書釘。

今期Monday又有我地，4-5版添，做model，哈哈。

Yes仲有我地同Galaxy大談HIPHOP。

聽日開始，訂東方日報啦，因為我地會開始係東方撰寫專欄，多多捧場。

腳已好得七七八八，唔使擔心，或者根本無擔心過？

1，今期Milk林祥焜大人登o左農夫全新大碟"音樂大亨"o既封面出o黎，十月推出，九月先預覽唱片封套，認明正貨，唔好買錯!

順便都幫襯o下林大人o既畫集Good Girl，血氣方剛o既你一定會忍唔住打............去書報攤落訂。

2，小弟幫一位文壇新人兼老死"苦淙"首本微形小說"首集"寫左個序，算係C君文壇第一篇正式發表o既文章，獲益出版社出版，HK$48，各大書局有售。

3，農夫官方網站現正全力製作中，於不久將來同大家見面!

4，9月15日，我地o係灣仔華潤有個Chivas o既party，到時我地仲可能crossover某表演嘉賓，據我所知D飛非常難撲，大家盡快行動，因為現場有免費Chivas派發，所以只限18歲以上人士入場。

5，"456Wing"正式登錄Neway ! 尋晚我地唱o左十幾次，大家快D去過下口癮!

呵呵，真係可喜可賀，農夫o係網上突然成為大熱，今期Monday仲捉埋我地做訪問添，聽日出街，記得買。

我最近兩日整親隻右腳，行路跛跛下，俾高潮個黑心Barry係咁笑我跛佬，連續兩日都足不出戶，就黎悶死左。

大家有無D乜野解救方法？醫生話發炎，咁有無乜野唔食得？又有無方法可以最快行得返，如果我真係跛左，你地可唔可以成立一個基金養起我......?