STUCK!

這陣子不知何故腦袋實在好實！

What? Why? How?

呢個weekend喺屋企靜靜地睇奧運，好精彩好刺激，睇女排好火滾，睇男籃好緊張，睇体操好激動...
仲睇到新男女飛人誕生！

尤其果個牙買加男飛人保特，好懷疑佢係唔係地球人囉，100米跑9.69仲要嬴人幾個身位，衝線前收晒步拍晒心口都破到世界記錄！你話係唔係地球人喇？！

唉...悉逢今朝睇到有關劉翔因傷退出既消息，好可惜唷，但係可能佢真係傷得好嚴重，外間又真係俾左13億既壓力佢，因傷退出未必係一件壞事，畢竟奧運都只係其中一個舞台而已。

8月頭(打風之前幾日)...
去左拯救迪迪尼，book左荷李活有間大酒店，同老婆同琋少去玩左一個好愉快既weekend！
瑜姐都有去架，不過食完buffet就返左屋企冇過夜。
(第日都係冇入樂園玩...點都唔供獻兩隻入場人次俾佢！哈哈...！)

唔知點解，可能人真係「成熟」左，呢排成日想當年。
適逢友人B從澳洲返黎渡假，琴晚仲約左幾個childhood friends食飯，由細玩到大，成晚講D淨係我地圍內先識得笑既野，嘻嘻哈哈，不亦樂乎！
遲D都要約下其他childhood friends食下飯吹下水先。

舉世矚目既北京奧運終於開幕...
自己既感覺有D複雜，又唔算好興奮但又未至於冷漠，總覺得國內同胞加上我地個香港政府係over-react over-excited左，定係我唔夠愛國呢？！
有睇開幕禮，唔...都覺得好靚好壯觀既，但略嫌啱鬼佬多D囉，我諗D鬼佬會睇得超勁開心，尤其美國佬仲會諗：「頂吖...呢D大場面我地平時要用CG先做到架woh...班中國人咁勁既？！」
又發覺原來有D項目都幾好睇架bor，例如好似舉重咁...

HOMPY十大奇觀之一...HOMPY係唔係short左？

呢排勁懶update，對上一次update係21號喇woh...今朝晨早click入去已經話有八百幾人睇過？！有冇人咁捧場呀？！

(兩兄妹...攝於7.26 BB gathering！)

近日終於有D時間，可以整理同update一下音樂庫，iPod終於得到重生！
就等我推介一下自己既playlist喇...

先黎比較徧D新D既...J-Pop同ChinaPop：

呢排喺903有好多promo既青山テルマ(青山黛瑪) 最新Single「何度も」同專輯「Diary」。
一聽佢首「そばにいるね」...嘩好搶耳好好聽，好有光妹既影子，同樣主打R&B，同樣為唱作人，今年21歲咋！
但係unfortunately，樣子就唔算標緻，但係D歌真係得！另一首推介係「未来予想図II」！
Official Website: http://www.thelma.jp/

China Pop係大家應該聽過既胡彥斌「音樂斌潮」。一隻碟16首精選，隻隻揀手，之前只係聽過佢幾首主打既買呢隻應該幾抵！
胡彥斌blog: http://blog.sina.com.cn/huyanbin

本港代表其實有好多，好似農夫隻新曲+精選，劉浩龍 (尤其同緋聞女友鄭融果首一事無成)，仲有回歸樂壇既蘇永康新國語專輯 (以前好支持佢唷！)...
最最最最新就係Kary既Lady K: Transformation，當中比較喜歡都係果D慢歌：分手要狠、最後一秒鐘、不如不愛、天橋交匯處、長不大...

不過聽來聽去，好似冇一首好似以前果D火熱動感la la la 適合同陽光玩遊戲時喺沙灘船P "fung" 機既？！

我：「琋琋呀...黑貓咩色？」
琋：「黑色！」
我：「咁白貓呢？」
琋：「白色！」
我：「熊貓呢？」
琋：「a....hm....黑白色！」
我：(哈哈哈...)「叻仔woh！」

哎吔，前陣子真係好很忙，忙到連blog跟facebook都慌廢了良久，D friends話我如消失於空氣之中！

有一樣一定要update大家，就係瑜姐六月頭已經一歲嚕！
係咪大個左好多呢？！
佢而家識得講幾個單字，都叫做識得叫我地既：爹、媽、哥、婆，十次有七次叫得啱喇，嗌唔啱果三次唔知點解佢會叫左我地做「雞」！
哈哈！

瑜姐 in Baby Zara！

五六月公私兩忙...忙到甩轆！