好耐冇理過呢度，相信已經冇乜人會再看過，其實自已亦都好懶，唔想寫咁多野。就算工作、感情等等等等，好多不如意。今天寫的原因，就係我剛按電視，看到當年一套我欠了安娜沒有和她看的電影，「我的野蠻女友」。她樣似性格也似戲中的全智賢，當中的九年我也做過一些似戲中的男主角，穿她的高跟鞋，揹她行街，送花給她，和她喝酒至喝醉。如果可以回到過去，我會努力做好自已，又或者當年和她一樣有一個兩年的約定你話幾好呢。又看到喊成個豬頭咁，明天點返工

呢個星期最多做的事，唔係去打波了，而係去跌打醫館看自已隻腳。事關之前扭傷後，一直都唔好，所以跟朋友的介紹下，去了看一個跌打醫生。一直我都唔係好信，因為實在唔係太科學，但呢個係朋友力薦下，不妨一試。但點知試後先知好大鑊，佢話我可能係骨刺，要照X光。如果大的話以後唔打得波，我心想呢一年俾左咁多錢學波，唔係嘛…擔心了幾天，好彩看完片後，係有骨增生，但我隻腳重可以打下，但要好好護理。經呢一次發現自已年紀唔細了，真係唔同後生，跌倒之後拍拍屁屁起返身囉，如著重自已身體了

有人話一份工作應該有一年兩年的時間，如果唔係你工作能力低到人地炒你的話。其實係呢段時間，小弟俾埋信了，得返我一個人，個妹仔又成日嘈嘈嘈，佢真係好Q煩，佢做錯野又好似老馮，痴線。唔做囉，我老闆個仔都收返晒D權，所以我都冇癮，辭埋份工，找過另一份更好的去做。預左人工冇咁好，但希望係福利上拿返少少囉，自問小弟都打定底，要向舊公司乞米，但真係唔敢講返到去係會點。話晒當年都拿捉兩個幫得手的人過檔，又未搵到工，令我有少少煩惱添…

我公司的partner今天遞信了，先係我前阿姐，而家輪到我partner，下次真係唔知係邊一個呢。自問營運部只剩返我同個文員，但可能佢都好快走埋，今次轉季得返我一個真係幾死嫁。不過由Q佢啦，呢間公司唔死都冇用，昨晚好唔開心，係搭的士時漏了個公事包，係咪意味住我應該走佬呢。都係個白痴老闆攪到我加班，又心軟，又癈，不知所謂。話炒又唔炒，重要我呵返佢，咁邊個呵返我地先，咪癲啦叫佢。我同partner有時都會係工作上有爭執，但其實最後到今天，基本上佢一遞信就同我講已經好好，至少可以有返一個月俾我部署，到時轉季得返我一個，搵你做咩，發花癲…老闆你成日講到自已咁叻，你做埋佢囉

一星期裡面六天工作，十分忙碌，來到星期日真係唔想出街。但正正又係練波的日子，亦都令我很倦。想找一個出路時，我已知應該唔做呢間公司，乜工都係，每天OT一兩個鐘，放星期六日就夠。希望盡快找到

好多野轉了：搬了屋，離開以前的家。轉了新女友，就是我之前說的女同事。轉了羽毛球教練，得來一個負責任的教練。講心同現在的女友開心好多，佢成熟很多，而且差唔多教育程度和收入。雖然有一樣不好，就是她不是和我住，一星期來三、四天，其實唔係咁習慣，以前點都有一個人陪住我嘛。算啦，呢個女友我真係幾喜歡，又係一隻老虎妹，又係一個同安娜十分相似的人。

係呢一段時間一星期練兩日波，打4日羽毛球，好似羽毛球似我女友，多過我屋企個件。新工作壓力很沉重，有點令我抖不過氣來。不容易，老闆升了我職，加了我的人生。而家有以前找不到的人工，應該開心定唔開心呢。其實真係想同小女友好好地生活，但同佢就好似前世有仇咁，三日唔埋兩日就炒交。我真係想找過第二個女友算數，其實我係公司有個女同事都不錯，又冇男朋友，可惜我有女友所以佢唔喜歡我姐。係唔係應該keep住呢段關係，定係分手後再找過我的另一半呢，今日有個人話我似25歲…勁開心，可能我個樣似，但我的氣質唔似…係另一個同事講的…都好過冇

老闆佢出左一個好好的價錢留低我，而且老闆仔亦出面留我。講心老闆仔係一個我幾欣賞的人，佢同我差唔多咁大，但真係算好醒。係佢身上我看到乃臣的影子呢，一個我勁欣賞的年輕才俊呢。但留下來未必可以算係一件好事，因為一個新的營運經理來了。自問同佢冇乜溝通，佢亦唔主動同我溝通，講心我係一個唔易親近的人。真係的，有時太強、太辣會形成老闆的壓力。有邊個老闆可以接受自己的下屬明顯強過自己，而且係個大老闆心目中亦有一個超卓的地位。我都已經收歛了一點，之前更加鋒芒過露，係咪我要扮傻仔，乜都yes man呢。講心佢來左一個星期，好多背後問題都未知，真係唔知點做好，而家做到幾多咪幾多囉…同一個打字員冇分別。真係…要找一個識用人的上司，又唔忌材冇私心，除左俾錢老闆外，真係好難找